John 16:20 - Nǫ̀htsı̨ Nı̨htł'è

²⁰ Ehkw'ı anaxèehsı̨, dıı nèk'e dǫ gıgha sìgoèt'ı̨, hanìkò naxı̨ hòtł'ò aahtse ha hǫt'e. Sıì naxıdzeè nànııtì ha, hanìkò naxınì ładı̨į̀ ade ha. Naxıdzeè nànııtì ı̨lèe sìı wet'à naxınà agode ha.

John 16:20 ပူးပေါင်းရင်းမြစ်များ

Matthew 21:38

“Hanìkò dǫ dèè k'ègedìı sìı weza gıaɂı̨ ekò hałègeedı, ‘Eyı k'àowo weza hǫt'e sìı dıı dèè weghaelı̨į̀ agode ha. Ełaàwets'èhwhı, hanì-ı̨dè wedèè goghaelı̨ ha,’ gedı.

Matthew 5:4

Amìı gıdzeè nànııtìı sìı gıxè sìghà hǫt'e; gıxè hoı̨zı̨ agode ha.

Mark 14:72

Hadı ts'ǫ̀et'ıì k'àba nàekeè whezeh. Hanì et'ıì Peter, Zezì dàyèhdı ı̨lèe sìı yenadì. “K'àba nàekeè ezeh kwe, taà-eht'aà sek'èı̨zǫ-le nı̨ı̨dı ha,” yèhdı ı̨lè. Peter sıì wegha dìì agòjà t'à sıì ededzeè t'à ı̨tsè.

Mark 16:10

Mary-Madlę̀ dǫ Zezì xè agıat'į̀ı̨ sìı gots'ǫ̀ naèhtła, Zezì ghǫ gıgha dìì xè getse ı̨lè. Wexè dàgòjàa sìı ghǫ gots'ǫ̀ hadı.

Luke 22:45

Zezì yaı̨htı tł'axǫǫ̀ edecheekeè taı goghǫ nǫ̀ǫtła ekò gete nǫǫ̀. Sıì gıgha dìì agòjà t'à nègı̨ı̨tsǫǫ̀ agejà.

Luke 22:62

Peter xàèhtła gà sıì ededzeè t'à ı̨tsè.

Luke 23:27

Dǫ łǫ Zezì k'èè geède. Ts'èko mǫ̀hdaa goxè aget'ı̨ı̨ sìı, gıdzeè nànııtì xè hòtł'ò gıghǫ etse.

Luke 24:17

Zezì dagoehke, “Įdaà nałeahtłe ekò ayìı ghǫ ełexè goahdo nǫǫ̀?” gòhdı. Wecheekeè nìłegeètła, ts'ǫǫ̀gı̨ı̨wǫ lanì gìgaat'ı̨.

Luke 24:21

Zezì ededı̨ sìı edahxǫ Israel got'ı̨į̀ edaxàgole ha wets'ı̨ı̨hwhǫ ı̨lè. Eyı hagòjà gots'ǫ dıì xè taı dzęę̀ hǫt'e.

Luke 6:21

Dıì deahdì nı̨dè naxıxè sìghà hǫt'e; nezı̨į̀ shèahzhe ha. Dıì aahtse nı̨dè naxıxè sìghà hǫt'e; nàɂaahdlò ha.

John 16:33

“Dıı hazǫǫ̀ naxıts'ǫ̀ haehsı̨ hǫt'e, hanì-ı̨dè sı̨ set'à naxıgha ts'èwhı̨į̀ hòɂǫ ha. Dıı nèk'e naxıxè hoìla ha hǫt'e. Hanìkò sı̨ sìı dıı nèk'e hazǫǫ̀ gıghǫèhnǫ ne t'à, naxınì nàtsoò aahłe,” Zezì gòhdı.

John 16:6

Eyı naxıts'ǫ̀ haehsı̨ t'à sıì naxıgha dìì agòjà.

John 20:20

Hadı tł'axǫǫ̀, edılà eyıts'ǫ edechǫǫ̀ ghàgı̨ı̨dà agǫ̀ǫ̀là. Wecheekeè gıts'ǫ K'àowo at'ı̨ nàgeèhzhį̀ ekò gınà t'à gınà.

Zezì Wecheekeèdeè 5:41

Zezì wecheekeèdeè Israel got'ı̨į̀ gha k'aodèe gots'ǫǫ̀ nageèhde. Zezì gha dagı̨ı̨ɂaà agììdlà t'à sıì gınà xè masì gı̨ı̨wǫ.

Rome 5:11

Eyıts'ǫ gots'ǫ̀ K'àowo Zezì-Krı wet'ǫ̀ǫ̀ goghǫ nahoazha ne t'à, Nǫ̀htsı̨ wexè ts'èwhı̨į̀ ts'eeda ghǫ goınà hǫt'e.

2 Corınth 6:10

dats'ı̨ı̨ɂà hanìkò t'aats'ǫǫ̀ sìts'eèt'ı̨; etets'eèt'ı̨ hanìkò dǫ łǫ ahxeè lagets'į̀į̀là; t'asìı wı̨ı̨zìı gots'ǫ-le hanìkò t'asìı hazǫǫ̀ gots'ǫ hǫt'e. Eyı hazǫǫ̀ weghàà xàè Nǫ̀htsı̨ wecheekeè ats'ı̨ı̨t'ee sìı dǫ gık'èezǫ ha.

Galatıa 5:22

Ekò Yedàyeh Nezı̨ı̨ t'à ts'eeda nı̨dè, dıı hanì nezı̨į̀ k'ehots'eɂa ha: ełeghǫnets'eètǫǫ, goınàa, ts'èwhı̨ ts'ı̨ı̨wǫǫ, ełexè ts'èwhı̨į̀ hots'ehɂǫǫ, etełets'eèɂı̨ı̨, ełets'ǫ̀ dǫ nezı̨ı̨ ts'ı̨ı̨lı̨ı̨, ełets'ǫ̀ ehkw'ı ts'eedaa,

1 Thessalonıca 1:6

Edànì ts'eedaa sìı goxèahɂı̨į̀ aahjà, eyıts'ǫ gots'ǫ̀ K'àowo sı wexèahɂı̨į̀ aahjà. Sıì daahɂaà anaxììdlà kò godı nezı̨ı̨ edegha ààhchı, eyıts'ǫ Yedàyeh Nezı̨ı̨ eyı godı nezı̨ı̨ ghǫ sıì naxınà anaxį̀į̀là hǫt'e.

James 1:2

Sèot'ı̨ı̨, hoìla łǫ xàɂaa t'à naxeèdzà nı̨dè sıì naxınà welè.

Jude 1:24

Nǫ̀htsı̨ sìı hołı̨ı̨ ts'ǫ̀ ek'èt'à anaahde ch'à naxık'èdì ha wegha dìì-le hǫt'e, eyıts'ǫ edı̨į̀ wexè enıìyah hòɂǫǫ sìı hołı̨ı̨ naxık'e wheɂǫ-le xè sıì naxınà wenadąą̀ nàahza anaxele ha dìì-le hǫt'e.

John Wenazhıı 11:10

Eyı dǫ nàke ełaàgı̨ı̨dèe t'à dıı nèk'e dǫ hazǫǫ̀ gınà ha. Eyı gha dzędeè hogehtsı̨ xè t'asìı ełeghàgele ha, eyı nakwenàoɂǫǫ nàke sìı dıı nèk'e dǫ dagogį̀ı̨hɂa ı̨lèe t'à.

John Wenazhıı 18:7

T'asìı wèdaat'ı̨ı̨ łǫ xàɂaa wets'ǫ t'à ahxe k'ę̀ę̀ nàdè adììdlà. Eyı t'aànì enıìyah xè ahxe k'ę̀ę̀ ı̨ı̨dà xèht'eè daı̨ɂa xè wedzeè nànııtì aweahłe. Edeghǫ xàhodì gode, edets'ǫ̀ hadı, ‘Ts'èko-k'àowo aht'e t'à daèhchı̨cho k'e whıhda. Ts'èko wedǫǫ̀ wegà ełaı̨wo aht'e nıìle eyıts'ǫ sedzeè nànııtì hǫı̨lı̨ ha nıìle,’ edets'ǫ̀ hadı.