John 16:3 - Nǫ̀htsı̨ Nı̨htł'è

³ Setà eyıts'ǫ sı̨ gok'ègeezǫ-le t'à hanì naxıts'ǫ̀ eghàlageeda ha hǫt'e.

John 16:3 ပူးပေါင်းရင်းမြစ်များ

Luke 10:22

“Setà t'asìı hazǫǫ̀ setł'aà whelaà ayį̀į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza dǫ gòį̀hchìı sìı Nǫ̀htsı̨-Gotà k'ègeezǫǫ̀ agohɂı̨,” Zezì hadı.

John 15:21

Sı̨ sets'ıhɂǫ̀ hanì naxıts'ǫ̀ eghàlageeda ha hǫt'e, amìı sı̨ı̨hɂàa sìı gık'èezǫ-le t'à.

John 15:23

Amìı sedzaı̨hwhǫǫ sìı Setà dzaı̨hwhǫ hǫt'e.

John 17:25

“Setà, nı̨ sìı ehkw'ı anet'e. Dıı nèk'e dǫ nek'ègeezǫ-le kò, sı̨ nek'èehsǫ hǫt'e, eyıts'ǫ dıı dǫ seghàneelaa sìı jǫ ts'ǫ̀ asèneelà gık'èezǫ hǫt'e.

John 17:3

Welǫ whìle ts'ǫ̀ ts'eedaa ts'edıı sìı dıı awèts'edı: Nı̨ nek'ègeezǫ ha, nı̨ zǫ Nǫ̀htsı̨ ehkw'ıı anet'e gık'èezǫ ha, eyıts'ǫ Zezì-Krı, jǫ ts'ǫ̀ weneehɂàa sìı, gık'èezǫ ha.

John 8:19

Eyıt'à dageehke, “Edı̨į̀ netà wheda?” gıìhdı. Zezì gots'ǫ̀ hadı, “Sek'èahsǫ nıìle eyıts'ǫ Setà sı wek'èahsǫ nıìle. Sek'èahsǫ nı̨dè Setà sı wek'èahsǫ ha ı̨lè,” gòhdı.

John 8:55

Naxı̨ sìı Nǫ̀htsı̨ wek'èahsǫ nıìle, sı̨ Nǫ̀htsı̨ wek'èehsǫ hǫt'e. Wek'èehsǫ-le dehsı̨ nı̨dè naxıxèht'eè hots'ìı-dǫǫ̀ ehłı̨ ha ı̨lè, hanìkò wek'èehsǫ hǫt'e eyıts'ǫ weyatıì sı k'èhdì hǫt'e.

Zezì Wecheekeèdeè 3:17

“Sèot'ı̨ı̨, wek'èahsǫ-le t'à hanì Zezì ts'ǫ̀ eghàlaahdà, eyıts'ǫ naxıts'ǫ k'aodèe ededı̨ sı hanì eghàlagı̨ı̨dà.

1 Corınth 2:8

Dıı nèk'e k'aodèe gı̨ı̨lı̨ı̨ sìı gınıedì-le ı̨lè. Gınıedì nı̨dè gots'ǫ̀ K'àowo enıìyah wehòhɂǫǫ sìı dechı̨et'aa k'e ełaàgıìhwhı ha-le ı̨lè.

2 Thessalonıca 1:8

Ekò nı̨dè dǫ Nǫ̀htsı̨ k'ègeezǫ-le xè gots'ǫ̀ K'àowo Zezì wegodıì nezı̨ı̨ k'èagı̨ı̨t'e-le sìı dagı̨ı̨ɂaà agole ha.

1 Tımothy 1:13

Įnę̀ę Nǫ̀htsı̨ wek'èch'a xàyahtı ı̨lèe, eyıts'ǫ yıdaeht'e t'à Nǫ̀htsı̨ wecheekeè dagìıhɂa ı̨lè. Hanìkò dàht'ı̨į̀-aht'ı̨ı̨ sìı wek'èehsǫ-le ı̨lè eyıts'ǫ segha ehkw'ı-ahodı-le t'à hanì eghàlaıhdà t'à Nǫ̀htsı̨ sets'ǫ̀ wedzeè eteèɂı̨ ı̨lè.

1 John 2:23

Amìı Nǫ̀htsı̨ Weza yegha ehkw'ı adı-le sìı Nǫ̀htsı̨-Gotà xè at'ı̨ nıìle, hanìkò amìı Nǫ̀htsı̨ Weza yegha ehkw'ı adıı sìı Nǫ̀htsı̨-Gotà xè at'ı̨ hǫt'e.

1 John 3:1

Nǫ̀htsı̨-Gotà sıì goghǫneètǫ t'à Nǫ̀htsı̨ weza gòyeh agǫ̀ǫ̀là. Eyı sıì gogha enıìyah hǫt'e! Weza ats'ı̨ı̨t'e t'ıį̀t'e. Dıı nèk'e ts'ǫ dǫ Nǫ̀htsı̨ k'ègeezǫ-le t'à gok'ègeezǫ-le hǫt'e.

1 John 4:8

Amìı ełeghǫnegeètǫ-le sìı Nǫ̀htsı̨ k'ègeezǫ nıìle, Nǫ̀htsı̨ ełeghǫnets'eètǫǫ elı̨ ne t'à.

1 John 5:20

Nǫ̀htsı̨ Weza sìı dıı nèk'e ts'ǫ̀ ajà, eyıts'ǫ wenàowoò wenıts'eedì agǫ̀ǫ̀là wek'èts'eezǫ, eyıt'à ededı̨ sìı ehkw'ı hǫt'e wek'èts'eezǫ. Nǫ̀htsı̨ Weza Zezì-Krı ehkw'ı hǫt'e sìı wexè ats'ı̨ı̨t'e. Ededı̨ xàè Nǫ̀htsı̨ ehkw'ı elı̨, eyıts'ǫ ededı̨ wet'à welǫ whìle ts'ǫ̀ ts'eeda ha hǫt'e.