John 14:21 - Nǫ̀htsı̨ Nı̨htł'è

²¹ Amìı seyatıì k'èezǫǫ xè yek'èı̨t'ee sìı eyı dǫ seghǫneètǫ hǫt'e. Amìı seghǫneètǫǫ sìı Setà yeghǫneètǫ ha hǫt'e. Sı̨ sı weghǫneehtǫ ha, eyıts'ǫ seɂį̀ awehłe ha,” Zezì hadıì edecheekeè gots'ǫ̀ goı̨de.

John 14:21 ပူးပေါင်းရင်းမြစ်များ

Luke 11:28

Hanìkò Zezì yets'ǫ̀ hadı, “Dıı hats'edıı denahk'e nezı̨ hǫt'e: Nǫ̀htsı̨ weyatıì egıìkw'oo xè gık'ę̀ę̀ edaa sìı gıxè sìghà hǫt'e,” yèhdı.

John 14:15

Zezì edecheekeè ts'ǫ̀ hadı, “Seghǫnıahtǫ nı̨dè seyatıì k'èaht'e ha hǫt'e.

John 14:18

Naxıts'ǫǫ̀ ahde ha t'à ts'ınake aaht'e ha nıìle; k'achı̨ naxıts'ǫ̀ anahde ha.

John 15:14

Seyatıì k'èaht'e nı̨dè seàgı̨ą aaht'e ne.

John 16:14

Yedàyeh Nezı̨ı̨ ayìı sets'ǫ ne sìı yìhchı gà wek'èahsǫ anaxele ha. Eyı wet'à seghàsǫhoedıì ayele ha.

John 16:27

Į̀le, seghǫnıahtǫ eyıts'ǫ Nǫ̀htsı̨ yak'e whedaa gots'ǫ aht'ı̨ naxıgha ehkw'ı-ahodı t'à, Setà ededı̨ xàè naxıghǫneètǫ hǫt'e.

John 17:23

Sı̨ gıxè aht'ı̨, eyıts'ǫ nı̨ sexè anet'ı̨. Hotıì ı̨łè zǫ lagııt'è agı̨ı̨le, hanì-ı̨dè dıı nèk'e gots'ǫ dǫ sìı nı̨ seneehɂà, eyıts'ǫ seghǫneètǫ lanì gıghǫneehtǫ gık'èezǫ ha.

Zezì Wecheekeèdeè 22:18

Gots'ǫ̀ K'àowo weehɂı̨ sets'ǫ̀ gode, hadı, ‘Jerusalem got'ı̨į̀ segodıì t'à gıts'ǫ̀ goı̨dee sìı gıgha ehkw'ı-ahodı-le t'à, ı̨whąą̀ Jerusalem gots'ǫǫ̀ naı̨tłe,’ sèhdı.

2 Corınth 12:8

Taà-eht'aà gots'ǫ̀ K'àowo seghǫ yìhchı wèehsı̨ weghǫnàdaehtì ı̨lè.

2 Corınth 3:18

Goxı̨ sìı goınì k'e ɂehtł'ı̨ whehchìı nıìle, gots'ǫ̀ K'àowo dànì enıìyah elı̨ı̨ sìı gok'e saı̨dı̨ hǫt'e. Gots'ǫ̀ K'àowo, Įnì Degaı elı̨ı̨ sìı godzeè yìı eładı̨į̀ agohɂį̀, eyıt'à denahk'e wexèht'eè ats'et'į̀ agohɂı̨.

2 Corınth 4:6

Nǫ̀htsı̨ hadı, “Togoòtł'òo yìı gots'ǫ dzęh xàı̨dı̨į̀ awede,” hadıı sìı godzeè yìı dzęh nı̨ı̨dı̨į̀ ayį̀į̀là, eyı ts'ıhɂǫ̀ Zezì-Krı weghàts'eeda nı̨dè Nǫ̀htsı̨ dànì enıìyah elı̨ı̨ sìı wek'èts'eezǫ ats'et'į̀.

2 Thessalonıca 2:16

Nǫ̀htsı̨-Gotà goghǫneètǫǫ sìı wesǫnıwǫ t'à welǫ whìle ts'ǫ̀ ts'eeda ha edeyatıì nàtsoo goghàı̨ɂǫ, eyıts'ǫ wet'à goınì nàtsoò agǫ̀ǫ̀là. Gots'ǫ̀ K'àowo Zezì-Krı xàè ededı̨ eyıts'ǫ Nǫ̀htsı̨-Gotà

2 Tımothy 4:22

Gots'ǫ̀ K'àowo nets'ǫ ı̨nì xè at'ı̨ welè. Nǫ̀htsı̨ nets'ǫ̀ sǫnıwǫ welè.

1 John 2:5

Hanìkò amìı yeyatıì k'èı̨t'ee sìı Nǫ̀htsı̨ dànì goghǫneètǫ k'ę̀ę̀ deghàà yeghǫneètǫǫ̀ ajà hǫt'e. Dıı hanì weghàà Nǫ̀htsı̨ xè ats'et'ı̨ wek'èts'eezǫ hǫt'e:

1 John 3:1

Nǫ̀htsı̨-Gotà sıì goghǫneètǫ t'à Nǫ̀htsı̨ weza gòyeh agǫ̀ǫ̀là. Eyı sıì gogha enıìyah hǫt'e! Weza ats'ı̨ı̨t'e t'ıį̀t'e. Dıı nèk'e ts'ǫ dǫ Nǫ̀htsı̨ k'ègeezǫ-le t'à gok'ègeezǫ-le hǫt'e.

1 John 5:3

Dıı hanì Nǫ̀htsı̨ weghǫnets'eètǫ hǫt'e: Nǫ̀htsı̨ nàowo goghàı̨ɂǫǫ sìı wek'ę̀ę̀ ts'eeda. Wenàowoò k'ę̀ę̀ ts'eedaa sìı dezhì nıìle.

2 John 1:6

Dıı hanì ełeghǫnets'eètǫǫ hǫt'e: Nǫ̀htsı̨ weyatıì k'èats'ı̨ı̨t'e. Ełeghǫnets'eètǫ ha hǫt'e, kèhots'ı̨į̀hwho gots'ǫ̀ weghǫ aàhkw'o ı̨lè.

John Wenazhıı 2:17

“Amìı wedzıì gǫ̀hłı̨ı̨ sìı Yedàyeh Nezı̨ı̨ Nǫ̀htsı̨ wecheekeè dàgòhdıı sìı gıìkw'o welì. T'aa hołı̨ı̨ ghǫehnèe sìı ‘Manna’ deɂı̨į̀ wheɂǫǫ sìı weghàehdı ha. Eyıts'ǫ kwe degoo k'e wıızì gòò dek'eèhtł'èe sìı weghàehɂà ha. Amìı eyı weghǫ̀t'ǫǫ sìı ededı̨ zǫ yek'èezǫ ha.

John Wenazhıı 22:14

“Amìı edeɂeè nedèe k'enagı̨ı̨htsoo sìı gıxè sìghà hǫt'e. Hanì-ı̨dè eyı ts'ı wet'à ts'eedaa wejìecho ghǫ shègezhee gıghàhòt'à ha eyıts'ǫ kǫ̀godeè wèdaat'ı̨ı̨ sìı goyageedèe gıghàhòt'à ha.

John Wenazhıı 3:20

Jǫ tı̨ı̨dà nàhwho xè enìı̨tǫ ts'aht'ı; amìı sıìkw'o t'à sets'ǫ̀ enìxàechì nı̨dè wegà goyaehtła gà wexè shèhtı̨ ha, eyıts'ǫ ededı̨ sı sexè shètı̨ ha.