John 14:2 - Nǫ̀htsı̨ Nı̨htł'è

² Setà wekǫ̀ goı̨chà hǫt'e; hagǫ̀ht'e-le nı̨dè naxıts'ǫ̀ haehsı̨ ha ı̨lè. Ekǫ naxıda gòɂǫǫ̀ agohłe ha.

John 14:2 ပူးပေါင်းရင်းမြစ်များ

Luke 14:22

“Wecheekeè nǫ̀ǫtła ekò hadı, ‘K'àowo, ayìı dàsį̀ı̨dıı sìı hòt'a hahłà, hanìkò ı̨łaà gòɂǫ,’ yèhdı.

John 13:33

“Secheekeè, ı̨łaà whaà-lea gots'ǫ̀ naxıxè whıhda ha. Sekak'eaht'į̀ ha, k'aodèe gıts'ǫ̀ haehsı̨ ı̨lè xèht'eè dıì naxıts'ǫ̀ haehsı̨ ha. Edı̨į̀ ts'ǫ̀ aht'ı̨ı̨ sìı sek'èè aahde ha dìì.

John 13:36

Sımon-Peter dayeehke, “Sets'ǫ̀ K'àowo, edı̨į̀ ts'ǫ̀ aąde ha?” Zezì hayèhdı, “Edı̨į̀ ts'ǫ̀ aht'ı̨ı̨ sìı dıì sek'èahde ha dìì, hanìkò nǫǫde-ı̨dè sek'èahde ha,” yèhdı.

John 14:28

“Dıı hanaxèehsı̨ ı̨lè, ‘Naxıts'ǫǫ̀ ahde ha hanìkò naxıts'ǫ̀ anahde ha,’ dehsı̨ ı̨lè. Seghǫnıahtǫ nı̨dè Setà ts'ǫ̀ anahde ghǫ naxınà ha hǫt'e, Setà senahk'e elı̨ t'à.

John 16:4

Dıı naxıts'ǫ̀ haehsı̨ı̨ sìı eyı nèhòı̨wo nı̨dè dànì weghǫ naxıts'ǫ̀ gohdee sìı wenaahdì ha. T'akwełǫ̀ǫ̀ eyı naxıts'ǫ̀ haehsı̨-le ı̨lè, ı̨łaà naxıxè whıhda ı̨lè t'à.

John 17:24

“Setà, dǫ hazǫǫ̀ seghàneelaa sìı t'aats'ǫǫ̀ sexè agı̨ı̨t'e ha dehwhǫ, eyıts'ǫ sexè enıìyah hòɂǫ anelàa sìı geɂį̀ ha dehwhǫ. Dıı nèè hòèlı̨ kwe seghǫneètǫ t'à sexè enıìyah hòɂǫ anelà ı̨lè.

Zezì Wecheekeèdeè 9:16

Sıızì ts'ıhɂǫ̀ hòtł'ò daı̨ɂa ha sìı yek'èezǫǫ̀ awehłe ha,” Zezì yèhdı.

2 Corınth 5:1

Dıı nèk'e ts'eedaa sìı whaà-lea gots'ǫ̀ nı̨hbàa yìı nàts'edè lanì hǫt'e. Eyı nı̨hbàa wedıhołè nı̨dè yak'e welǫ whìle ts'ǫ̀ gogha kǫ̀ gòɂǫ hǫt'e. Eyı sìı dǫlà t'à hòèlı̨ nıìle, Nǫ̀htsı̨ godawheɂǫǫ̀ ayį̀į̀là wek'èts'eezǫ hǫt'e.

1 Thessalonıca 5:9

Nǫ̀htsı̨ sìı gosınìyaehtı eyıts'ǫ nàgoehkwa gha gòį̀hchì nıìle, hanìkò gots'ǫ̀ K'àowo Zezì-Krı gogha ehkw'ı-ahodı t'à edaxàgole ha gòį̀hchì hǫt'e.

Tıtus 1:2

Nǫ̀htsı̨ hots'ì-le sìı, dıı dèè hòèlı̨ kwe gots'ǫ welǫ whìle ts'ǫ̀ ts'eeda agodle gha edeyatıì goghàı̨ɂǫ ı̨lè. Eyıt'à gogha ehkw'ı-ahodı xè nàowo ehkw'ıı k'èts'eezǫ ha dìì-le.

Hebrew 11:10

Abraham Nǫ̀htsı̨ yìetł'aà nezı̨ı̨ k'e kǫ̀godeè whehtsı̨ı̨ sìı danaèhɂı̨ ı̨lè.

Hebrew 13:14

Dıı nèk'e kǫ̀godeè welǫ whìle ts'ǫ̀ gòɂǫǫ gǫ̀hłı̨ nıìle, hanìkò ı̨daà nı̨dè kǫ̀godeè jǫ ts'ǫ̀ ade ha danats'eèhɂı̨ hǫt'e.

Hebrew 6:20

Ekǫ Zezì gonakweè gogha goyaèhtła hǫt'e. Ededı̨ sìı welǫ whìle ts'ǫ̀ Melkızedek wek'ę̀ę̀ yahtıı-wet'àaɂàa-deè whelı̨ hǫt'e.

Hebrew 9:8

Hanıı nàowo wet'à Yedàyeh Nezı̨ı̨ dıı wek'èts'eezǫǫ̀ agǫ̀ǫ̀là: Nǫ̀htsı̨ gha nı̨hbàa ı̨łaà nàı̨hɂa et'ıì Denahk'e Degaı K'è gòɂǫǫ sìı gots'ǫ̀ eneètǫ hǫt'e.

John Wenazhıı 1:5

Eyıts'ǫ Zezì-Krı naxıxè sǫnıwǫ welè eyıts'ǫ naxıxè sìghà hòɂǫ welè. Ededı̨ sìı t'aats'ǫǫ̀ ehkw'ı gode hǫt'e. Ededı̨ t'akwełǫ̀ǫ̀ naìdàa elı̨ eyıts'ǫ dıı nèk'e k'àowocho hazǫǫ̀ gogha k'àowodeè elı̨ hǫt'e. Goghǫneètǫ ts'ıhɂǫ̀ wedoò xàı̨tł'ı t'à gohołı̨į̀ goghǫ nahoazhaà ayį̀į̀là hǫt'e.

John Wenazhıı 21:2

Yak'e gots'ǫ Kǫ̀godeè Degaı ı̨zhıì ajà wègaat'ı̨. Kǫ̀godeè wegòò Jerusalem, Nǫ̀htsı̨ gots'ǫ ı̨zhıì ajà. Ts'èko dǫzhìı xè honìda ha goht'ǫ wèdaat'ı̨ı̨ yìı wheda lanì eyı kǫ̀godeè wèdaat'ı̨.

John Wenazhıı 3:12

T'aa hołı̨ı̨ ghǫehnèe sìı Nǫ̀htsı̨kǫ̀-gocho goyìı kwe nàtsoo nàı̨ɂa elı̨į̀ awehłe xè t'aats'ǫǫ̀ ekǫ wehòhɂǫ ha. Nǫ̀htsı̨ wıızì eyıts'ǫ Nǫ̀htsı̨ wekǫ̀godeè wıızì wek'e dek'eèhtł'è ha. Eyı kǫ̀godeè wegòò sìı Jerusalem wìyeh; Nǫ̀htsı̨ yak'e gots'ǫ ı̨zhıì adeè ayele ha. T'aa wınì nàtsoo sìı sıızì wegòò wek'e dek'enèehtł'è ha.

John Wenazhıı 3:21

“T'aa hołı̨ı̨ ghǫehnèe sìı sedaèhchı̨cho k'e segà whedaà awehłe ha. Sı̨ hołı̨ı̨ ghǫèhnǫ t'à Setà wedaèhchı̨cho k'e wegà whıhdaà asììdlà hǫt'e.