John 14:6 - Nǫ̀htsı̨ Nı̨htł'è

⁶ Zezì yets'ǫ̀ hadı, “Sı̨ sìı sek'e gǫǫ̀ɂà aht'e, nàowo ehkw'ıı aht'e, eyıts'ǫ wet'à ts'eedaa aht'e. Dǫ wı̨ı̨zìı Setà ts'ǫ̀-etła ha dìì, sı̨ zǫ sek'e gǫǫ̀ɂà hǫt'e.

John 14:6 ပူးပေါင်းရင်းမြစ်များ

Matthew 11:27

“Setà t'asìı hazǫǫ̀ setł'aà whelaà ayı̨į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Nǫ̀htsı̨-Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza amìı gòìhchıı sìı Nǫ̀htsı̨-Gotà k'ègeezǫǫ̀ agohɂı̨.

John 1:14

Eyı yatı wehòhɂǫǫ sìı dǫ whelı̨ eyıts'ǫ gota nàı̨dè. Dànì enıìyah deè t'à wehòhɂǫǫ sìı wets'aɂı̨. Ededı̨ ı̨łàet'ee zǫ hanì enıìyah deè elı̨. Ededı̨ sìı Nǫ̀htsı̨-Gotà gots'ǫ nììtła hǫt'e, wesǫnıwǫ deè eyıts'ǫ nàowo ehkw'ıı wets'ǫ̀-èlı̨ hǫt'e.

John 1:17

Nǫ̀htsı̨ sìı Moses wet'ǫ̀ǫ̀ nàowo wet'à ts'eedaa sìı gots'ǫ̀ ayį̀į̀là ı̨lè, hanìkò Zezì-Krı wets'ıhɂǫ̀ wesǫnıwǫ deè eyıts'ǫ nàowo ehkw'ıı gots'ǫ̀ ajà.

John 1:4

Ededı̨ wet'à ts'eeda hǫt'e. Ededı̨ wet'à ts'eedaa sìı dǫ gha dzęh nı̨ı̨dı̨ı̨ lanì.

John 10:28

Welǫ whìle ts'ǫ̀ geedaà agehłe ha, ełaàgede hǫı̨lı̨ ha-le. Dǫ wı̨ı̨zìı seghǫ nıgoòwa ha nıìle.

John 10:7

Eyıt'à Zezì k'achı̨ hadı, “Ehkw'ı anaxèehsı̨, sı̨ sìı sahzǫ̀ą gıgha enìı̨tǫ laaht'e.

John 10:9

Sı̨ enìı̨tǫ laaht'e. Amìı eyı enìı̨tǫ k'è goyaetłaa sìı edaxàweetè ha hǫt'e. Ededı̨ goyaetła xè xàetła ha, hanì-ı̨dè nezı̨į̀ shètı̨ xè wek'èhodì.

John 14:19

Hòt'a whaà-le-t'ıì dıı nèk'e dǫ hazǫǫ̀ k'achı̨ segeɂį̀ ha-le, hanìkò naxı̨ seahɂį̀ ha. Sı̨ ehda t'à naxı̨ sı aahda ha.

John 15:1

“Sı̨ sìı ts'ı wedeèdlı̨ı̨ aht'e, eyıts'ǫ Setà, dèè-goehshee-k'èdìı-dǫǫ̀ elı̨ hǫt'e.

John 18:37

K'àowo Pılate hadı, “Eyıt'à k'àowocho anet'e nǫǫ̀!” Zezì yets'ǫ̀ hadı, “K'àowocho aht'e nı̨ı̨dıı sìı ehkw'ı hǫt'e. Nàowo ehkw'ıı ghǫ gohde ha t'à dıı nèk'e segǫ̀hłı̨ hǫt'e. Dǫ hazǫǫ̀ nàowo ehkw'ıı gı̨ı̨wǫǫ sìı segeèhkw'ǫ hǫt'e,” yèhdı.

John 5:21

Gotà dǫ ełaı̨dèe sìı naìdà xè geedaà agohɂı̨. Eyı xèht'eè Weza wegha sìghà k'ę̀ę̀ dǫ eda ha nıwǫǫ sìı hagohɂı̨ hǫt'e.

John 6:33

Yak'e gots'ǫ hodàèhtłaa sìı ededı̨, Nǫ̀htsı̨ wełèt'è hǫt'e, dıı nèk'e dǫ geedaà agohɂı̨,” gòhdı.

John 6:51

Yak'e gots'ǫ łèt'è dıı nèk'e ts'ǫ̀ ajàa sìı, eyı aht'e. Dıı łèt'è dǫ yeghǫ shètı̨ nı̨dè welǫ whìle ts'ǫ̀ eda ha. Dıı łèt'è sezhį̀į̀ hǫt'e, dıı nèk'e dǫ hazǫǫ̀ gıgha hǫt'e, wet'à dǫ eda ha,” Zezì gòhdı.

John 6:57

Setà edaa elı̨ı̨ sìı jǫ ts'ǫ̀ sı̨ı̨hɂà hǫt'e, eyıts'ǫ Setà wets'ıhɂǫ̀ sı̨ ehda hǫt'e. Eyı xèht'eè amìı seghǫ shètı̨ı̨ sìı sets'ıhɂǫ̀ eda ha hǫt'e.

John 6:68

Sımon-Peter yets'ǫ̀ hadı, “K'àowo, amìı ts'ǫ̀ ats'ejà lì? Nı̨ zǫ neyatıì t'à welǫ whìle ts'ǫ̀ ts'eeda hǫt'e.

John 8:32

Secheekeè aaht'e nı̨dè nàowo ehkw'ıı k'èhoahsǫ ha, nàowo ehkw'ıı k'èhoahsǫ nı̨dè k'achı̨ t'asìı wı̨ı̨zìı naxıts'ǫ̀ k'àowo ha nıìle,” Zezì gòhdı.

John 8:51

Ehkw'ı anaxèehsı̨, amìı seyatıì k'èdìı sìı ełaàwı ha nıìle,” Zezì gòhdı.

Zezì Wecheekeèdeè 3:15

Eyı dǫ wet'à ts'eedaa sìı ełaàwèahwho hǫt'e, hanìkò Nǫ̀htsı̨ naìdà ayį̀į̀là. Eyı hazǫǫ̀ hagòjàa sìı goxı̨ godaà agòjà hǫt'e.

Zezì Wecheekeèdeè 4:12

Ededı̨ zǫ edaxàgole ha hǫt'e. Dıı nèk'e dǫ wı̨ı̨zìı wet'à edaxàts'eedè ha gǫ̀hłı̨ nıìle,” Peter gòhdı.

Zezì Wecheekeèdeè 9:2

Kǫ̀ta Damaskus ekǫ ełègehdèe-kǫ̀ gòlaa sìı hazǫǫ̀ gots'ǫ̀ eetł'è ha yı̨ı̨hwhǫ. Ekǫ gots'ǫ dǫzhìı eyıts'ǫ ts'èko Zezì wenàowoò k'ę̀ę̀ geedaa sìı nıgoìle gà Jerusalem gıdaànìı̨laà agole ha nıwǫ.

Rome 15:16

Zezì-Krı wegha yahtıı wılaà ghàlaehda sììchì hǫt'e. Dǫ eyıì-le xàɂaa Nǫ̀htsı̨ wegodıì nezı̨ı̨ t'à hoghàgeehtǫ ha asį̀į̀là. Hanì-ı̨dè dǫ eyıì-le xàɂaa sìı Nǫ̀htsı̨ ghàgets'ele ha. Yedàyeh Nezı̨ı̨ wedahxà degaı agììdlà t'à Nǫ̀htsı̨ goghǫ sìghà anıwǫ ha.

Rome 5:2

Zezì-Krı wedahxà eyıts'ǫ goxı̨ gogha ehkw'ı-ahodı t'à Nǫ̀htsı̨ edesǫnıwǫǫ̀ goghàı̨ɂǫǫ sìı dıì wet'à ts'eeda. Nǫ̀htsı̨ wexè enıìyah t'à welǫ whìle ts'ǫ̀ ts'eeda ha goghàhòı̨ɂǫ t'à sıì goınà hǫt'e.

Rome 5:21

Hanì hòɂǫ t'à hołı̨ı̨ ts'ıhɂǫ̀ dǫ ełaàgede ı̨lè, hanìkò Nǫ̀htsı̨ gots'ǫ̀ sǫnıwǫ t'à ehkw'ı geedaa k'ę̀ę̀ gııtà agole ha, eyıts'ǫ Zezì-Krı wet'ǫ̀ǫ̀ welǫ whìle ts'ǫ̀ geedaà agole ha.

1 Corınth 15:45

Dıı hanì dek'eèhtł'è: “Adǫ̀ t'akwełǫ̀ǫ̀ gots'ǫ ne sìı Nǫ̀htsı̨ edaà ayį̀į̀là,” dek'eèhtł'è. Adǫ̀ nǫǫde sìı ı̨nì hǫt'e, wets'ıhɂǫ̀, dǫ eda hǫt'e.

Ephesus 2:18

Goxı̨ dǫ nàke xàɂaa ts'ı̨ı̨lı̨ı̨ sìı ededı̨ wet'à Yedàyeh Nezı̨ı̨ goghàı̨ɂǫ t'à, Nǫ̀htsı̨-Gotà ts'ǫ̀ ats'ede ha gogha dìì-le ayį̀į̀là hǫt'e.

Colosse 2:17

Eyı hanıı hazǫǫ̀ sìı ı̨daà dàgode gha weɂı̨zhı̨į̀ lanì ı̨lè, hanìkò t'asìı wedeèdlı̨ı̨ Zezì-Krı wexè wegots'ìhɂà.

Colosse 2:9

Nǫ̀htsı̨-Gotà t'asìı hazǫǫ̀ t'à wehòhɂǫǫ sìı Zezì-Krı wezhį̀į̀ sı yìı wehòhɂǫǫ hǫt'e,

Colosse 3:4

Eyıt'à Zezì-Krı wets'ıhɂǫ̀ aahda, eyıts'ǫ K'àowocho enıìyah k'ę̀ę̀ wègoèht'į̀ nı̨dè naxı̨ sı wexè naxègaat'ı̨ ha hǫt'e.

Hebrew 7:25

Eyıt'à Zezì ededı̨ wet'ǫ̀ǫ̀ amìı Nǫ̀htsı̨ ts'ǫ̀ at'ı̨ı̨ sìı deghàà edaxàgole ha wegha dìì-le hǫt'e. T'aats'ǫǫ̀ eda t'à dǫ gha Nǫ̀htsı̨ ts'ǫ̀ yahtı ha dìì-le hǫt'e.

Hebrew 9:8

Hanıı nàowo wet'à Yedàyeh Nezı̨ı̨ dıı wek'èts'eezǫǫ̀ agǫ̀ǫ̀là: Nǫ̀htsı̨ gha nı̨hbàa ı̨łaà nàı̨hɂa et'ıì Denahk'e Degaı K'è gòɂǫǫ sìı gots'ǫ̀ eneètǫ hǫt'e.

1 Peter 1:21

Wets'ıhɂǫ̀ Nǫ̀htsı̨-Gotà naxıgha ehkw'ı-ahodı eyıts'ǫ edaxànaxeehtè gha naxınì nàtso. Nǫ̀htsı̨-Gotà ededı̨ sìı Zezì-Krı k'achı̨ naìdà ayį̀į̀là hǫt'e eyıts'ǫ wexè enıìyah hòɂǫǫ̀ ayį̀į̀là.

1 Peter 2:4

Amìı wets'ǫ̀ aahjàa sìı “kwe wet'à ts'eedaa” wìyeh. Dıı nèk'e ts'ǫ dǫ eyı kwe gı̨ı̨wǫ-le, hanìkò Nǫ̀htsı̨ eyı kwe wegha sıì wet'àhoòɂà ne t'à yį̀į̀hchì hǫt'e.

1 Peter 3:18

Įłàà zǫ Zezì-Krı hołı̨ı̨ hazǫǫ̀ k'èxa ełaı̨wo hǫt'e eyıts'ǫ k'achı̨ hanade ha nıìle. Ededı̨ ehkw'ı elı̨ı̨ sìı naxı̨ ehkw'ı aaht'e-le gha ełaı̨wo, eyıt'à Nǫ̀htsı̨ ts'ǫ̀ anaxį̀į̀là. Wezhį̀į̀ ełaàgıìhwho, hanìkò Yedàyeh Nezı̨ı̨ t'à naìdà awììdlà hǫt'e,

1 John 1:8

“Gohołı̨į̀ whìle,” ts'edı nı̨dè edeghǫyats'eeɂà hǫt'e, eyıts'ǫ nàowo ehkw'ıı godzeè yìı wheɂǫ nıìle.

1 John 2:23

Amìı Nǫ̀htsı̨ Weza yegha ehkw'ı adı-le sìı Nǫ̀htsı̨-Gotà xè at'ı̨ nıìle, hanìkò amìı Nǫ̀htsı̨ Weza yegha ehkw'ı adıı sìı Nǫ̀htsı̨-Gotà xè at'ı̨ hǫt'e.

1 John 5:20

Nǫ̀htsı̨ Weza sìı dıı nèk'e ts'ǫ̀ ajà, eyıts'ǫ wenàowoò wenıts'eedì agǫ̀ǫ̀là wek'èts'eezǫ, eyıt'à ededı̨ sìı ehkw'ı hǫt'e wek'èts'eezǫ. Nǫ̀htsı̨ Weza Zezì-Krı ehkw'ı hǫt'e sìı wexè ats'ı̨ı̨t'e. Ededı̨ xàè Nǫ̀htsı̨ ehkw'ı elı̨, eyıts'ǫ ededı̨ wet'à welǫ whìle ts'ǫ̀ ts'eeda ha hǫt'e.

1 John 5:6

Zezì-Krı, tı t'à eyıts'ǫ edoò t'à dıı nèk'e edılaà ghàlaı̨dà. Tı zǫ t'à ajà nıìle, tı eyıts'ǫ edoò t'à dıı nèk'e ts'ǫ̀ ajà hǫt'e. Yedàyeh Nezı̨ı̨ ededı̨ yeghǫ xàyaı̨htı, Yedàyeh Nezı̨ı̨ nàowo ehkw'ıı elı̨ t'à.

2 John 1:9

Amìı Zezì nakweè ts'ıɂǫ̀ tı̨mǫeda xè Zezì wegodıì hoghàweètǫǫ sìı yek'èdì-le nı̨dè Nǫ̀htsı̨ yexè at'ı̨ nıìle. Ekò amìı t'aats'ǫǫ̀ Zezì wegodıì k'èdìı sìı Nǫ̀htsı̨-Gotà eyıts'ǫ Weza wexè agı̨ı̨t'e hǫt'e.

John Wenazhıı 1:5

Eyıts'ǫ Zezì-Krı naxıxè sǫnıwǫ welè eyıts'ǫ naxıxè sìghà hòɂǫ welè. Ededı̨ sìı t'aats'ǫǫ̀ ehkw'ı gode hǫt'e. Ededı̨ t'akwełǫ̀ǫ̀ naìdàa elı̨ eyıts'ǫ dıı nèk'e k'àowocho hazǫǫ̀ gogha k'àowodeè elı̨ hǫt'e. Goghǫneètǫ ts'ıhɂǫ̀ wedoò xàı̨tł'ı t'à gohołı̨į̀ goghǫ nahoazhaà ayį̀į̀là hǫt'e.

John Wenazhıı 19:11

Yak'e enìxànı̨ı̨tǫ wègoèht'į̀ ekò senadąą̀ tłı̨cho degoo nàwo. Eyı tłı̨cho t'à-at'ı̨ı̨ sìı dıı hawìyeh: “edeyatıì k'èdìı” eyıts'ǫ “ehkw'ı hǫt'e” wìyeh. Ededı̨ sìı ehkw'ı dǫ sınìyaehtı eyıts'ǫ nàowo ehkw'ıı k'ę̀ę̀ eghǫ.

John Wenazhıı 20:15

Amìı eyı enı̨htł'è wek'e dǫ welǫ whìle ts'ǫ̀ geeda gha gıızì dek'eèhtł'è-le sìı kwe dèk'ǫ̀ǫ ta ts'ǫ̀ gogeèhde hǫt'e.

John Wenazhıı 22:1

Eyı tł'axǫǫ̀ yak'eet'ı̨į̀ deh nıɂàa ts'ǫ tı wet'à ts'eedaa sìı weghàehdaà asį̀į̀là. Eyı tı sìı eja lanì wenı̨ı̨dàà xègaat'ı̨ eyıts'ǫ Nǫ̀htsı̨ wedaèhchı̨cho gots'ǫ eyıts'ǫ Sahzǫ̀ą sı gots'ǫ tı nı̨ı̨lı̨ hǫt'e.

John Wenazhıı 22:17

Yedàyeh Nezı̨ı̨ eyıts'ǫ ts'èko honìda ha sìı dıı hagedı, “Hęɂę, gots'ǫ̀ anede!” gedı. Amìı gogeèhkw'ǫǫ sìı, “Hęɂę, gots'ǫ̀ anede!” gedıì welì. Eyıts'ǫ amìı tı ghageewıı sìı tı wet'à ts'eedaa ts'ǫ̀ agııde gà t'asìı k'èxa-le gıìhchı.

John Wenazhıı 3:14

“Kǫ̀ta Laodısıya Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ ‘Amen’ wìyeh, t'aats'ǫǫ̀ ehkw'ı gode eyıts'ǫ Nǫ̀htsı̨ t'asìı hazǫǫ̀ whehtsı̨ ts'ǫ̀ K'àowo elı̨ı̨ sìı dıı weyatıì hǫt'e.

John Wenazhıı 3:7

“Kǫ̀ta Phıladelphıa Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ degaı xè ehkw'ı elı̨ı̨ sìı dıı weyatıì hǫt'e. Ededı̨ sìı k'àowocho Davıd weladlì k'èdìı elı̨ hǫt'e. Ayìı ts'ǫdaà xàedee sìı dǫ wı̨ı̨zìı yedaede ha dìì hǫt'e, eyıts'ǫ ayìı yedaedee sìı dǫ wı̨ı̨zìı yets'ǫdaà xàede ha dìì hǫt'e.