John 17:15 - Nǫ̀htsı̨ Nı̨htł'è

¹⁵ Dıı nèk'e dǫ gots'ǫǫ̀ xàgı̨ı̨wa gha yahtı-le, hanìkò wehłı̨ı̨ ch'à gık'èı̨dì gha nets'ǫ̀ yahtı.

John 17:15 ပူးပေါင်းရင်းမြစ်များ

Matthew 5:37

‘Hęɂę,’ dahdı nı̨dè wek'ę̀ę̀ eghàlaahda, eyıts'ǫ ‘į̀le,’ dahdı nı̨dè wek'ę̀ę̀ eghàlaahda; eyı weɂǫ̀ǫ̀ yatı nàtsoo t'à xàyaahtıı sìı wehłı̨ı̨ weyatıì hǫt'e.

Matthew 6:13

Hołı̨ı̨ ts'ı̨ı̨wǫ ch'à gok'ènedì; wehłı̨ı̨ gots'ǫǫ̀ nıwà anele.’

Luke 11:4

Dǫ gok'èch'a nàhogehdèe sìı gıhołı̨į̀ gıghǫ nahots'eele t'à, gohołı̨į̀ goghǫ nahoı̨le. Hołı̨ı̨ goèhdzà ch'à gok'ènedì,’ ” gòhdı.

Luke 22:32

hanìkò, Sımon, ı̨łaà nınì nàtso ha, negha yaehtı. Sets'ǫ̀ ek'èt'à anaąjà nı̨dè nèot'ı̨ gınì nàtsoò agı̨ı̨le nǫǫ̀,” yèhdı.

Galatıa 1:4

Zezì-Krı dıı nèk'e hołı̨ı̨ nàowoò ch'à edaxàgole ha nıwǫ t'à, Nǫ̀htsı̨-Gotà wınì k'ę̀ę̀ gohołı̨į̀ k'èxa ełaı̨wo adììdlà hǫt'e.

2 Thessalonıca 3:3

Hanìkò gots'ǫ̀ K'àowo hotıì edeyatıì k'èdì hǫt'e, naxıdzeè nàtsoò anaxııle xè, wehłı̨ı̨ ch'à naxık'èdì ha hǫt'e.

2 Tımothy 4:8

Ehkw'ı gha sııtà xè hoehnǫ ts'ıhɂǫ̀ t'asìı sǫǫ̀mbaekwo t'à hòèlı̨ı̨ nǫǫde dzęę̀ k'e seghǫ̀t'à ha. Gots'ǫ̀ K'àowo ededı̨ zǫ ehkw'ı dǫ sınìyaehtı hǫt'e eyıts'ǫ ayìı dehnǫǫ sìı seghàyııɂà ha. Sı̨ zǫ hasele ha nıìle, hanìkò dǫ hazǫǫ̀ wègoèht'į̀ gha kànegı̨ı̨ɂaa sìı ededı̨ sı hagole ha hǫt'e.

1 John 5:18

Amìı Nǫ̀htsı̨ gots'ǫ wegǫ̀hłı̨ı̨ sìı ı̨łaà hołı̨ı̨ k'ę̀ę̀ eda nıìle wek'èts'eezǫ. Zezì-Krı Nǫ̀htsı̨ gots'ǫ wegǫ̀hłı̨ ı̨lèe sìı yek'èdì hǫt'e, eyıt'à wehłı̨ı̨ t'asayele ha dìì.

1 John 5:19

Nǫ̀htsı̨ weza ats'ı̨ı̨t'e, eyıts'ǫ dıı nèk'e dǫ hazǫǫ̀ Nǫ̀htsı̨ dę geedaa sìı wehłı̨ı̨ gıts'ǫ̀ k'àowo hǫt'e, wek'èts'eezǫ.