John 14:23 - Nǫ̀htsı̨ Nı̨htł'è

²³ Zezì yets'ǫ̀ hadı, “Dǫ seghǫneètǫ nı̨dè seyatıì k'èı̨t'e ha. Setà yeghǫneètǫ ha, wets'ǫ̀ ats'ede ha, eyıts'ǫ wexè ats'ı̨ı̨t'e ha.

John 14:23 ပူးပေါင်းရင်းမြစ်များ

Dànì Kèhoį̀wo 1:26

Eyı tł'axǫǫ̀ Nǫ̀htsı̨ hadı, “Gok'ę̀ę̀ dǫ ts'ııhtsı̨, goxèht'e ha. Tıcho yìı nàdèe hazǫǫ̀, yat'a k'edèe hazǫǫ̀, tıts'aàdìı wek'èhodìı hazǫǫ̀, hǫt'ıì dèè k'e eyıts'ǫ t'asìı hazǫǫ̀ dèè k'e k'eɂàa sìı ts'ǫ̀ k'àowo ha,” hadı.

Dànì Kèhoį̀wo 11:7

Gıts'ǫ̀ ats'ııde, gıyatıì eładı̨ı̨ xàɂaa ats'ııle, hanì-ı̨dè ełegıìkw'o ha-le,” hadı.

John 10:30

Sı̨ eyıts'ǫ Setà sı ı̨łè zǫ lawììt'e,” Zezì gòhdı.

John 14:15

Zezì edecheekeè ts'ǫ̀ hadı, “Seghǫnıahtǫ nı̨dè seyatıì k'èaht'e ha hǫt'e.

John 14:17

Eyı sìı Yedàyeh Nezı̨ı̨ hǫt'e, ehkw'ı naxıts'ǫ̀ gode ha. Dıı nèk'e gots'ǫ dǫ hazǫǫ̀ Yedàyeh Nezı̨ı̨ gìhchı ha dìì, gıghàeda-le eyıts'ǫ gık'èezǫ-le t'à. Hanìkò naxıxè eda eyıts'ǫ naxıdzeè yìı nàdè t'à, naxı̨ wek'èahsǫ hǫt'e.

John 14:21

Amìı seyatıì k'èezǫǫ xè yek'èı̨t'ee sìı eyı dǫ seghǫneètǫ hǫt'e. Amìı seghǫneètǫǫ sìı Setà yeghǫneètǫ ha hǫt'e. Sı̨ sı weghǫneehtǫ ha, eyıts'ǫ seɂį̀ awehłe ha,” Zezì hadıì edecheekeè gots'ǫ̀ goı̨de.

John 14:24

Dǫ seghǫneètǫ-le sìı seyatıì k'èı̨t'e ha nıìle. Dıı yatı aàhkw'ǫǫ sìı xàè seyatıì nıìle. Setà weyatıì hǫt'e, ededı̨ jǫ ts'ǫ̀ sı̨ı̨hɂà hǫt'e.

John 15:10

Seyatıì k'èaht'e nı̨dè sexè aaht'e ha eyıts'ǫ t'aats'ǫǫ̀ naxıghǫneehtǫ ha. Sı̨ sı Setà weyatıì k'èaıht'è eyıt'à t'aats'ǫǫ̀ seghǫneètǫ hǫt'e.

John 16:27

Į̀le, seghǫnıahtǫ eyıts'ǫ Nǫ̀htsı̨ yak'e whedaa gots'ǫ aht'ı̨ naxıgha ehkw'ı-ahodı t'à, Setà ededı̨ xàè naxıghǫneètǫ hǫt'e.

John 6:56

Amìı sezhį̀į̀ ghǫ shètı̨ xè sedoò edǫǫ sìı, sexè nàdè ha, eyıts'ǫ sı̨ sı wexè nàhdè ha.

John 8:51

Ehkw'ı anaxèehsı̨, amìı seyatıì k'èdìı sìı ełaàwı ha nıìle,” Zezì gòhdı.

John 8:52

Zezì hadı t'à k'aodèe dıı hagedıì yagìzeh, “Hòt'a ı̨nìłı̨ı̨ nets'ǫ̀-èlı̨ hotıì wek'èts'eezǫ ne! Abraham ełaı̨wo ı̨lè eyıts'ǫ nakwenàoɂǫǫ sı hazǫǫ̀ ełaàgı̨ı̨dè ne, hanìkò dǫ neyatıì k'èdì nı̨dè ełaàwı ha nıìle nı̨ı̨dı.

2 Corınth 6:16

Nǫ̀htsı̨kǫ̀-gocho eyıts'ǫ nǫ̀htsı̨ hòèlı̨ı̨ wets'ǫ yahtıı-kǫ̀ sìı ełek'ę̀ę̀ agı̨ı̨wǫ nıìle. Goxı̨ sìı Nǫ̀htsı̨ edaa wekǫ̀ lats'ı̨ı̨t'e hǫt'e. Nǫ̀htsı̨ dıı hadı ı̨lè, “Gıdzeè yìı nàhdè ha eyıts'ǫ gıta aht'e ha, Gınǫ̀htsı̨ ehłı̨ ha, eyıts'ǫ sets'ǫ dǫ gı̨ı̨lı̨ ha.”

Ephesus 3:17

Hanì-ı̨dè naxıgha ehkw'ı-ahodı t'à Zezì-Krı naxıdzeè yìı nàdè welè. Eyıts'ǫ dıı sı gha yahtı: denahk'e ts'ǫ̀ ełeghǫnıahtǫ xè

1 John 2:24

Kèhots'ı̨į̀hwho gots'ǫ ayìı aàhkw'oo sìı t'aats'ǫǫ̀ naxıdzeè yìı wek'èahdì. Wek'èahdì nı̨dè t'aats'ǫǫ̀ Nǫ̀htsı̨ Weza eyıts'ǫ Wetà xè aaht'e ha hǫt'e.

1 John 2:5

Hanìkò amìı yeyatıì k'èı̨t'ee sìı Nǫ̀htsı̨ dànì goghǫneètǫ k'ę̀ę̀ deghàà yeghǫneètǫǫ̀ ajà hǫt'e. Dıı hanì weghàà Nǫ̀htsı̨ xè ats'et'ı̨ wek'èts'eezǫ hǫt'e:

1 John 4:4

Sèot'ı̨ı̨, naxı̨ sìı Nǫ̀htsı̨ gots'ǫ aaht'e, eyıt'à ı̨nì nezı̨-le gıghǫahnǫǫ aaht'e, ededı̨ naxıdzeè yìı nàdèe sìı dıı nèk'e ts'ǫ dǫ yìı nàdèe nahk'e elı̨ hǫt'e.

1 John 5:3

Dıı hanì Nǫ̀htsı̨ weghǫnets'eètǫ hǫt'e: Nǫ̀htsı̨ nàowo goghàı̨ɂǫǫ sìı wek'ę̀ę̀ ts'eeda. Wenàowoò k'ę̀ę̀ ts'eedaa sìı dezhì nıìle.

2 John 1:6

Dıı hanì ełeghǫnets'eètǫǫ hǫt'e: Nǫ̀htsı̨ weyatıì k'èats'ı̨ı̨t'e. Ełeghǫnets'eètǫ ha hǫt'e, kèhots'ı̨į̀hwho gots'ǫ̀ weghǫ aàhkw'o ı̨lè.

John Wenazhıı 21:22

Eyı kǫ̀godeè gonı Nǫ̀htsı̨kǫ̀-gocho wègaat'ı̨-le, Gonǫ̀htsı̨ t'asìı wegha dìì-le sìı eyıts'ǫ Sahzǫ̀ą gogha Nǫ̀htsı̨kǫ̀-gocho lagı̨ı̨t'e t'à.

John Wenazhıı 21:3

Daèhchı̨cho gots'ǫ hòtł'ò dıı hats'edıì hǫt'e, “Jǫ gots'ǫ ı̨daà Nǫ̀htsı̨ dǫ ta nàdè ha t'à wekǫ̀ dǫ nı wheɂǫ ha. Wets'ǫ dǫ gı̨ı̨lı̨ ha, Nǫ̀htsı̨ ededı̨ goxè nàdè ha, eyıts'ǫ Gonǫ̀htsı̨ elı̨ ha hǫt'e.

John Wenazhıı 22:3

Ekǫ dǫ wı̨ı̨zìı daı̨ɂa gha wesınìyaetı ha nıìle. Nǫ̀htsı̨ eyıts'ǫ Sahzǫ̀ą gıdaèhchı̨cho eyı kǫ̀godeè wheɂǫ ha eyıts'ǫ wecheekeè gıgha eghàlaeda ha.