John 14:19 - Nǫ̀htsı̨ Nı̨htł'è

¹⁹ Hòt'a whaà-le-t'ıì dıı nèk'e dǫ hazǫǫ̀ k'achı̨ segeɂį̀ ha-le, hanìkò naxı̨ seahɂį̀ ha. Sı̨ ehda t'à naxı̨ sı aahda ha.

John 14:19 ပူးပေါင်းရင်းမြစ်များ

John 11:25

Zezì yets'ǫ̀ hadı, “Sı̨ set'à dǫ naìdà xè eda hǫt'e. Amìı ehkw'ı adı sı̨ı̨hwhǫǫ sìı, ełaàwı kò, eda ha.

John 12:35

Zezì edeghǫ gots'ǫ̀ hadı, “Įłaà whaà-lea gots'ǫ̀ dzęh naxıxè wheɂǫ ha. To agode kwe, ı̨łaà naxıxè dzęh et'ıì k'eahdè. Dǫ togoòtł'òo k'edaa sìı edı̨į̀ ts'ǫ̀ at'ı̨ı̨ sìı yek'èezǫ nıìle.

John 13:33

“Secheekeè, ı̨łaà whaà-lea gots'ǫ̀ naxıxè whıhda ha. Sekak'eaht'į̀ ha, k'aodèe gıts'ǫ̀ haehsı̨ ı̨lè xèht'eè dıì naxıts'ǫ̀ haehsı̨ ha. Edı̨į̀ ts'ǫ̀ aht'ı̨ı̨ sìı sek'èè aahde ha dìì.

John 14:6

Zezì yets'ǫ̀ hadı, “Sı̨ sìı sek'e gǫǫ̀ɂà aht'e, nàowo ehkw'ıı aht'e, eyıts'ǫ wet'à ts'eedaa aht'e. Dǫ wı̨ı̨zìı Setà ts'ǫ̀-etła ha dìì, sı̨ zǫ sek'e gǫǫ̀ɂà hǫt'e.

John 16:16

“Whaà-le-t'ıì seahɂį̀ ha-le, eyıts'ǫ k'achı̨ whaà-le-t'ıì seahɂį̀ ha,” Zezì gòhdı.

John 16:22

Dıı naxı̨ sı haaht'e: Dıì naxıdzeè nànııtì hǫt'e, hanìkò k'achı̨ naxeehɂı̨ nı̨dè sıì naxıgha sìgoèt'ı̨ ha, eyı sìı dǫ wı̨ı̨zìı naxıghǫ yìhchı ha nıìle.

John 6:40

Dǫ hazǫǫ̀ Weza ts'ǫ̀ nageɂa xè gıgha ehkw'ı ahodıı sìı welǫ whìle ts'ǫ̀ geeda ha, Setà hanì ha nıwǫ hǫt'e. Amìı ehkw'ı aehsı̨ sı̨ı̨hwhǫǫ sìı nǫǫde dzęę̀ k'e nı̨dè naìdà awehłe ha,” Zezì hadı edeghǫ gode.

John 7:33

Zezì dǫ ts'ǫ̀ hadı, “Whaà-lea gots'ǫ̀ zǫ naxıxè whıhda ha hǫt'e, eyı tł'axǫǫ̀-ı̨dè amìı sı̨ı̨hɂàa sìı wets'ǫ̀ anahde ha.

John 8:21

K'achı̨ Zezì gots'ǫ̀ hadı, “T'asį̀ı̨ ahde ha eyıts'ǫ sekak'eaht'į̀ ha. Hanìkò naxıhołı̨į̀ xè ełaahde ha hǫt'e. Edı̨į̀ ts'ǫ̀ aht'ı̨ı̨ sìı ekǫ aahde ha dìì,” Zezì gòhdı.

Zezì Wecheekeèdeè 10:41

Dǫ hazǫǫ̀ gıaɂı̨ nıìle, Nǫ̀htsı̨ dǫ nàwhehtsı̨ı̨ sìı eyı zǫ gıaɂı̨ hǫt'e. Naìdà tł'axǫǫ̀ goxı̨ wets'aɂı̨ eyıts'ǫ wexè shèts'azhe.

Rome 5:10

Įłaà Nǫ̀htsı̨ wek'èch'a ts'eeda ekò weza gogha ełaı̨wo t'à Nǫ̀htsı̨ wexè ts'èwhı̨į̀ ts'eedaà agǫ̀ǫ̀là. Nǫ̀htsı̨ wexè ts'èwhı̨į̀ ts'eeda agòìdlà zǫǫ̀-le, dıì Zezì wexè ts'eeda t'à denahk'e edaxàgole ha hǫt'e.

Rome 8:34

Eyıt'à amìı ełaàts'ehde gha gosınìyaehtı ha? Dǫ wı̨ı̨zìı-le! Zezì-Krı gogha ełaı̨wo, gogha naìdà, eyıts'ǫ dıì Nǫ̀htsı̨ gà nàgots'ehnèe wheda xè gok'edaedı hǫt'e.

1 Corınth 15:20

Hanìkò Zezì-Krı ełaı̨wo gots'ǫ hotıì naìdà awììdlà hǫt'e, eyıt'à Nǫ̀htsı̨ wenadąą̀, dǫ hazǫǫ̀ ełaı̨dèe sìı gıta gots'ǫ ededı̨ t'akwełǫ̀ǫ̀ naìdà hǫt'e.

1 Corınth 15:45

Dıı hanì dek'eèhtł'è: “Adǫ̀ t'akwełǫ̀ǫ̀ gots'ǫ ne sìı Nǫ̀htsı̨ edaà ayį̀į̀là,” dek'eèhtł'è. Adǫ̀ nǫǫde sìı ı̨nì hǫt'e, wets'ıhɂǫ̀, dǫ eda hǫt'e.

Hebrew 7:25

Eyıt'à Zezì ededı̨ wet'ǫ̀ǫ̀ amìı Nǫ̀htsı̨ ts'ǫ̀ at'ı̨ı̨ sìı deghàà edaxàgole ha wegha dìì-le hǫt'e. T'aats'ǫǫ̀ eda t'à dǫ gha Nǫ̀htsı̨ ts'ǫ̀ yahtı ha dìì-le hǫt'e.

John Wenazhıı 20:4

Eyı tł'axǫǫ̀ daèhchı̨cho łǫ wègoèht'į̀, dǫ sınìyagehtı ha gıghàhòt'ǫǫ sìı gık'e dèhkw'e. Eyıts'ǫ dǫ łǫ gıdą̀ązhį̀ı̨ senadąą̀ wègoèht'į̀. Zezì wegodıì eyıts'ǫ Nǫ̀htsı̨ weyatıì t'à gogede k'èxa gıkwì k'egı̨ı̨hkàa sìı agı̨ı̨t'e. Tıts'aàdìı nechàa eyıts'ǫ kwe wek'ę̀ę̀ hòèlı̨ ts'ǫ̀ nàgògı̨ı̨hgè-le eyıts'ǫ gıts'abeè eyıts'ǫ gılà k'e tıts'aàdìı nechàa wıızì dek'eèhtł'è-le agı̨ı̨t'e. Eyı dǫ hazǫǫ̀ nagìdà, eyıts'ǫ ı̨łè-lemì xo gots'ǫ̀ Chrıst wexè k'aodèe gı̨ı̨lı̨.