John 14:12 - Nǫ̀htsı̨ Nı̨htł'è

¹² Ehkw'ı anaxèehsı̨, dǫ wegha ehkw'ı aehsı̨ı̨ sìı ayìı ghàlaehdaa sìı ededı̨ sı yeghàlaeda ha hǫt'e. Setà ts'ǫ̀ anahde ha t'à eyı dǫ denahk'e enıìyah hohtsı̨ ha.

John 14:12 ပူးပေါင်းရင်းမြစ်များ

Matthew 21:21

Zezì gots'ǫ̀ hadı, “Ehkw'ı anaxèehsı̨, naxıgha ehkw'ı-ahodı xè dìì dahwhǫ-le nı̨dè jìechots'ıì dàhłàa sìı naxı̨ sı haahłe ha dìì nıìle. Eyı wenahk'e hòahtsı̨ ha dìì-le. Dıı shìh ts'ǫ̀ dıı haahdı, ‘Yeè tèe ts'ǫ̀ adı̨ı̨le,’ dahdı nı̨dè wek'ę̀ę̀ agode ha.

Mark 11:13

Ekǫ nıwà-lea jìechots'ıì weɂı̨t'ǫ̀ą wek'e whela yaɂı̨. Jìecho wek'e dehshe sǫnı nıwǫ t'à ekǫ èhtła. Yegà nììtła ekò jìecho wı̨ı̨zìı wek'e wheɂǫ-le, ı̨t'ǫ̀ą zǫ. Įłaà jìecho dehshe ha nèhòwì-le.

Mark 16:17

Eyıts'ǫ dǫ gıgha ehkw'ı-aehsı̨ı̨ sìı enıìyah hogehtsı̨ ha: Sedahxà ı̨nìłı̨ı̨ xàdegeezhı ha; yatı eładı̨ı̨ xàɂaa k'ę̀ę̀ gogede ha;

John 14:28

“Dıı hanaxèehsı̨ ı̨lè, ‘Naxıts'ǫǫ̀ ahde ha hanìkò naxıts'ǫ̀ anahde ha,’ dehsı̨ ı̨lè. Seghǫnıahtǫ nı̨dè Setà ts'ǫ̀ anahde ghǫ naxınà ha hǫt'e, Setà senahk'e elı̨ t'à.

John 16:7

Hanìkò ehkw'ı anaxèehsı̨: Naxıts'ǫǫ̀ naehtła ha nı̨dè naxıgha sìghà agode ha hǫt'e. Naehtła lenǫsıı eyı naxıts'àdıı elı̨ı̨ sìı naxıts'ǫ̀ ade ha-le. Hanìkò naehtła nı̨dè naxıts'ǫ̀ awehłe ha.

John 4:37

Dǫ dıı hagedı ehkw'ı hǫt'e, ‘Dǫ ı̨łè wet'à t'asìı dehshee nèyele, eyıts'ǫ dǫ ı̨łè wets'ǫ t'asìı dıìdìı nàyehtsį̀.’

John 5:20

Gotà Edeza ghǫneètǫ hǫt'e, t'asìı hazǫǫ̀ ghàlaedaa sìı yeghàedaà ayehɂı̨. Hęɂę, eyı wenahk'e t'asìı deè ghàedaà ayele ha, naxıgha enıìyah dìì ha ne.

John 7:33

Zezì dǫ ts'ǫ̀ hadı, “Whaà-lea gots'ǫ̀ zǫ naxıxè whıhda ha hǫt'e, eyı tł'axǫǫ̀-ı̨dè amìı sı̨ı̨hɂàa sìı wets'ǫ̀ anahde ha.

John 7:39

Zezì ayìı ghǫ godee sìı Yedàyeh Nezı̨ı̨ ghǫ godeè-adı. Dǫ hazǫǫ̀ ehkw'ı adı yı̨ı̨hwhǫǫ sìı nǫǫde-ı̨dè Yedàyeh Nezı̨ı̨ gık'e ade ha. Zezì ı̨łaà yak'e ts'ǫ̀ ajà-le t'à Yedàyeh Nezı̨ı̨ dǫ k'e ajà-le.

Zezì Wecheekeèdeè 10:46

Eyıì-le dǫ xàɂaa goyatıì k'ę̀ę̀ xàyagehtı xè Nǫ̀htsı̨ ghàsǫgeedı, gogıìkw'o. Eyıt'à Peter hadı,

Zezì Wecheekeèdeè 16:18

Łǫ dzęę̀ ts'ǫ̀ hadı xè gok'èè k'eda. Nǫǫdea Paul wegha dìì agòjà t'à yets'ǫ̀ naɂa gà ı̨nìłı̨ı̨ ts'ǫ̀ hadı, “Zezì wıızì dahxà t'eekoa weyìı gots'ǫ xàı̨tłe!” yèhdı. Ekòet'ıì ı̨nìłı̨ı̨ wets'ǫǫ̀ ajà.

Zezì Wecheekeèdeè 19:12

Paul k'oòhchìa eyıts'ǫ jǫhtè t'à-at'ı̨ı̨ sìı eyı kò dǫ-eyaelı̨ı̨ ts'ǫ̀ agehɂı̨ nı̨dè k'aàt'ıì aget'į̀ eyıts'ǫ ı̨nìłı̨ı̨ gots'ǫǫ̀ xàgeedè.

Zezì Wecheekeèdeè 2:33

Įdòo Nǫ̀htsı̨ ts'ǫ̀ nıwıìtı̨ eyıts'ǫ yegà nàgòts'ehnèe wheda hǫt'e. Nǫ̀htsı̨-Gotà, Yedàyeh Nezı̨ı̨ ghǫ goı̨dee sìı Zezì ghàyı̨ı̨ɂǫ. Zezì eyı Yedàyeh Nezı̨ı̨ gots'ǫ̀ ayį̀į̀làa sìı dıì weghàahda xè weàhkw'ǫ hǫt'e.

Zezì Wecheekeèdeè 2:41

Dǫ gıgha ehkw'ı-ahodı xè weyatıì gį̀į̀hchìı sìı gık'ètaìdzǫ. Eyı dzęę̀ k'e taı-lemì dǫ haàtłǫǫ goxè aget'ı̨į̀ agejà.

Zezì Wecheekeèdeè 4:16

Dałegeehke, “Dàgets'ele ha?” gedı. “Enıìyah deè hogèhtsı̨ı̨ sìı dǫ hazǫǫ̀ Jerusalem nàgedèe gık'èezǫ. Eyıt'à hagòjà-le gìts'edı ha dìì.

Zezì Wecheekeèdeè 4:33

Zezì wecheekeèdeè enıìyah hogehtsı̨ xè gots'ǫ̀ K'àowo Zezì naìdà wegodıì t'à dǫ xè gogedo, eyıts'ǫ Nǫ̀htsı̨ wesǫnıwǫ deɂǫ̀ǫ̀ gıts'ǫ̀-èlı̨.

Zezì Wecheekeèdeè 4:4

Hanìkò dǫ łǫ godı gıìkw'oo sìı gıgha ehkw'ı-ahodıì agejà. Hazǫǫ̀ t'à dǫzhìı sı̨làı-lemì haàtłǫǫ gıgha ehkw'ı-ahodıì agejà.

Zezì Wecheekeèdeè 5:15

Dǫ eyagı̨ı̨lı̨ı̨ sìı tè k'e tı̨lıbàa nègogį̀ı̨wa. Peter goxaèhtła-ı̨dè edahxǫ weɂı̨zhı̨į̀ gık'e ajà nı̨dè k'aàt'ıì agede ha gı̨ı̨wǫ.

Zezì Wecheekeèdeè 6:7

Eyıt'à dǫ łǫ Nǫ̀htsı̨ yatıì ghǫ gıìkw'o. Kǫ̀ta Jerusalem Nǫ̀htsı̨ wecheekeè łǫ ajà, eyıts'ǫ gıta yahtıı łǫ gıgha ehkw'ı-ahodıì agejà.

Zezì Wecheekeèdeè 8:7

Įnìłı̨ı̨ łǫ yagìzeh xè dǫ yìı gots'ǫ xàgı̨ı̨de, dǫ gıkw'ǫǫ̀ ełaı̨dèe łǫ eyıts'ǫ dǫ k'egedè-le łǫ k'aàt'ıì agǫ̀ǫ̀là.

Zezì Wecheekeèdeè 9:34

Peter yets'ǫ̀ hadı, “Aneyas, Zezì k'aàt'ıì anį̀į̀là. Nıį̀tła eyıts'ǫ netè nıìɂah,” yèhdı. Ekòet'ıì Aneyas nıìtła.

Zezì Wecheekeèdeè 9:40

Peter, eyı kǫ̀ą goyìı dǫ geèhkw'ee sìı hazǫǫ̀ xàgoèhɂà. Peter nàgòı̨hgè gà yaı̨htı. Ts'èko ełaı̨wo ts'ǫ̀ hadı, “Tabıtha, nıį̀tła,” yèhdı. Ts'èko k'eet'į̀ ajà, Peter eɂı̨ ekò daèhte k'e whedaà ajà.

Rome 15:19

Yedàyeh Nezı̨ı̨ wedahxà nàhtsoò asììdlà ts'ıhɂǫ̀ enıìyah łǫ hòwhıhtsı̨ t'à dıı hanì eghàlaıhdà hǫt'e. Eyıt'à kǫ̀ta Jerusalem gots'ǫ nıwàa nèk'e Ilırıcum ts'ǫ̀ Zezì-Krı wegodıì nezı̨ı̨ deghàà dǫ hazǫǫ̀ ts'ǫ̀ wek'ayawhıhtı hǫt'e.