John 15:22 - Nǫ̀htsı̨ Nı̨htł'è

²² Jǫ ahjà-le xè gıts'ǫ̀ goıhde-le nı̨dè gıhołı̨į̀ gık'e whela ha-le ı̨lè. Hanìkò dıì, seyatıì k'ègeezǫ t'à ‘hołı̨ı̨ hots'èhtsı̨-le,’ gedı ha dìì.

John 15:22 ပူးပေါင်းရင်းမြစ်များ

Luke 12:46

Wets'ǫ k'àowo dàht'e nǫ̀ǫtła ha yexaelı-le dzęę̀ k'e hǫtsaa nììtła ha. K'àowo hòtł'ò nàyeehkwa ha eyıts'ǫ dǫ gıgha ehkw'ı-ahodı-le sìı goxè whedaà ayele ha.

John 12:48

Dǫ segı̨ı̨hwhǫ-le xè seyatıì gıgha ehkw'ı-ahodı-le sìı gıgha dǫ sınìyahtıı gǫ̀hłı̨ hǫt'e. Yatı nezı̨ı̨ t'à goıhdee sìı wedę agį̀į̀là t'à, nǫǫde dzęę̀ k'e nı̨dè hoìla agedle ha.

John 15:23

Amìı sedzaı̨hwhǫǫ sìı Setà dzaı̨hwhǫ hǫt'e.

John 15:24

Dǫ wı̨ı̨zìı sexèht'eè gınadąą̀ enıìyah hòèhtsı̨ı̨ whìle. Hahłà-le nı̨dè gıhołı̨į̀ gık'e whela ha-le ı̨lè. Hanìkò dıì enıìyah łǫ gıaɂı̨ kò ı̨łaà sedzagı̨ı̨hwhǫ eyıts'ǫ Setà sı dzagı̨ı̨hwhǫ.

John 16:9

Dǫ gıgha ehkw'ı aehsı̨-le t'à hołı̨ı̨ k'ę̀ę̀ geeda hǫt'e.

John 19:11

Zezì yets'ǫ̀ hadı, “Įdòo gots'ǫ neghàhòt'ǫ lenǫsıı nets'ǫ̀ hoèlı̨ nıìle. Eyıt'à dǫ netł'aàsegį̀ı̨htı̨ı̨ sìı nenahk'e hołı̨ı̨ hogèhtsı̨ hǫt'e,” yèhdı.

John 9:41

Zezì hadı, “Naxıdaà goìle nı̨dè naxıhołı̨į̀ whìle ha ı̨lè, hanìkò gogha xègaat'ı̨ dahdı t'à naxıhołı̨į̀ ı̨łaà naxık'e whela hǫt'e,” gòhdı.

Zezì Wecheekeèdeè 17:30

Įnę̀ę dǫ dàget'ı̨ı̨ sìı gık'èezǫ-le t'à Nǫ̀htsı̨ nàgoehkwa-le ı̨lè, hanìkò dıì sìı dǫ hazǫǫ̀ edek'egı̨ı̨lı̨ xè wets'ǫ̀ anats'ede ha goı̨hwhǫ.

Rome 1:20

Nǫ̀htsı̨ dǫ ts'ǫ̀ wègaat'ı̨-le kò, t'asìı wegha dìì-le elı̨ı̨ eyıts'ǫ Nǫ̀htsı̨ elı̨ı̨ sìı dıı nèè hòèlı̨ gots'ǫ dǫ gınıedì hǫt'e. T'asìı hazǫǫ̀ whehtsı̨ gıghàeda weghàà welǫ whìle ts'ǫ̀ t'asìı wegha dìì-le elı̨ı̨ sìı deghàà gınıedì hǫt'e. Eyıt'à “Wek'èts'eezǫ nıìle,” gedı ha dìì.

Rome 2:1

Eyıt'à, wek'èts'eezǫ-le, dahdı ha dìì hǫt'e. Dànì dǫ eyıì-le gısınìyaahtıı sìı eyı weghàà edesınìyaahtı hǫt'e, naxı̨ dǫ eyıì-le gısınìyaahtıı sìı hotıì gıxèht'eè eghàlaahda hǫt'e t'à.

James 4:17

Amìı ehkw'ı eghàlaeda ha yek'èezǫ kò yek'ę̀ę̀ eghàlaeda-le nı̨dè hołı̨ı̨ hoehtsı̨ hǫt'e.

1 Peter 2:16

Dǫ Moses wenàowoò tł'a geèhkw'e-le lanì nàahdè, hanìkò dıı haahwhǫ-le, “Hòt'a Moses wenàowoò tł'a ts'eèhkw'e-le t'à hołı̨ı̨ hots'ehtsı̨ ha dìì-le,” dahwhǫ-le. Į̀le, Nǫ̀htsı̨ wecheekeè lanì nàahdè ha hǫt'e.