John 16:16 - Nǫ̀htsı̨ Nı̨htł'è

¹⁶ “Whaà-le-t'ıì seahɂį̀ ha-le, eyıts'ǫ k'achı̨ whaà-le-t'ıì seahɂį̀ ha,” Zezì gòhdı.

John 16:16 ပူးပေါင်းရင်းမြစ်များ

Mark 16:19

Gots'ǫ̀ K'àowo hanì gots'ǫ̀ goı̨de tł'axǫǫ̀ ı̨dòo yak'e ts'ǫ̀ nıwıìtı̨ eyıts'ǫ Nǫ̀htsı̨ gà nàgòts'ehnèe wheda.

John 12:35

Zezì edeghǫ gots'ǫ̀ hadı, “Įłaà whaà-lea gots'ǫ̀ dzęh naxıxè wheɂǫ ha. To agode kwe, ı̨łaà naxıxè dzęh et'ıì k'eahdè. Dǫ togoòtł'òo k'edaa sìı edı̨į̀ ts'ǫ̀ at'ı̨ı̨ sìı yek'èezǫ nıìle.

John 13:3

Zezì, Wetà t'asìı hazǫǫ̀ ts'ǫ̀ k'àowo ayį̀į̀là, yek'èezǫ. Nǫ̀htsı̨ gots'ǫ at'ı̨ eyıts'ǫ Nǫ̀htsı̨ ts'ǫ̀ anade ha edek'èezǫ.

John 13:33

“Secheekeè, ı̨łaà whaà-lea gots'ǫ̀ naxıxè whıhda ha. Sekak'eaht'į̀ ha, k'aodèe gıts'ǫ̀ haehsı̨ ı̨lè xèht'eè dıì naxıts'ǫ̀ haehsı̨ ha. Edı̨į̀ ts'ǫ̀ aht'ı̨ı̨ sìı sek'èè aahde ha dìì.

John 16:10

Setà ts'ǫ̀ anahde ha, ekǫ anahjà nı̨dè k'achı̨ seahɂį̀ ha-le, eyıt'à naxıts'àdıı elı̨ı̨ sìı dǫ dànì ehkw'ıì agede ha sìı gınıedì agole ha.

John 16:22

Dıı naxı̨ sı haaht'e: Dıì naxıdzeè nànııtì hǫt'e, hanìkò k'achı̨ naxeehɂı̨ nı̨dè sıì naxıgha sìgoèt'ı̨ ha, eyı sìı dǫ wı̨ı̨zìı naxıghǫ yìhchı ha nıìle.

John 16:28

Setà gots'ǫ dıı nèk'e ts'ǫ̀ ahjà. Hòt'a dıı nèè gots'ǫǫ̀ anahde ha, Setà wets'ǫ̀ anahde ha,” Zezì gòhdı.

John 16:5

“Hòt'a dıì amìı sı̨ı̨hɂàa sìı wets'ǫ̀ anahde ha. Hanìkò naxı̨ sìı, ‘Edı̨į̀ anet'ı̨?’ sèahdı t'à daseahke-le.

John 17:13

“Hòt'a nets'ǫ̀ ahde ha, hanìkò ı̨łaà dıı nèk'e whıhda et'ıì eyı hazǫǫ̀ ghǫ goıhde hǫt'e. Hanì-ı̨dè set'à sıì gınà ha.

John 17:5

Setà, dıı nèè hòèlı̨ kwe nexè seghàsǫhoedı ı̨lè xèht'eè nexè seghàsǫhoedı ası̨ı̨le.

John 7:33

Zezì dǫ ts'ǫ̀ hadı, “Whaà-lea gots'ǫ̀ zǫ naxıxè whıhda ha hǫt'e, eyı tł'axǫǫ̀-ı̨dè amìı sı̨ı̨hɂàa sìı wets'ǫ̀ anahde ha.

Zezì Wecheekeèdeè 1:3

Daı̨ɂà eyıts'ǫ ełaı̨wo tł'axǫǫ̀ wecheekeè gıts'ǫ̀ wègoèht'į̀, eyıts'ǫ godaà enıìyah łǫ hòèhtsı̨ı̨ eyı weghàà eda hǫt'e gık'èezǫǫ̀ agǫ̀ǫ̀là. Dı̨ènǫ dzęę̀ laàtłǫ ts'ǫ̀ wecheekeè gıaɂı̨ eyıts'ǫ Nǫ̀htsı̨ Wenàowoò k'ę̀ę̀ hòɂǫǫ ghǫ gots'ǫ̀ goı̨de.

Hebrew 12:2

Zezì zǫ wedaànıts'ııdè, ededı̨ sìı Nǫ̀htsı̨ gogha ehkw'ı-ahodıı yexèhoį̀hwho hǫt'e, eyıts'ǫ ededı̨ nǫǫde ts'ǫ̀ deghàà gogha ehkw'ı-ahodıì agole ha hǫt'e. Ededı̨ ı̨daà nı̨dè wınà agode ha yek'èezǫ t'à dechı̨et'aa k'e dàı̨ɂàa sìı yeghǫ į̀į̀zhawhelı̨-le. Eyı tł'axǫǫ̀ Nǫ̀htsı̨ t'asìı hazǫǫ̀ gha K'àowocho elı̨ı̨ sìı yegà nàgòts'ehnèe wheda.