John 15:8 - Nǫ̀htsı̨ Nı̨htł'è

⁸ Kw'ıhchı̨į̀ wek'e jìecho łǫ dehshee laaht'e nı̨dè Setà weghàsǫhoedı ha. Eyı weghàà secheekeè aaht'e naxık'èhoedzǫ ha.

John 15:8 ပူးပေါင်းရင်းမြစ်များ

Matthew 5:16

Eyı xèht'eè naxı̨ sı dǫ hazǫǫ̀ gıgha dzęh nı̨ı̨dı̨ı̨ laaht'e ha hǫt'e. Hanì-ı̨dè dànì nezı̨į̀ eghàlaahdaa sìı gıghàeda t'à Naxıtà yak'e whedaa sìı ghàsǫgeedı ha.

Matthew 5:44

Hanìkò sı̨ dıı hanaxèehsı̨: Dǫ naxınìgelı̨-le sìı gıghǫnıahtǫ eyıts'ǫ dǫ danaxegį̀ı̨hɂaa sìı gıgha yaahtı.

Matthew 9:8

Dǫ hazǫǫ̀ eyı hagòjà gıaɂı̨ ekò sıì gıgha enıìyah dìì, eyıt'à Nǫ̀htsı̨ ghàsǫgeedı, hagedı, “Dıı dǫ Nǫ̀htsı̨ dahxà eghàlaedaà at'ı̨ sǫnı,” gedı.

Luke 6:35

Hanìkò dǫ naxıts'ǫ̀ xànegı̨ı̨ɂaa sìı gıghǫnıahtǫ xè gıts'ǫ̀ dǫ nezı̨ı̨ aahłı̨. T'asìı gıghǫnìahłe nı̨dè ek'èt'à seghǫgeele ha dahwhǫ-le. Hanì-ı̨dè wek'èxa t'asìı nechàa naxıda wheɂǫ ha eyıts'ǫ Nǫ̀htsı̨ wenahk'e gǫ̀hłı̨-le sìı weza aahłı̨ ha. Nǫ̀htsı̨ sìı dǫ masì gı̨ı̨wǫ-le eyıts'ǫ dǫ gıjıı ts'ǫ̀ wedzeè eteèɂı̨ hǫt'e.

John 13:35

Ełeghǫnıahtǫ nı̨dè, eyı weghàà dǫ hazǫǫ̀ secheekeè aaht'e naxık'ègeezǫ ha,” Zezì gòhdı.

John 15:5

“Sı̨ ts'ı laht'e, naxı̨ kw'ıhchı̨į̀ laaht'e. Dǫ sexè eda nı̨dè wexè nàhdè ha. Kw'ıhchı̨į̀ wek'e jìecho łǫ dehshe lanì eda ha. Sedę t'asìı wı̨ı̨zìı haahłe ha dìì hǫt'e.

John 8:31

Israel got'ı̨į̀ gogha ehkw'ı adıı sìı Zezì gots'ǫ̀ hadı, “Seyatıì k'èahdì nı̨dè xàè secheekeè aaht'e.

1 Corınth 10:31

Eyıt'à t'asìı ghǫ shèahzhe xè t'asìı aahdǫ, eyıts'ǫ t'asìı t'ahoòyį̀ı̨ haahɂı̨ nı̨dè, wet'à Nǫ̀htsı̨ weghàsǫahdı.

1 Corınth 6:20

T'asìı deè t'à nàgoèdì hǫt'e. Eyıt'à naxızhį̀į̀ t'à Nǫ̀htsı̨ ts'ǫ̀ nezı̨į̀ aahda.

Phılıppı 1:11

Eyıts'ǫ Zezì-Krı wets'ıhɂǫ̀ t'asìı hazǫǫ̀ t'à ehkw'ı k'ehoahɂa, hanì-ı̨dè Nǫ̀htsı̨ weghàsǫhoedı ha hǫt'e.

Tıtus 2:10

goghǫ egııɂį̀-le. K'àowo ts'ǫ̀ hanì ehkw'ı k'ehogeɂa nı̨dè ehkw'ı nàhogehdè gogı̨ı̨hwhǫ ha. Haget'ı̨ nı̨dè Nǫ̀htsı̨ Edaxàgolee wegodıì t'à dǫ hoghàgıts'eèhtǫǫ sìı k'àowo gha nezı̨į̀ aget'ı̨ ha.

Tıtus 2:5

Nàowołı̨ı̨ ch'à edek'ègedì ha, hołı̨ı̨ dę geeda ha, edekǫ̀ gha hòtł'ò eghàlageeda ha, dǫ ts'ǫ̀ gıdzeè nezı̨ ha, eyıts'ǫ ededǫǫ̀ k'èagı̨ı̨t'e ha, hoghàgogııhtǫ. Hanì geeda nı̨dè gıts'ıhɂǫ̀ dǫ wı̨ı̨zìı Nǫ̀htsı̨ yatıì k'èch'a gode ha-le.

1 Peter 2:12

Dǫ Nǫ̀htsı̨ k'ègeezǫ-le sìı gıta t'aats'ǫǫ̀ ehkw'ı aahda. Hanì aahda nı̨dè ekǫ-le eghàlaahda naxık'e nìdahogeeɂà kò, t'asìı nezı̨ı̨ haahłàa sìı gıghàeda ha hǫt'e, hanì-ı̨dè Nǫ̀htsı̨ gots'ǫ̀ adee dzęę̀ k'e nı̨dè gıghàsǫedı ha hǫt'e.

1 Peter 4:11

Dǫ gode nı̨dè, xàè Nǫ̀htsı̨ weyatıì t'à gode ha hǫt'e. Amìı dǫ ts'àdıı sìı Nǫ̀htsı̨ ayìı t'à nàtsoò ayı̨į̀làa sìı t'à-at'ı̨ ha hǫt'e. Hanì-ı̨dè Zezì-Krı wets'ıhɂǫ̀ Nǫ̀htsı̨ weghàsǫhoedı ha. Enıìyah t'à welǫ whìle ts'ǫ̀ K'àowocho elı̨ welè. Amen.