John 14:18 - Nǫ̀htsı̨ Nı̨htł'è

¹⁸ Naxıts'ǫǫ̀ ahde ha t'à ts'ınake aaht'e ha nıìle; k'achı̨ naxıts'ǫ̀ anahde ha.

John 14:18 ပူးပေါင်းရင်းမြစ်များ

Matthew 18:20

Dǫ nàke, dǫ taı sıızì dahxà łą̀ą nègı̨ı̨de gà yagehtı nı̨dè gıxè whıhda ha hǫt'e,” Zezì gòhdı.

Matthew 28:20

Eyıts'ǫ yatı hazǫǫ̀ naxıghàıhɂǫǫ sìı gık'į̀ı̨t'e ha hoghàgıahtǫ. Nǫǫde dzęę̀ agode ts'ǫ̀ t'aats'ǫǫ̀ naxıxè aht'e ha hǫt'e,” gòhdı.

John 14:16

Setà naxıgha weehkè ha, setł'axǫǫ̀ naxıts'àdıı elı̨ ha sìı naxıts'ǫ̀ ayele ha, welǫ whìle ts'ǫ̀ naxıts'ǫ̀-èlı̨ ha.

John 14:3

Ekǫ naxıda gòɂǫǫ̀ ahłà nı̨dè naxıxàhtła ha, eyıts'ǫ sexè anaxehłe ha. Hanì-ı̨dè edı̨į̀ whıhdaa sìı sexè aaht'e ha.

John 16:16

“Whaà-le-t'ıì seahɂį̀ ha-le, eyıts'ǫ k'achı̨ whaà-le-t'ıì seahɂį̀ ha,” Zezì gòhdı.

John 16:33

“Dıı hazǫǫ̀ naxıts'ǫ̀ haehsı̨ hǫt'e, hanì-ı̨dè sı̨ set'à naxıgha ts'èwhı̨į̀ hòɂǫ ha. Dıı nèk'e naxıxè hoìla ha hǫt'e. Hanìkò sı̨ sìı dıı nèk'e hazǫǫ̀ gıghǫèhnǫ ne t'à, naxınì nàtsoò aahłe,” Zezì gòhdı.

2 Thessalonıca 2:16

Nǫ̀htsı̨-Gotà goghǫneètǫǫ sìı wesǫnıwǫ t'à welǫ whìle ts'ǫ̀ ts'eeda ha edeyatıì nàtsoo goghàı̨ɂǫ, eyıts'ǫ wet'à goınì nàtsoò agǫ̀ǫ̀là. Gots'ǫ̀ K'àowo Zezì-Krı xàè ededı̨ eyıts'ǫ Nǫ̀htsı̨-Gotà

Hebrew 2:18

Zezì ededı̨ hołı̨ı̨ t'à weèdzà ekò daı̨ɂà ı̨lèe, eyıt'à dǫ hołı̨ı̨ t'à geèdzàa sìı gots'àdı ha wegha dìì-le hǫt'e.