John 14:17 - Nǫ̀htsı̨ Nı̨htł'è

¹⁷ Eyı sìı Yedàyeh Nezı̨ı̨ hǫt'e, ehkw'ı naxıts'ǫ̀ gode ha. Dıı nèk'e gots'ǫ dǫ hazǫǫ̀ Yedàyeh Nezı̨ı̨ gìhchı ha dìì, gıghàeda-le eyıts'ǫ gık'èezǫ-le t'à. Hanìkò naxıxè eda eyıts'ǫ naxıdzeè yìı nàdè t'à, naxı̨ wek'èahsǫ hǫt'e.

John 14:17 ပူးပေါင်းရင်းမြစ်များ

Matthew 10:20

Xàè naxıyatıì t'à goahde ha nıìle; Nǫ̀htsı-Naxıtà wets'ǫ Įnì Degaı naxıwà t'à gode ha.

John 14:16

Setà naxıgha weehkè ha, setł'axǫǫ̀ naxıts'àdıı elı̨ ha sìı naxıts'ǫ̀ ayele ha, welǫ whìle ts'ǫ̀ naxıts'ǫ̀-èlı̨ ha.

John 14:23

Zezì yets'ǫ̀ hadı, “Dǫ seghǫneètǫ nı̨dè seyatıì k'èı̨t'e ha. Setà yeghǫneètǫ ha, wets'ǫ̀ ats'ede ha, eyıts'ǫ wexè ats'ı̨ı̨t'e ha.

John 15:26

“Setà wedahxà Yedàyeh Nezı̨ı̨ naxıts'ǫ̀ ahłe ha, Setà wets'ǫ at'ı̨ hǫt'e. Eyı naxıts'àdıı elı̨ı̨ sìı nììtła nı̨dè seghǫ ehkw'ı xàyahtı ha hǫt'e.

John 16:13

Hanìkò Yedàyeh Nezı̨ı̨ nììtła nı̨dè t'asìı hazǫǫ̀ ehkw'ı ne sìı naxıts'ǫ̀ hadı ha, ehkw'ı zǫ gode ne t'à. Ededahxà gode ha nıìle, dàehsı̨ı̨ yeèhkw'ǫǫ sìı eyı zǫ t'à gode ha, eyıts'ǫ ı̨daà ayìı dàgode ha sìı naxıts'ǫ̀ hadı ha.

John 6:40

Dǫ hazǫǫ̀ Weza ts'ǫ̀ nageɂa xè gıgha ehkw'ı ahodıı sìı welǫ whìle ts'ǫ̀ geeda ha, Setà hanì ha nıwǫ hǫt'e. Amìı ehkw'ı aehsı̨ sı̨ı̨hwhǫǫ sìı nǫǫde dzęę̀ k'e nı̨dè naìdà awehłe ha,” Zezì hadı edeghǫ gode.

1 Corınth 14:15

Eyıt'à dıı haht'ı̨ ha: sets'ǫ ı̨nì t'à yahtı ha, eyıts'ǫ sınì sı t'à yahtı ha. Sets'ǫ ı̨nì t'à ehjı̨ ha, eyıts'ǫ sınì sı t'à ehjı̨ ha.

1 Corınth 2:14

Dǫ Yedàyeh Nezı̨ı̨ dę edaa sìı Nǫ̀htsı̨ wets'ǫ Įnì gots'ǫ t'asìı yenıedì nıìle. Eyı sìı wegha ezhı̨ne lanì, eyıts'ǫ yenıedì ha dìì. Dǫ Yedàyeh Nezı̨ı̨ wets'ǫ̀-èlı̨ nı̨dè zǫ, Nǫ̀htsı̨ ts'ǫǫ̀hk'e t'asìı yenıedì hǫt'e.

1 Corınth 3:16

Naxı̨ sìı Nǫ̀htsı̨ wekǫ̀ laaht'e, eyıts'ǫ Nǫ̀htsı̨ wets'ǫ Įnì Degaı naxıdzeè yìı nàdè hǫt'e wek'èahsǫ-le nì?

1 Corınth 6:19

Naxızhį̀į̀ sìı Yedàyeh Nezı̨ı̨ wekǫ̀ lanì hǫt'e wek'èahsǫ-le nì? Ededı̨ sìı naxıdzeè yìı nàdè hǫt'e, ededı̨ sìı Nǫ̀htsı̨ naxıghàyı̨ı̨ɂǫ hǫt'e. Eyıt'à naxızhį̀į̀ sìı xàè naxıts'ǫ nıìle.

2 Corınth 13:5

Asį̀į̀ naxıgha ehkw'ı-ahodı k'ę̀ę̀ aahda gha ededaànıahdè. Zezì-Krı naxıdzeè yìı nàdè hǫt'e wek'èahsǫ-le nì? Naxıgha ehkw'ı-ahodı k'ę̀ę̀ aahda-le wek'èahsǫ nı̨dè Zezì naxıdzeè yìı eda-le wek'èahsǫ ha hǫt'e.

2 Corınth 6:16

Nǫ̀htsı̨kǫ̀-gocho eyıts'ǫ nǫ̀htsı̨ hòèlı̨ı̨ wets'ǫ yahtıı-kǫ̀ sìı ełek'ę̀ę̀ agı̨ı̨wǫ nıìle. Goxı̨ sìı Nǫ̀htsı̨ edaa wekǫ̀ lats'ı̨ı̨t'e hǫt'e. Nǫ̀htsı̨ dıı hadı ı̨lè, “Gıdzeè yìı nàhdè ha eyıts'ǫ gıta aht'e ha, Gınǫ̀htsı̨ ehłı̨ ha, eyıts'ǫ sets'ǫ dǫ gı̨ı̨lı̨ ha.”

Galatıa 4:6

Weza ats'ı̨ı̨t'e t'à Nǫ̀htsı̨ Edeza wets'ǫ Įnì Degaı godzeè yìı ayį̀į̀là. Yedàyeh Nezı̨ı̨ ededı̨ sìı godzeè yìı “Abà, Setà,” hadı.

Ephesus 2:22

Naxı̨ sı Zezì-Krı wet'à kǫ̀ ełexè naxıhòèlı̨ı̨ laaht'e, eyıts'ǫ wets'ǫ Įnì Degaı t'à Nǫ̀htsı̨ eyı kǫ̀ yìı nàdè hǫt'e.

Ephesus 3:17

Hanì-ı̨dè naxıgha ehkw'ı-ahodı t'à Zezì-Krı naxıdzeè yìı nàdè welè. Eyıts'ǫ dıı sı gha yahtı: denahk'e ts'ǫ̀ ełeghǫnıahtǫ xè

Colosse 1:27

Eyı dǫ degaı gı̨ı̨lı̨ı̨ sìı dıı nèk'e dǫ hazǫǫ̀ Nǫ̀htsı̨ k'ègeezǫ-le gıta gots'ǫ Nǫ̀htsı̨ gòį̀hchì agı̨ı̨t'e. Weyatıì enıìyah xè deɂı̨į̀ wheɂǫǫ sìı gık'èezǫǫ̀ agǫ̀ǫ̀là. Eyı weyatıì sìı Zezì-Krı naxıdzeè yìı nàdè awèts'edı, eyı wet'à welǫ whìle ts'ǫ̀ enıìyah xè aahda ha.

2 Tımothy 1:14

Nàowo ehkw'ıı netł'aà wheɂǫǫ̀ adlàa sìı hotıì wek'ènedì. Yedàyeh Nezı̨ı̨ godzeè yìı nàdèe sìı wexè wek'ènedì.

1 John 2:27

Naxı̨, Yedàyeh Nezı̨ı̨ naxıghǫ̀t'ǫ ı̨lèe sìı naxıts'ǫ̀-èlı̨ hǫt'e, eyıt'à dǫ wı̨ı̨zìı hoghànaxeehtǫ-le kò. Nǫ̀htsı̨ wets'ǫ Įnì Degaı t'asìı hazǫǫ̀ hoghànaxeehtǫ hǫt'e, eyı Įnì Degaı sìı ehkw'ı gode hǫt'e, hots'ì gode nıìle. Ayìı hoghànaxeehtǫǫ sìı hotıì wek'ę̀ę̀ aahda.

1 John 3:24

Amìı yenàowoò k'èı̨t'ee sìı Nǫ̀htsı̨ xè eda hǫt'e, eyıts'ǫ Nǫ̀htsı̨ yexè eda hǫt'e. Yedàyeh Nezı̨ı̨ goghàı̨ɂǫ t'à goxè eda wek'èts'eezǫ hǫt'e.

1 John 4:4

Sèot'ı̨ı̨, naxı̨ sìı Nǫ̀htsı̨ gots'ǫ aaht'e, eyıt'à ı̨nì nezı̨-le gıghǫahnǫǫ aaht'e, ededı̨ naxıdzeè yìı nàdèe sìı dıı nèk'e ts'ǫ dǫ yìı nàdèe nahk'e elı̨ hǫt'e.

1 John 4:6

Goxı̨ sìı Nǫ̀htsı̨ wets'ǫ ats'ı̨ı̨t'e, eyıt'à dǫ Nǫ̀htsı̨ k'ègeezǫǫ sìı gogeèhkw'ǫ hǫt'e, hanìkò amìı Nǫ̀htsı̨ gots'ǫ agı̨ı̨t'e-le sìı gogeèhkw'ǫ nıìle. Eyı weghàà Įnì ehkw'ı gode gıts'ǫ̀-èlı̨, hanì-le-ı̨dè ı̨nì hots'ì gode gıts'ǫ̀-èlı̨ wek'èts'eezǫ hǫt'e.

1 John 5:7

T'asìı taı xàyagehtı hǫt'e:

John Wenazhıı 2:17

“Amìı wedzıì gǫ̀hłı̨ı̨ sìı Yedàyeh Nezı̨ı̨ Nǫ̀htsı̨ wecheekeè dàgòhdıı sìı gıìkw'o welì. T'aa hołı̨ı̨ ghǫehnèe sìı ‘Manna’ deɂı̨į̀ wheɂǫǫ sìı weghàehdı ha. Eyıts'ǫ kwe degoo k'e wıızì gòò dek'eèhtł'èe sìı weghàehɂà ha. Amìı eyı weghǫ̀t'ǫǫ sìı ededı̨ zǫ yek'èezǫ ha.