John 15:2 - Nǫ̀htsı̨ Nı̨htł'è

² Ts'ı wekw'ıhchı̨į̀ k'e jìecho dehshe-le sìı hazǫǫ̀ xàyeht'à hǫt'e, hanìkò wekw'ıhchı̨į̀ k'e jìecho dehshee sìı yek'e xagot'à, hanì-ı̨dè jìecho denahk'e łǫ dehshe gha ayehɂı̨.

John 15:2 ပူးပေါင်းရင်းမြစ်များ

Matthew 13:12

Amìı t'asìı łǫ wets'ǫ sìı eyı weɂǫ̀atłǫ weghǫ̀zhe ha, hanì-ı̨dè t'asìı deɂǫ̀atłǫ wets'ǫ ade ha. Hanìkò amìı t'asìı wets'ǫ-le sìı t'asìı łǫ-lea wets'ǫ sìı eyı kò weghǫ ìchı ha hǫt'e.

Matthew 13:33

K'achı̨ godı eyıì-le t'à goxè godo, hadı: “Nǫ̀htsı̨ Wenàowoò k'ę̀ę̀ hòɂǫǫ sìı dıı hanì hǫt'e: Ts'èko łèt'èa łè ta ayehɂį̀, łèt'èa xè łè yeehtì gà tsı̨yeehdı. Hanì t'aa łè tsı̨èhdìı sìı łèt'èa hazǫǫ̀ weta-ts'ǫ̀ at'į̀,” gòhdı.

Matthew 15:13

Zezì gots'ǫ̀ hadı, “Setà yak'e whedaa sìı ts'ı hazǫǫ̀ dehsheè ayį̀į̀là-le sìı dèè goyìı ts'ǫ weghochı̨į̀ xè xàgehdlà ha.

Matthew 21:19

Tı̨lıbàa ts'ı nàı̨ɂa yaɂı̨ t'à yets'ǫ̀ èhtła, hanìkò wek'e jìecho whìle, ı̨t'ǫ̀ą zǫ wek'e whela. Eyıt'à ts'ı ts'ǫ̀ hadı, “K'achı̨ nekw'ıhchı̨į̀ k'e jìecho dehshe hǫı̨lı̨ ha-le!” hadı. Ekòet'ıì ts'ı whegǫǫ̀ ajà.

Matthew 25:29

Amìı t'asìı wets'ǫ sìı t'asìı deɂǫ̀atłǫ weghàzhe ha hǫt'e, hanì-ı̨dè t'asìı deɂǫ̀atłǫ wets'ǫ ade ha. Hanìkò amìı t'asìı wets'ǫ-le sìı t'asìı łǫ-lea wets'ǫ kò weghǫ ìchı ha hǫt'e.

Matthew 3:10

Ts'ı nàekwį̀ ha gokwı̨ hòt'a ts'atà wheɂǫ hǫt'e. Ts'ı hazǫǫ̀ wek'e jìecho nezı̨-le dehshee sìı nàgeehkà gà kwıìgeehdè ha. (Eyıt'à hotıì ts'ı nezı̨ı̨ laaht'e.)

Matthew 3:12

Jìe eyıts'ǫ t'asìı weta goet'ǫǫ sìı į̀łak'aà ayele gha sınìwheda hǫt'e. Jìe sìı xehkǫ̀ goyayeewa ha, hanìkò t'asìı weta goet'ǫǫ sìı welǫ whìle ts'ǫ̀ yek'eehk'ǫ̀ ha,” John-Baptıst hadıì dǫ ts'ǫ̀ gode.

Matthew 7:19

Ts'ı hazǫǫ̀ wek'e jìecho nezı̨-le dehshee sìı nàgeehkà gà kwıìgeehdè ha.

Mark 4:20

Dǫ yatı gıìkw'o xè edegha yatı gìhchìı sìı wet'à t'asìı dehshee dèè nezı̨ı̨ k'e nàı̨tł'ı lagı̨ı̨t'e. T'aàtłǫ weghǫ̀zha ı̨lèe sìı taènǫ, ek'ètaènǫ, hanì-le-ı̨dè ı̨łèakw'eènǫ weɂǫ̀atłǫ ts'ǫ̀ nègı̨ı̨la,” Zezì gòhdı.

Luke 8:13

Dǫ mǫ̀hdaa sìı wet'à t'asìı dehshee kwe ta nàı̨tł'ı lagı̨ı̨t'e. Eyı yatı gıìkw'o ts'ǫ̀et'ıì sıì gınà xè gìhchı. Hanìkò gıghochı̨į̀ whìle t'à whaà-lea gots'ǫ̀ gıgha ehkw'ı-ahodı, eyıts'ǫ hoìla nèhòkw'ı nı̨dè gıghǫ nat'è.

John 15:1

“Sı̨ sìı ts'ı wedeèdlı̨ı̨ aht'e, eyıts'ǫ Setà, dèè-goehshee-k'èdìı-dǫǫ̀ elı̨ hǫt'e.

John 15:16

Naxı̨ sèahchì nıìle, hanìkò sı̨ naxìhchì hǫt'e. Kw'ıhchı̨į̀ wek'e jìecho łǫ dehshe laaht'e ha naxìhchì hǫt'e. Eyı jìecho xàhoahwhıı sìı welǫ whìle ts'ǫ̀ whela ha hǫt'e. Sıızì dahxà t'alàa-sìı Setà weahkè nı̨dè Setà naxıghàyele ha hǫt'e.

John 15:3

Yatı naxıghàehɂǫ t'à hòt'a degaı anaxììdlà.

John 15:6

Dǫ sexè eda-le sìı kw'ıhchı̨į̀ xàgeht'à gà ɂǫ̀geehdè lanì hǫt'e. Kw'ıhchı̨į̀ whegǫǫ sìı hazǫǫ̀ nàgehtsį̀ gà kwıìgeehdè gà gık'eehk'ǫ̀ hǫt'e.

John 15:8

Kw'ıhchı̨į̀ wek'e jìecho łǫ dehshee laaht'e nı̨dè Setà weghàsǫhoedı ha. Eyı weghàà secheekeè aaht'e naxık'èhoedzǫ ha.

John 17:12

Įłaà gıxè aht'e ekò nıızì dahxà gık'èhdì ı̨lè. Įłè kò seghǫ wedıhòłı̨-le. Įłè wedıhołè ha weghàhòt'ǫǫ sìı eyı zǫ wedıhołè ha. Hanì-ı̨dè ayìı dek'eèhtł'èe sìı wek'ę̀ę̀ agode ha.

Rome 11:17

Wekw'ıhchı̨į̀ mǫ̀hdaa dahchı̨atǫ̀, eyıts'ǫ naxı̨ ts'ı nezı̨-le wekw'ıhchı̨į̀ laaht'ee sìı ts'ı nezı̨ı̨ wekw'ıhchı̨į̀ ta anaxììdlà laaht'e. Eyıt'à dıì sìı ts'ı nezı̨ı̨ weghochı̨į̀ t'à dahshe lanì hǫt'e.

Rome 11:22

Eyıt'à Nǫ̀htsı̨ weghǫ nanıahdè; ededı̨ sìı wèhoedı-le eyıts'ǫ wedzeè sǫnıwǫ. Dǫ gıgha ehkw'ı-ahodı-le sìı gots'ǫ̀ wèhoedı-le, hanìkò naxıts'ǫ̀ wedzeè sǫnıwǫ hǫt'e. T'aats'ǫǫ̀ wegha naxınì nàtsoò aahwhǫ nı̨dè naxıts'ǫ̀ wedzeè sǫnıwǫ ha. Ekò haaht'e-le nı̨dè eyı kw'ıhchı̨į̀ lanì naxık'ıızhì ha hǫt'e.

Rome 8:28

Dǫ Nǫ̀htsı̨ ghǫneètǫǫ sìı eyıts'ǫ wınì k'ę̀ę̀ gììchìı sìı t'asìı hazǫǫ̀ t'à gıxè sìghà ayehɂı̨ wek'èts'eezǫ hǫt'e.

1 Corınth 13:1

Dǫ gıyatıì xàɂaa eyıts'ǫ yak'eet'ı̨į̀ gıyatıì t'à gohde kò, dǫ ghǫneehtǫ-le nı̨dè ekìı satsǫ̀ dèekw'ǫ zǫ laehsı̨.

Tıtus 2:14

Ededı̨ sìı gohołı̨į̀ k'èxa ełaı̨woò adììdlà, wet'à gonàowołı̨ı̨ hazǫǫ̀ ch'à edaxàgoazha hǫt'e. Edegha degaı gòèhtsı̨, xàè wegha ts'ı̨ı̨lı̨ ha agǫ̀ǫ̀là eyıts'ǫ ayìı nezı̨ı̨ sìı weghǫ hòtł'ò ats'ı̨ı̨wǫ ha agǫ̀ǫ̀là.

Hebrew 12:15

Dǫ wı̨ı̨zìı Nǫ̀htsı̨ wesǫnıwǫ wedę ayııle sǫ̀ǫ̀ eyıts'ǫ ełedzaahwhǫ ch'à naxınì nàtsoò aahłe. Hanì-le-ı̨dè naxıxè hoìla agode ha eyıts'ǫ dǫ łǫ ehkw'ı geeda-le agede ha.

1 John 2:19

Gota gots'ǫ xàgeède, hanìkò xàè gots'ǫ agı̨ı̨t'e nıìle. Gots'ǫ agı̨ı̨t'e nı̨dè ı̨łaà goxè geèhkw'e ha ı̨lè, hanìkò gots'ǫǫ̀ xàgeède t'à xàè gots'ǫ agı̨ı̨t'e-le wek'èts'eezǫ.

John Wenazhıı 3:19

“T'aa gıghǫneehtǫǫ sìı hołı̨ı̨ hogehtsı̨ nı̨dè nàgeehɂǫ xè nezı̨į̀ geeda gha hoghàgeehtǫ hǫt'e. Eyıt'à ehkw'ı nànıahdè xè edek'eahłı̨.