John 16:32 - Nǫ̀htsı̨ Nı̨htł'è

³² Hanìkò whaà-le-t'ıì hazǫǫ̀ ekèahdè ha ne, hòt'a eyı nìhǫǫwo hǫt'e. Hazǫǫ̀ naxıkǫ̀ ts'ǫ̀ naahdè anaxedle ha, sı̨ whatsǫǫ̀ whıhda aseahłe ha. Hanìkò whatsǫǫ̀ whıhda nıìle, Setà sexè at'ı̨ hǫt'e.

John 16:32 ပူးပေါင်းရင်းမြစ်များ

Matthew 26:31

Ekǫ geèhkw'e ekò Zezì gots'ǫ̀ hadı, “Dıı toò et'ıì sets'ǫ̀ dànàhòwo ha t'à naxı̨ hazǫǫ̀ sets'ǫǫ̀ kwı̨ahdè ha. Dànì dek'eèhtł'èe sìı wek'ę̀ę̀ agode ha: ‘Sahzǫ̀ą-k'èdìı-dǫǫ̀ nàweehtł'ì ha eyıts'ǫ sahzǫ̀ą hazǫǫ̀ ehkègehɂà ha,’ dek'eèhtł'è.

Matthew 26:56

Hanìkò nakwenàoɂǫǫ gını̨htł'è k'ę̀ę̀ agode ha t'à dıı hagode ha t'ıį̀t'e,” gòhdı. Eyı tł'axǫǫ̀ wecheekeè hazǫǫ̀ gıts'ǫǫ̀ natı̨mǫgeèhde, eyıts'ǫ nakwı̨geède.

Mark 14:27

Ekǫ geèhkw'e ekò Zezì gots'ǫ̀ hadı, “Naxı̨ hazǫǫ̀ sets'ǫǫ̀ kwı̨ahdè ha. Dànì dek'eèhtł'èe sìı wek'ę̀ę̀ agode ha: ‘Sahzǫ̀ą-k'èdìı-dǫǫ̀ nàweehtł'ì ha eyıts'ǫ sahzǫ̀ą hazǫǫ̀ ehkègehɂà ha,’ dek'eèhtł'è.

Mark 14:50

Hadı tł'axǫǫ̀ wecheekeè hazǫǫ̀ gıts'ǫǫ̀ natı̨mǫgeèhde xè kwı̨geèhde.

John 12:23

Zezì hagòhdı, “Hòt'a Dǫ-wet'àaɂàa-deè wexè enıìyah nàhòwo ha nìkw'o.

John 16:2

Gıts'ǫ ełègehdèe-kǫ̀ gots'ǫǫ̀ xànaxegeezhı ha ne. Whaà-le-t'ıì dǫ ełaànaxegìhde ha eyıts'ǫ Nǫ̀htsı̨ gha sìghà aget'ı̨ gı̨ı̨wǫ ha.

John 16:25

“Godı t'à naxıts'ǫ̀ goıhde ı̨lè, hanìkò nǫǫde nı̨dè hanıı yatıì t'à k'achı̨ hoghànaxeehtǫ ha nıìle; Setà weghǫ ehkw'ı naxıts'ǫ̀ gohde ha.

John 16:31

Zezì hagòhdı, “K'ǫǫ̀t'a naxıgha ehkw'ı-ahodıì agòjà!

John 19:27

Eyıts'ǫ edecheekeè ts'ǫ̀ hadı, “Dıı nemǫ welè.” Hayèhdı gots'ǫ eyı wecheekeè sìı Zezì wemǫ edekǫ̀ nàdè ayį̀į̀là.

John 20:10

Eyı tł'axǫǫ̀ Zezì wecheekeè edekǫ̀ ts'ǫ̀ nageèhde.

John 4:21

Zezì yets'ǫ̀ hadı, “Ts'èko, ehkw'ı anèehsı̨, ı̨daà nı̨dè jǫ shìhka zǫ eyıts'ǫ Jerusalem ekǫ zǫ Nǫ̀htsı̨-Gotà ts'ǫ̀ yaahtı ha nıìle.

John 4:23

Įdaà nı̨dè —hòt'a jǫ nìhǫǫwo— amìı Nǫ̀htsı̨-Gotà ts'ǫ̀ sıì yagehtı ha gı̨ı̨wǫ nı̨dè, Nǫ̀htsı̨ wets'ǫ Įnì t'à ehkw'ı gıts'ǫ̀ yahtı ha hǫt'e. Gotà hanì wets'ǫ̀ yats'ehtı ha goı̨hwhǫ hǫt'e.

John 5:25

Ehkw'ı anaxèehsı̨, whaà-le-t'ıì, hòt'a jǫ nèhòı̨wo hǫt'e, dǫ ełaàgı̨ı̨dè lagı̨ı̨t'ee sìı Nǫ̀htsı̨ Weza gode gıìkw'o ha. Dǫ egıìkw'oo sìı geeda ha.

John 5:28

“Dıı haehsı̨ı̨ sìı naxıgha enıìyah welè-le. Nǫǫde nı̨dè dǫ hazǫǫ̀ gıkw'ǫǫ̀ nìtǫǫ sìı gots'ǫ̀ gode gıìkw'o ha hǫt'e,

John 8:16

Hanìkò t'asìı wesınìyahtı nı̨dè sı̨ zǫ aht'ı̨ nıìle t'à, dànì weghǫ nànıhwhoo sìı ehkw'ı hǫt'e. Setà jǫ ts'ǫ̀ sı̨ı̨hɂàa sìı sexè at'ı̨ hǫt'e.

John 8:29

Amìı sı̨ı̨hɂàa sìı t'aats'ǫǫ̀ wınì k'ę̀ę̀ eghàlaehda t'à, sexè at'ı̨ hǫt'e eyıts'ǫ sets'ǫǫ̀ ajà nıìle,” Zezì hadıì dǫ ts'ǫ̀ goı̨de.

Zezì Wecheekeèdeè 21:6

Ełets'ı̨ı̨ts'į̀ tł'axǫǫ̀ elàcho yìı ts'ı̨ı̨de, ededı̨ t'aa edekǫ̀ ts'ǫ̀ nageèhde.

Zezì Wecheekeèdeè 8:1

Dǫ degaı mǫ̀hdaa Stephen wekw'ǫǫ̀ nègı̨į̀tǫ eyıts'ǫ gıghǫ hòtł'ò gı̨ı̨tsè. Eyı dzęę̀ k'e Jerusalem Nǫ̀htsı̨ wecheekeè hazǫǫ̀ dagı̨ı̨ɂaà agììdlà. Eyıt'à Judea nèk'e eyıts'ǫ Samarıa nèk'e ts'ǫ̀ kwı̨geèhde. Hanìkò Zezì wecheekeèdeè t'aa Jerusalem ageèhkw'e.