John 17:1 - Nǫ̀htsı̨ Nı̨htł'è

¹ Zezì hadı tł'axǫǫ̀, ı̨dòo yak'e ts'ǫ̀ k'eet'į̀ xè yahtı, hadı, “Setà, hòt'a eyı nèhòı̨wo, Neza weghàsǫhoedıì anele, hanì-ı̨dè Neza neghàsǫhoedıì ayele ha.

John 17:1 ပူးပေါင်းရင်းမြစ်များ

Mark 14:41

Eyı tł'axǫǫ̀ taà-eht'aà decheekeè gots'ǫ̀ naèhtła, hagòhdı, “Įłaà wheahte nì aaht'e? Hòt'a! Dǫ-wet'àaɂàa-deè hołı̨ı̨-hogehtsı̨ı̨-dǫǫ̀ tł'aàgıhtè ha nìhǫǫwo.

Luke 18:13

“Ekò sǫǫ̀mba-nàhtsį̀ı̨-dǫǫ̀ ı̨dè nàwo, ı̨dòo k'eet'į̀ ha kò dìì. Edezhį̀į̀ ts'aht'ı xè hadı, ‘Senǫ̀htsı̨ etesenèeɂı̨, hołı̨ı̨-hohtsı̨ı̨-dǫǫ̀ aht'e,’ hadıì yahtı.

Luke 22:53

Dzę taàt'eè naxıxè Nǫ̀htsı̨kǫ̀-gocho gà whıhda ı̨lè kò sèahchì-le ı̨lè. Hanìkò dıì to agǫ̀ht'e t'à naxıgha hòɂǫǫ̀ agòjà,” Zezì gòhdı.

John 11:4

Zezì yeghǫ ıìkw'o ekò hadı, “Eyı tàda t'à ełaàwı ha nıìle, hanìkò eyı ts'ıhɂǫ̀ Nǫ̀htsı̨ weghàsǫhoedı ha eyıts'ǫ Nǫ̀htsı̨ Weza sı weghàsǫhoedı ha hǫt'e,” gòhdı.

John 11:41

Dǫ kwe ı̨ɂǫ̀ǫ̀ agı̨į̀là. Zezì ı̨dòo k'eet'į̀, hadı, “Setà, sı̨į̀hkw'ǫ t'à masì neehwhǫ.

John 12:23

Zezì hagòhdı, “Hòt'a Dǫ-wet'àaɂàa-deè wexè enıìyah nàhòwo ha nìkw'o.

John 13:1

Dzędeè Passover wets'ǫ̀ hawe. Zezì, hòt'a whaà-le dıı nèk'e gots'ǫǫ̀ naetła ha eyıts'ǫ Edetà ts'ǫ̀ anade ha yek'èezǫ. Xàè wets'ǫ dǫ dıı nèk'e dǫta nàgedèe sìı goghǫneètǫ, dànì hòtł'ò goghǫneètǫǫ sìı gık'èezǫǫ̀ agole ha.

John 16:32

Hanìkò whaà-le-t'ıì hazǫǫ̀ ekèahdè ha ne, hòt'a eyı nìhǫǫwo hǫt'e. Hazǫǫ̀ naxıkǫ̀ ts'ǫ̀ naahdè anaxedle ha, sı̨ whatsǫǫ̀ whıhda aseahłe ha. Hanìkò whatsǫǫ̀ whıhda nıìle, Setà sexè at'ı̨ hǫt'e.

John 7:30

Zezì hadı t'à Israel got'ı̨į̀ gha k'aodèe dageechı ha hogeèhdzà, hanìkò ı̨łaà wegha nèhòkw'ı-le t'à dǫ wı̨ı̨zìı t'asayį̀į̀là-le.

John 7:39

Zezì ayìı ghǫ godee sìı Yedàyeh Nezı̨ı̨ ghǫ godeè-adı. Dǫ hazǫǫ̀ ehkw'ı adı yı̨ı̨hwhǫǫ sìı nǫǫde-ı̨dè Yedàyeh Nezı̨ı̨ gık'e ade ha. Zezì ı̨łaà yak'e ts'ǫ̀ ajà-le t'à Yedàyeh Nezı̨ı̨ dǫ k'e ajà-le.

John 8:20

Zezì hadıì gots'ǫ̀ goı̨de ekò Nǫ̀htsı̨kǫ̀-gocho gà dǫ hoghàgoehtǫ ı̨lè. Sǫǫ̀mba nègelee k'è gà nıwà-lea wheda ı̨lè, hanìkò ı̨łaà wegha nèhòkw'ı-le t'à dǫ wı̨ı̨zìı dayaachì-le.

Zezì Wecheekeèdeè 3:13

Gocho Abraham, Isaac, Jacob eyıts'ǫ gocho hazǫǫ̀ Gınǫ̀htsı̨ sìı, edecheekeè Zezì weghàsǫhoedıì ayį̀į̀là. Ełaàwı ha dǫ tł'aàwèahtı̨ ı̨lè, eyıts'ǫ k'àowo Pılate naxıts'ǫ̀ xàetłaà ayele ha nıwǫ kò naxı̨ weahwhǫ-le ı̨lè.

1 Peter 1:21

Wets'ıhɂǫ̀ Nǫ̀htsı̨-Gotà naxıgha ehkw'ı-ahodı eyıts'ǫ edaxànaxeehtè gha naxınì nàtso. Nǫ̀htsı̨-Gotà ededı̨ sìı Zezì-Krı k'achı̨ naìdà ayį̀į̀là hǫt'e eyıts'ǫ wexè enıìyah hòɂǫǫ̀ ayį̀į̀là.