John 16:23 - Nǫ̀htsı̨ Nı̨htł'è

²³ Eyı dzęę̀ k'e nı̨dè k'achı̨ t'asìı seahkè ha-le. Ehkw'ı anaxèehsı̨, ayìı dahwhǫǫ sìı sıızì t'à Setà weahkè nı̨dè naxıghàyele ha hǫt'e.

John 16:23 ပူးပေါင်းရင်းမြစ်များ

Matthew 21:22

Naxıgha ehkw'ı-ahodı nı̨dè ayìı gha yaahtıı sìı hotıì naxıghǫ̀t'à ha hǫt'e,” Zezì edecheekeè gòhdı.

Matthew 7:7

“Aahkè nı̨dè naxıghǫ̀t'à ha; wehak'eaht'į̀ nı̨dè wegòahɂà ha; enìı̨tǫ k'e ts'aaht'ı nı̨dè naxıts'ǫ̀ enìxàetį̀ ha.

John 14:20

Eyı dzęę̀ k'e nı̨dè sı̨ Setà wexè ı̨łè zǫ aht'e wek'èahsǫ ha; naxı̨ sexè ı̨łè zǫ aaht'e eyıts'ǫ sı̨ naxıxè ı̨łè zǫ aht'e wek'èahsǫ ha.

John 14:22

Hadı t'à Zhıdàà (Zhıdàà-Iscarıyot awèts'edı-le) hadı, “Sets'ǫ̀ K'àowo, dànìghǫ goxı̨ nets'eɂį̀ agoı̨le ha, hanìkò dıı nèk'e gots'ǫ dǫ negeɂį̀ agı̨ı̨le ha-le?” yèhdı.

John 14:5

Thomas yets'ǫ̀ hadı, “Sets'ǫ̀ K'àowo, edı̨į̀ ts'ǫ̀ anet'ı̨ı̨ sìı wek'èts'eezǫ nıìle, eyıt'à edı̨į̀ goòɂàa sìı dànì wek'èts'eezǫ lì?” yèhdı.

John 15:7

Sexè aahda xè seyatıì k'èahdì nı̨dè Setà ayìı weahkèe sìı naxıghàyeɂà ha.

John 16:19

Zezì eyı ghǫ dageehke ha gı̨ı̨wǫ gok'èezǫ t'à gots'ǫ̀ hadı, “ ‘Whaà-le-t'ıì seahɂį̀ ha-le, eyıts'ǫ k'achı̨ whaà-le-t'ıì seahɂį̀ ha,’ dehsı̨ı̨ sìı ayìı awèehsı̨ dahwhǫ t'à weghǫ dałeahke nì-aahdı?

John 16:26

Ekìıyeè k'e nı̨dè sıızì t'à yaahtı ha. Naxıgha Setà ts'ǫ̀ yahtı ha dehsı̨į̀-aehsı̨-le.

John 16:30

T'asìı hazǫǫ̀ k'èı̨zǫ hǫt'e wek'èts'eezǫǫ̀ ats'ejà, eyıts'ǫ dǫ danegeehke kwe gınàowoò k'èı̨zǫ. Eyı weghàà Nǫ̀htsı̨ gots'ǫ anet'e gogha ehkw'ı-ahodıì ajà hǫt'e,” gıìhdı.

Ephesus 2:18

Goxı̨ dǫ nàke xàɂaa ts'ı̨ı̨lı̨ı̨ sìı ededı̨ wet'à Yedàyeh Nezı̨ı̨ goghàı̨ɂǫ t'à, Nǫ̀htsı̨-Gotà ts'ǫ̀ ats'ede ha gogha dìì-le ayį̀į̀là hǫt'e.

1 John 2:1

Sèot'ı̨ı̨, hołı̨ı̨ hoahtsı̨ ch'à hanì naxıts'ǫ̀ ııhtł'è hǫt'e. Hanìkò dǫ hołı̨ı̨ hòèhtsı̨ nı̨dè, gogha dǫ k'edaedıı dǫǫ̀ gǫ̀hłı̨, gogha Edetà ts'ǫ̀ gode ha, eyı sìı Zezì-Krı hǫt'e, Ehkw'ı Edaa Elı̨ı̨ wìyeh.