John 15:20 - Nǫ̀htsı̨ Nı̨htł'è

²⁰ Dıı yatı naxıts'ǫ̀ xàyaehtıı sìı wenaahdì, ‘Dǫ wı̨ı̨zìı edets'ǫ k'àowo nahk'e elı̨ nıìle.’ Sı̨ dasegį̀ı̨hɂa nı̨dè naxı̨ sı danaxegį̀ı̨hɂa ha hǫt'e. Seyatıì k'èagı̨ı̨t'e nı̨dè naxı̨ sı naxıyatıì k'èagı̨ı̨t'e ha hǫt'e.

John 15:20 ပူးပေါင်းရင်းမြစ်များ

Matthew 10:24

“Dǫ hoghàweètǫǫ sìı hoghàyeehtǫǫ-dǫǫ̀ nahk'e elı̨ nıìle, eyıts'ǫ k'àowo wecheekeè sìı edets'ǫ k'àowo nahk'e elı̨ nıìle.

Mark 10:39

“Hęɂę, hats'ede ha dìì-le,” gıìhdı. Zezì gots'ǫ̀ hadı, “Lıbò wets'ǫ ehdǫǫ sìı naxı̨ sı wets'ǫ aahdǫ ha hǫt'e, eyıts'ǫ dànì sek'ètaìdzǫǫ sìı eyı lanì naxık'ètaìdzı̨ ha hǫt'e,

Luke 2:34

Sımeyon gok'eèyaı̨htı tł'axǫǫ̀ wemǫ Mary ts'ǫ̀ hadı, “Dıı chekoa wet'à Israel got'ı̨į̀ łǫ gıdıhołè ha eyıts'ǫ dǫ łǫ edaxàgole gha, dıı chekoa wììchı hǫt'e. Dǫ nadąą̀ t'asìı enıìyah elı̨ ha, hanìkò dǫ gık'èch'a agedı ha.

Luke 6:40

Dǫ hoghàweètǫǫ sìı hoghàyeehtǫǫ-dǫǫ̀ nahk'e elı̨ nıìle, hanìkò deghàà hoghàweètǫ nı̨dè hoghàyeehtǫǫ-dǫǫ̀ xèht'eè lade ha hǫt'e.

John 10:31

Israel got'ı̨į̀ gha k'aodèe nàgeehshì ha gı̨ı̨wǫ t'à, k'achı̨ kwe negı̨į̀wa.

John 11:57

Hanìkò yahtıı-gha-k'aodèe eyıts'ǫ Pharısee gı̨ı̨lı̨ı̨ sìı dǫ ts'ǫ̀ dıı hagedı ı̨lè, “Zezì edı̨į̀ wheda dǫ gık'èezǫ nı̨dè k'aodèe ts'ǫ̀ hagedı ha,” gedı. Zezì dageechı ha gı̨ı̨wǫ t'à, agedı.

John 13:16

Ehkw'ı anaxèehsı̨, dǫ wı̨ı̨zìı edets'ǫ k'àowo nahk'e elı̨ nıìle, eyıts'ǫ dǫ godı k'eɂaa sìı amìı yı̨ı̨hɂàa sìı nahk'e elı̨ nıìle.

John 5:16

Zezì, Nǫ̀htsı̨ Dzęę̀ k'e hanì eghàlaı̨dà t'à k'aodèe Zezì gha hoìla hogehtsı̨į̀ agejà.

John 7:32

Pharısee gı̨ı̨lı̨ı̨ sìı dǫ hagedıì ełets'ǫ̀ gogede gogıìkw'o. Eyıt'à yahtıı-gha-k'aodèe eyıts'ǫ Pharısee gı̨ı̨lı̨ı̨ sìı Zezì dageechı ha Nǫ̀htsı̨kǫ̀-xogııhdıı-dǫǫ̀ kayagı̨ı̨htı.

John 8:51

Ehkw'ı anaxèehsı̨, amìı seyatıì k'èdìı sìı ełaàwı ha nıìle,” Zezì gòhdı.

John 8:52

Zezì hadı t'à k'aodèe dıı hagedıì yagìzeh, “Hòt'a ı̨nìłı̨ı̨ nets'ǫ̀-èlı̨ hotıì wek'èts'eezǫ ne! Abraham ełaı̨wo ı̨lè eyıts'ǫ nakwenàoɂǫǫ sı hazǫǫ̀ ełaàgı̨ı̨dè ne, hanìkò dǫ neyatıì k'èdì nı̨dè ełaàwı ha nıìle nı̨ı̨dı.

John 8:59

Zezì hadı t'à kwe negı̨į̀wa, nàgeehshì ha ı̨lè hanìkò Zezì gonaɂį̀-èhtła, Nǫ̀htsı̨kǫ̀-gocho gots'ǫǫ̀ naèhtła.

Zezì Wecheekeèdeè 14:22

Ekǫ Nǫ̀htsı̨ wecheekeè gınì nàtsoò agogele ha gots'ǫ̀ gogı̨ı̨de, hagògedı, “Hoìla łǫ gotehoowıı daats'ǫ̀ Nǫ̀htsı̨ Wenàowoò k'ę̀ę̀ hòɂǫǫ goyats'eedè hǫt'e,” gògedı.

1 Corınth 4:12

Goılà t'à hòtł'ò eghàlats'eeda. Dǫ gots'ǫ̀ nàdahogeeɂà nı̨dè gıgha yats'ehtı, dagogį̀ı̨hɂa nı̨dè wexè kò ts'èwhı̨į̀ dats'ı̨ı̨ɂa.

2 Corınth 4:9

dǫ dagogį̀ı̨hɂa hanìkò Nǫ̀htsı̨ ɂǫ̀goehdè whìle, dèè k'e ts'ǫ̀ gogeèhde hanìkò godıhogèhtsı̨ whìle.

1 Thessalonıca 2:15

Eyı Judea got'ı̨į̀ sìı gots'ǫ̀ K'àowo Zezì eyıts'ǫ nakwenàoɂǫǫ ełaàgogį̀ı̨hdèe sìı goxı̨ sı xàdegogeèzhì. Nǫ̀htsı̨ k'èch'a eghàlageeda xè dǫ hazǫǫ̀ dzagı̨ı̨hwhǫ agı̨ı̨t'e.

2 Tımothy 3:12

Amìı Zezì-Krı wedahxà Nǫ̀htsı̨ wınì k'ę̀ę̀ ehda ha nıwǫǫ sìı dagı̨ı̨ɂaà agedle ha wek'èts'eezǫ hǫt'e.