John 16:19 - Nǫ̀htsı̨ Nı̨htł'è

¹⁹ Zezì eyı ghǫ dageehke ha gı̨ı̨wǫ gok'èezǫ t'à gots'ǫ̀ hadı, “ ‘Whaà-le-t'ıì seahɂį̀ ha-le, eyıts'ǫ k'achı̨ whaà-le-t'ıì seahɂį̀ ha,’ dehsı̨ı̨ sìı ayìı awèehsı̨ dahwhǫ t'à weghǫ dałeahke nì-aahdı?

John 16:19 ပူးပေါင်းရင်းမြစ်များ

Matthew 6:8

Gıxèahɂı̨-le. Nǫ̀htsı̨ Naxıtà t'asìı weahkè kwe ayìı dahwhǫǫ sìı yek'èezǫ hǫt'e.

Matthew 9:4

Zezì dànì nànıgedèe sìı gok'èezǫ t'à hagòhdı, “Dànìghǫ naxıdzeè yìı nàowołı̨ı̨ t'à nànıahdè?

Mark 9:32

Hanìkò wecheekeè ayìı ghǫ adıı sìı gınıedì-le, eyı ghǫ dageehke ha gı̨ı̨wǫ kò t'asagedı-le.

John 13:33

“Secheekeè, ı̨łaà whaà-lea gots'ǫ̀ naxıxè whıhda ha. Sekak'eaht'į̀ ha, k'aodèe gıts'ǫ̀ haehsı̨ ı̨lè xèht'eè dıì naxıts'ǫ̀ haehsı̨ ha. Edı̨į̀ ts'ǫ̀ aht'ı̨ı̨ sìı sek'èè aahde ha dìì.

John 14:19

Hòt'a whaà-le-t'ıì dıı nèk'e dǫ hazǫǫ̀ k'achı̨ segeɂį̀ ha-le, hanìkò naxı̨ seahɂį̀ ha. Sı̨ ehda t'à naxı̨ sı aahda ha.

John 16:16

“Whaà-le-t'ıì seahɂį̀ ha-le, eyıts'ǫ k'achı̨ whaà-le-t'ıì seahɂį̀ ha,” Zezì gòhdı.

John 16:18

K'achı̨ dałegeehke, “Dıı ayìı ayèhdı, ‘whaà-le-t'ıì’? Dàdıì-adıı sìı wenıts'eedì-le,” ełègeedı.

John 16:23

Eyı dzęę̀ k'e nı̨dè k'achı̨ t'asìı seahkè ha-le. Ehkw'ı anaxèehsı̨, ayìı dahwhǫǫ sìı sıızì t'à Setà weahkè nı̨dè naxıghàyele ha hǫt'e.

John 16:26

Ekìıyeè k'e nı̨dè sıızì t'à yaahtı ha. Naxıgha Setà ts'ǫ̀ yahtı ha dehsı̨į̀-aehsı̨-le.

John 16:30

T'asìı hazǫǫ̀ k'èı̨zǫ hǫt'e wek'èts'eezǫǫ̀ ats'ejà, eyıts'ǫ dǫ danegeehke kwe gınàowoò k'èı̨zǫ. Eyı weghàà Nǫ̀htsı̨ gots'ǫ anet'e gogha ehkw'ı-ahodıì ajà hǫt'e,” gıìhdı.

John 21:17

K'achı̨ taı t'à Zezì yets'ǫ̀ hadı, “John weza Sımon, seghǫneę̀tǫ nì?” yèhdı. Peter, Zezì taà-eht'aà hayèhdı t'à wegha dìì agòjà. Peter hayèhdı, “Sets'ǫ̀ K'àowo t'asìı hazǫǫ̀ k'èı̨zǫ ne, neghǫneehtǫ sek'èı̨zǫ hǫt'e,” yèhdı. Zezì yets'ǫ̀ hadı, “Sesahzǫ̀ą gıwàı̨dı.

John 6:61

Dǫ eyı ghǫ sǫagedı Zezì gok'èezǫ t'à gots'ǫ̀ hadı, “Dàehsı̨ı̨ sìı naxık'èch'a aehsı̨ nì?

John 7:33

Zezì dǫ ts'ǫ̀ hadı, “Whaà-lea gots'ǫ̀ zǫ naxıxè whıhda ha hǫt'e, eyı tł'axǫǫ̀-ı̨dè amìı sı̨ı̨hɂàa sìı wets'ǫ̀ anahde ha.

Hebrew 4:13

T'asìı hazǫǫ̀ hòèlı̨ı̨ sìı ı̨łè kò Nǫ̀htsı̨ wenaàhtǫ wheɂǫ nıìle. T'asìı hazǫǫ̀ wegha ts'ǫwhela xè wenadąą̀ wègaat'ı̨, eyıts'ǫ t'asìı hazǫǫ̀ k'èxa gosınìyaehtı ha hǫt'e.

John Wenazhıı 2:23

Ts'èko wecheekeè hazǫǫ̀ ełaàgehde ha. Hanì-ı̨dè Nǫ̀htsı̨ wecheekeè hazǫǫ̀ dǫdzeè yìı eyıts'ǫ dǫnì yìı k'eeht'į̀ aht'e sek'ègeezǫ ha. Eyıts'ǫ naxıhołı̨į̀ k'èxa naxık'eehkwa hǫt'e sek'ègeezǫ ha.