John 15:24 - Nǫ̀htsı̨ Nı̨htł'è

²⁴ Dǫ wı̨ı̨zìı sexèht'eè gınadąą̀ enıìyah hòèhtsı̨ı̨ whìle. Hahłà-le nı̨dè gıhołı̨į̀ gık'e whela ha-le ı̨lè. Hanìkò dıì enıìyah łǫ gıaɂı̨ kò ı̨łaà sedzagı̨ı̨hwhǫ eyıts'ǫ Setà sı dzagı̨ı̨hwhǫ.

John 15:24 ပူးပေါင်းရင်းမြစ်များ

Matthew 11:5

Dǫ gıdaà goìlee sìı k'egeet'į̀, k'egedè-le sìı k'egedè, gıkwǫ̀ tàda t'à eyagı̨ı̨lı̨ı̨ sìı k'aàt'ıì agejà, gıdzıì goìlee sìı egeèhkw'ǫǫ̀ agejà, ełaàgı̨ı̨dèe sìı nagìdà eyıts'ǫ dǫ-teèt'ı̨ı̨ sìı godı nezı̨ı̨ egıìkw'o.

Matthew 21:32

John-Baptıst dànì ehkw'ı ts'eedaa t'à naxıts'ǫ̀ goı̨de ı̨lè, hanìkò naxıgha ehkw'ı adı-le. Ekò sǫǫ̀mba-nàgehtsį̀ı̨-dǫǫ̀ eyıts'ǫ ts'èkojıı gıgha ehkw'ı-ahodı hǫt'e. Eyı naxıdaà hanàhòwo, hanìkò edek'eahłı̨-le xè ehkw'ı adı weahwhǫ-le.

Matthew 9:33

Zezì ı̨nìłı̨ı̨ xàdeèzhì tł'axǫǫ̀, eyı dǫ gode-le ı̨lèe sìı godeè ajà. Dǫ hazǫǫ̀ gıgha enıìyah dìì t'à hagedı, “Israel nèk'e dıı hagòjà ts'aɂı̨ whìle,” gedı.

Mark 2:12

Eyıt'à eyı dǫ nıìtła gà dǫ hazǫǫ̀ gonadąą̀ detè nı̨į̀ɂa gà xàèhtła. Dǫ hazǫǫ̀ gıgha sıì enıìyah t'à Nǫ̀htsı̨ ghàsǫgeedı, hagedı, “Dıı lanì t'asìı enıìyah ts'aɂı̨ whìle,” gedı.

Luke 24:19

“Dàgòjà?” Zezì yèhdı. Eyıt'à gıts'ǫ̀ hadı, “Zezì, Nazareth got'ı̨į̀, wexè dànàhòwoo sìı eyı weghǫ,” gedı, “Eyı dǫ sìı nakwenàoɂǫǫ deè ı̨lè. Nǫ̀htsı̨ gha sìghà eghàlaı̨dà eyıts'ǫ dǫ hazǫǫ̀ gınadąą̀ weyatıì nàtsoo xè enıìyah deè eghàlaı̨dà.

John 10:32

Hanìkò Zezì gots'ǫ̀ hadı, “Setà wedahxà enıìyah deè łǫ naxıdaà eghàlaıhdà hǫt'e, enıìyah dàhòt'ı̨ı̨ k'èxa kwe t'à ełaàsèahwhı ha dahwhǫ?” gòhdı.

John 10:37

Setà xèht'eè eghàlaehda-le nı̨dè ehkw'ı aehsı̨ seahwhǫ-le.

John 12:10

Lazarus wets'ıhɂǫ̀ Israel got'ı̨į̀ łǫ Zezì ehkw'ı adı gı̨ı̨wǫǫ̀ agejà xè Zezì ts'ǫ̀ łatageède. Eyıt'à yahtıı-gha-k'aodèe sìı Lazarus sı ełaàgıìhwhı ha ełexè yatı gèhtsı̨.

John 12:45

Sı̨ seghàeda nı̨dè, amìı sı̨ı̨hɂàa sìı weghàeda hǫt'e.

John 14:9

Zezì hayèhdı, “Phılıp, whaà naxıxè aeht'į̀, hanìkò ı̨łaà sek'èı̨zǫ-le nì? Amìı saɂı̨ı̨ sìı hòt'a Setà ghàı̨dà hǫt'e. Eyıt'à dànìghǫ ‘Netà weghàts'eedaà agoı̨le,’ sìı̨dı?

John 15:21

Sı̨ sets'ıhɂǫ̀ hanì naxıts'ǫ̀ eghàlageeda ha hǫt'e, amìı sı̨ı̨hɂàa sìı gık'èezǫ-le t'à.

John 15:22

Jǫ ahjà-le xè gıts'ǫ̀ goıhde-le nı̨dè gıhołı̨į̀ gık'e whela ha-le ı̨lè. Hanìkò dıì, seyatıì k'ègeezǫ t'à ‘hołı̨ı̨ hots'èhtsı̨-le,’ gedı ha dìì.

John 15:23

Amìı sedzaı̨hwhǫǫ sìı Setà dzaı̨hwhǫ hǫt'e.

John 16:9

Dǫ gıgha ehkw'ı aehsı̨-le t'à hołı̨ı̨ k'ę̀ę̀ geeda hǫt'e.

John 5:36

“Hanìkò ayìı eghàlaehdaa sìı John-Baptıst weyatıì nahk'e wet'àaɂà hǫt'e. Setà la seghàı̨ɂǫǫ sìı weghǫ naht'è ts'ǫ̀ weghàlaehdaà aht'ı̨. Eyı la weghàahda weghàà, Setà jǫ ts'ǫ̀ sı̨ı̨hɂàa sìı wek'èahsǫ ha.

John 6:36

Hanìkò dıı hanaxèehsı̨ ı̨lè, ‘Seahɂı̨, hanìkò ı̨łaà naxıgha ehkw'ı aehsı̨-le.’

John 7:31

Eyı hagot'ı̨, hanìkò dǫ łǫ ehkw'ı adı gı̨ı̨hwhǫǫ̀ agejà t'à hagedı, “Chrıst nììtła nı̨dè dıı dǫ nahk'e enıìyah łǫ hohtsı̨ ha nì? Į̀le sǫnı,” gedı.

John 9:32

Dǫ wedaà goìle xè wegǫ̀hłı̨ı̨ sìı wedaà k'aàt'ıì adlà ghǫ ets'ıìkw'o whìle hǫt'e.

John 9:41

Zezì hadı, “Naxıdaà goìle nı̨dè naxıhołı̨į̀ whìle ha ı̨lè, hanìkò gogha xègaat'ı̨ dahdı t'à naxıhołı̨į̀ ı̨łaà naxık'e whela hǫt'e,” gòhdı.

Zezì Wecheekeèdeè 2:22

“Israel got'ı̨į̀ yàahłı̨ı̨ sìı seàhkw'ǫ: Nǫ̀htsı̨ sìı, Nazareth got'ı̨į̀ Zezì naxıts'ǫ̀ yı̨ı̨hɂà hǫt'e, enıìyah łǫ hòèhtsı̨ı̨ eyı weghàà wek'èahsǫ hǫt'e. Nǫ̀htsı̨ yet'à hanì naxıta eghàlaı̨dà, naxı̨ kò wek'èahsǫ hǫt'e.

Rome 1:30

ełıızì jıı gehtsı̨, Nǫ̀htsı̨ dzagı̨ı̨hwhǫ, ełek'adagedè, xàhogedì xè edeghǫ xàdahogedì; hołı̨ı̨ hogehtsı̨ gha nàowo ładı̨ı̨ gehtsı̨; edemǫ eyıts'ǫ edetà k'èagı̨ı̨t'e-le;

2 Tımothy 3:4

ełeghǫyageeɂà ha, gınì nàìtło ha, t'asìı deè edegeetsı̨ ha, Nǫ̀htsı̨ nahk'e sìgoèt'ı̨ı̨ ghageewı ha,

James 4:4

Naxı̨ sìı Nǫ̀htsı̨ k'èch'a aaht'ı̨ hǫt'e. Dıı nèk'e gots'ǫ dǫ gıàgı̨ą ts'ı̨ı̨lı̨ nı̨dè Nǫ̀htsı̨ wedzats'ı̨ı̨hwhǫ hǫt'e, wek'èahsǫ-le nì? Amìı dıı nèk'e ts'ǫ nàowołı̨ı̨ k'ę̀ę̀ at'ı̨ı̨ sìı Nǫ̀htsı̨ ts'ǫ̀ xànıɂaà ade ha hǫt'e.