John 16:25 - Nǫ̀htsı̨ Nı̨htł'è

²⁵ “Godı t'à naxıts'ǫ̀ goıhde ı̨lè, hanìkò nǫǫde nı̨dè hanıı yatıì t'à k'achı̨ hoghànaxeehtǫ ha nıìle; Setà weghǫ ehkw'ı naxıts'ǫ̀ gohde ha.

John 16:25 ပူးပေါင်းရင်းမြစ်များ

Mark 4:13

Eyı tł'axǫǫ̀ Zezì gots'ǫ̀ hadı, “Dànìghǫ godı wenıahdì-le? Hanì-ı̨dè dànì godı eyıì-le naxıts'ǫ̀ haehsı̨ı̨ sìı wenıahdì ha welì?

Mark 4:34

Zezì t'aats'ǫǫ̀ godı zǫ t'à dǫ xè godo; godı dę gots'ǫ̀ goı̨dee whìle. Hanìkò edecheekeè goxè whatsǫǫ̀ wheda ekò godı hazǫǫ̀ dàhodıì-ahodıı sìı gots'ǫ̀ yek'ayawhehtı.

Mark 8:32

Hanì ehkw'ı gots'ǫ̀ xàyaı̨htı, eyıt'à Peter whatsǫǫ̀ yets'ǫ̀ goı̨de, hayèhdı, “Nexè hagode ha nıìle!” yèhdı.

John 10:24

Israel got'ı̨į̀ gha k'aodèe gımǫǫ̀ nìı̨de, hagıìhdı, “Dàwhaà nek'eènats'eèhɂı̨ ha? Chrıst wèts'edıı eyı anet'e nı̨dè, gots'ǫ̀ ehkw'ı haı̨dı,” gıìhdı.

John 10:6

Zezì wet'à nànıts'ewoo godıì t'à dǫ xè godo, hanìkò dàdıì-adıı sìı gınıedì-le.

John 16:12

“Įłaà t'asìı łǫ naxıts'ǫ̀ haehsı̨ ha dehwhǫ, hanìkò dıì eyı gha naxınì nàtso-le.

John 16:2

Gıts'ǫ ełègehdèe-kǫ̀ gots'ǫǫ̀ xànaxegeezhı ha ne. Whaà-le-t'ıì dǫ ełaànaxegìhde ha eyıts'ǫ Nǫ̀htsı̨ gha sìghà aget'ı̨ gı̨ı̨wǫ ha.

John 16:32

Hanìkò whaà-le-t'ıì hazǫǫ̀ ekèahdè ha ne, hòt'a eyı nìhǫǫwo hǫt'e. Hazǫǫ̀ naxıkǫ̀ ts'ǫ̀ naahdè anaxedle ha, sı̨ whatsǫǫ̀ whıhda aseahłe ha. Hanìkò whatsǫǫ̀ whıhda nıìle, Setà sexè at'ı̨ hǫt'e.

2 Corınth 4:2

Hanìkò deɂı̨į̀ k'ehots'eɂa eyıts'ǫ t'asìı weghǫ į̀į̀zhats'ı̨ı̨lı̨ı̨ sìı wedę ha ts'ı̨ı̨wǫ. Dǫ ghǫyats'eeɂà t'à eghàlats'eeda nıìle, eyıts'ǫ Nǫ̀htsı̨ weyatıì ładı̨į̀ ats'ehɂı̨ nıìle. Hanìkò dǫ ededzeè t'à gogeèhkw'ǫ ha ts'ı̨ı̨wǫ t'à Nǫ̀htsı̨ wenadąą̀ nàowo ehkw'ıı ghǫ hotıì ehkw'ı gots'ede hǫt'e.