John 15:15 - Nǫ̀htsı̨ Nı̨htł'è

¹⁵ Jǫ gots'ǫ ı̨daà segha eghàlaedaa-dǫǫ̀ naxèehsı̨ ha-le, k'àowo sìı dǫ yegha eghàlaedaa sìı t'asìı hazǫǫ̀ yedaadı nıìle t'à. Setà t'asìı hazǫǫ̀ sets'ǫ̀ hadıı sìı naxıts'ǫ̀ haehsı̨ t'à seàgı̨ą naxèehsı̨ hǫt'e.

John 15:15 ပူးပေါင်းရင်းမြစ်များ

Matthew 13:11

Eyıt'à Zezì gots'ǫ̀ hadı, “Naxı̨ sìı Nǫ̀htsı̨ Wenàowoò k'ę̀ę̀ hòɂǫǫ k'èahsǫ ha naxıghàhòt'ǫ hǫt'e, hanìkò dǫ eyıì-le sìı hanì gıghàhòt'ǫ nıìle.

Luke 10:23

Eyı tł'axǫǫ̀ Zezì whatsǫǫ̀ edecheekeè ts'ǫ̀ hadı, “Naxıdaà t'à weghàahda ts'ıhɂǫ̀ naxıxè sìghà hǫt'e.

John 12:26

Amìı segha eghàlaeda ha nıwǫǫ sìı sek'è-eetła ha hǫt'e; edı̨į̀ whıhdaa sìı secheekeè ededı̨ sı ekǫ wheda ha. Dǫ segha eghàlaedaa sìı Setà yets'ǫ̀ nezı̨į̀ eghàlaeda ha hǫt'e.

John 13:16

Ehkw'ı anaxèehsı̨, dǫ wı̨ı̨zìı edets'ǫ k'àowo nahk'e elı̨ nıìle, eyıts'ǫ dǫ godı k'eɂaa sìı amìı yı̨ı̨hɂàa sìı nahk'e elı̨ nıìle.

John 15:20

Dıı yatı naxıts'ǫ̀ xàyaehtıı sìı wenaahdì, ‘Dǫ wı̨ı̨zìı edets'ǫ k'àowo nahk'e elı̨ nıìle.’ Sı̨ dasegį̀ı̨hɂa nı̨dè naxı̨ sı danaxegį̀ı̨hɂa ha hǫt'e. Seyatıì k'èagı̨ı̨t'e nı̨dè naxı̨ sı naxıyatıì k'èagı̨ı̨t'e ha hǫt'e.

John 16:12

“Įłaà t'asìı łǫ naxıts'ǫ̀ haehsı̨ ha dehwhǫ, hanìkò dıì eyı gha naxınì nàtso-le.

John 17:26

Nek'ègeezǫ agèhłà, deɂǫ̀ǫ̀ nek'ègeezǫǫ̀ agehłe ha. Hanì-ı̨dè dànì seghǫneètǫǫ sìı ededı̨ sìı hanì ełeghǫnegeètǫǫ̀ agede ha, eyıts'ǫ sı̨ gıxè ı̨łè zǫ laht'e ha,” Zezì hadıì Edetà ts'ǫ̀ xàyahtı.

John 20:17

Zezì yets'ǫ̀ hadı, “Dası̨ı̨chì-le, ı̨łaà Setà ts'ǫ̀ anahjà nıìle t'à. Hanìkò sèot'ı̨ gıts'àątła, dıı hagìı̨dı, ‘Setà eyıts'ǫ naxı̨ sı naxıtà ts'ǫ̀ anahde ha, Senǫ̀htsı̨ eyıts'ǫ Naxınǫ̀htsı̨ ts'ǫ̀ anahde ha,’ ” hadıì edecheekeè godayatınìı̨ɂǫ.

John 4:19

Ts'èko hadı, “K'àowo, nakwenàoɂǫǫ anet'e nǫǫ̀.

John 8:26

T'asìı łǫ ghǫ naxısınìyahtı ha dìì-le, hanìkò amìı sı̨ı̨hɂàa sìı weyatıì ehkw'ı hǫt'e. Dàsèhdıı sìı dǫ hazǫǫ̀ ts'ǫ̀ haehsı̨ hǫt'e,” Zezì gòhdı.

Zezì Wecheekeèdeè 20:27

Nǫ̀htsı̨ dànıwǫǫ sìı edèdaehdı-le hazǫǫ̀ naxıts'ǫ̀ haehsı̨ ı̨lè.

Rome 7:15

Dàht'ı̨į̀-aht'ı̨ı̨ sìı deghàà wenıehdì nıìle. Ayìı dàhłe ha dehwhǫǫ sìı k'ę̀ę̀ eghàlaehda-le, hanìkò ayìı wedzaehwhǫǫ sìı eyı weghàlaehda.

1 Corınth 2:16

Dıı hanì dek'eèhtł'è: “Amìı gots'ǫ̀ K'àowo wınì k'èhoezǫ t'à yegha k'eyaetı ha?” dek'eèhtł'è. Hanìkò goxı̨ sìı Zezì-Krı wınì gots'ǫ̀-èlı̨ hǫt'e.

Galatıa 4:6

Weza ats'ı̨ı̨t'e t'à Nǫ̀htsı̨ Edeza wets'ǫ Įnì Degaı godzeè yìı ayį̀į̀là. Yedàyeh Nezı̨ı̨ ededı̨ sìı godzeè yìı “Abà, Setà,” hadı.

Ephesus 1:9

Nǫ̀htsı̨ dànıwǫǫ sìı dǫ gha deɂı̨į̀ wheɂǫ ı̨lèe sìı wek'èts'eezǫǫ̀ agǫ̀ǫ̀là. Nǫ̀htsı̨ hanì yeghàlaeda wegha nezı̨ eyıts'ǫ Zezì-Krı wedahxà hanì yeghàlaeda hǫt'e.

Ephesus 3:5

Eyı sìı dǫ gokwe gı̨ı̨dàa sìı gık'èezǫǫ̀ agììdlà-le ı̨lè, hanìkò dıì Nǫ̀htsı̨ wecheekeèdeè degaı eyıts'ǫ nakwenàoɂǫǫ degaı gı̨ı̨lı̨ı̨ sìı Yedàyeh Nezı̨ı̨ t'à gık'èezǫǫ̀ agejà.

Colosse 1:26

Nǫ̀htsı̨ weyatıì ı̨nę̀ę whaà gots'ǫ dǫ gıgha deɂı̨į̀ wheɂǫ ı̨lèe, hanìkò dıì Nǫ̀htsı̨ wets'ǫ dǫ gık'èezǫ agììdlà.

Phılemon 1:16

Dıì sìı negha eghàlaedaa dǫǫ̀ zǫ elı̨ nıìle. Į̀le, negha eghàlaedaa dǫǫ̀ nahk'e nechı lanì sıì weghǫneę̀tǫ ha. Weghǫneehtǫ hǫt'e, hanìkò nı̨ denahk'e weghǫneę̀tǫ aąde ha. Negha nezı̨į̀ eghàlaedaa dǫǫ̀ elı̨ t'à eyıts'ǫ gots'ǫ̀ K'àowo wıızì dahxà nèot'ı̨ elı̨ t'à weghǫneę̀tǫ ha.

James 1:1

Sı̨ James, Zezì-Krı eyıts'ǫ Nǫ̀htsı̨ gıcheekeè aht'e. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı dıı nèk'e dǫ nàgedèe gota-ts'ǫ̀ agejàa sìı gıts'ǫ̀ eehtł'è. Naxıxè sìghà welè.

James 2:23

Nǫ̀htsı̨ Nı̨htł'è k'e dànì dek'eèhtł'èe sìı wek'ę̀ę̀ agòjà hǫt'e. Dıı hanì dek'eèhtł'è: “Abraham Nǫ̀htsı̨ yegha ehkw'ı adı ts'ıhɂǫ̀, ehkw'ı eda gha wııtà ayį̀į̀là,” eyıts'ǫ Nǫ̀htsı̨ weàgı̨ą wìyeh.

2 Peter 1:1

Sı̨ Sımon-Peter, Zezì-Krı wegha eghàlaehda eyıts'ǫ wecheekeèdeè aht'e. Dǫ Nǫ̀htsı̨ gıgha ehkw'ı-ahodıì agììdlàa sìı gıts'ǫ̀ aatł'è hǫt'e. Nǫ̀htsı̨ eyıts'ǫ Zezì-Krı Edaxàgolee gıts'ıhɂǫ̀ ehkw'ı aahdaa k'ę̀ę̀ naxııtà hǫt'e. Goxı̨ gogha ehkw'ı-ahodıì agòìdlàa sìı gogha t'asìı wet'àaɂàa deè hǫt'e, eyı xèht'eè naxı̨ sı naxıgha t'asìı wet'àaɂàa deè hǫt'e.

Jude 1:1

Sı̨ Jude, Zezì-Krı wecheekeè aht'e eyıts'ǫ James wechı aht'e. Dǫ gıkayaetıı sìı, Nǫ̀htsı̨-Gotà goghǫneètǫ agı̨ı̨t'ee eyıts'ǫ Zezì-Krı gok'èdìı agı̨ı̨t'ee sìı dıı enı̨htł'è gıts'ǫ̀ eehtł'è hǫt'e.

John Wenazhıı 1:1

Zezì-Krı edecheekeè ayìı ghàgı̨ı̨dà agǫ̀ǫ̀làa sìı dıı enı̨htł'è k'e dek'eèhtł'è hǫt'e. Nǫ̀htsı̨-Gotà ı̨daà dàgode ha sìı wegodıì Zezì ghàı̨ɂǫ hǫt'e. Zezì wecheekeè dıı godıì gık'èezǫ ha t'à, edeyak'eet'ı̨į̀ John ts'ǫ̀ ayį̀į̀là.