John 14:10 - Nǫ̀htsı̨ Nı̨htł'è

¹⁰ Setà xè ı̨łè zǫ aht'e, eyıts'ǫ Setà sexè ı̨łè zǫ hǫt'e, eyı naxıgha ehkw'ı-ahodı-le nì? Yatı t'à naxıts'ǫ̀ gohdee sìı xàè seyatıì zǫ nıìle. Setà sedzeè yìı nàdèe sìı ededı̨ edılaà ghàlaeda hǫt'e.

John 14:10 ပူးပေါင်းရင်းမြစ်များ

John 10:30

Sı̨ eyıts'ǫ Setà sı ı̨łè zǫ lawììt'e,” Zezì gòhdı.

John 10:38

Hanìkò Setà xèht'eè eghàlaehda nı̨dè, naxıgha ehkw'ı aehsı̨-le kò enıìyah ghàlaehdaa sìı eyı weghàà naxıgha ehkw'ı-ahodı welè. Hanì-ı̨dè, Setà sexè at'ı̨ eyıts'ǫ sı̨ Setà xè aht'ı̨ı̨ sìı, eyı wek'èahsǫ xè wenıahdì ha,” Zezì gòhdı.

John 11:26

Eyıts'ǫ amìı ı̨łaà eda xè ehkw'ı adı sı̨ı̨hwhǫǫ sìı ełaàwı hǫı̨lı̨ ha-le. Eyı asį̀į̀ negha ehkw'ı-ahodı?” Zezì yèhdı.

John 12:49

Sı̨ ededahxà gohde nıìle, Setà sı̨ı̨hɂàa sìı ayìı dàehsı̨ ha sìı sets'ǫ̀ hadı, eyıts'ǫ dànì gohde ha sìı sets'ǫ̀ hadı.

John 14:11

Setà xè ı̨łè zǫ aht'e eyıts'ǫ Setà sexè ı̨łè zǫ hǫt'e dehsı̨ nı̨dè ehkw'ı aehsı̨ seahwhǫ. Naxıgha ehkw'ı-ahodı-le nı̨dè enıìyah hòwhıhtsı̨ı̨ sìı eyı weghàà naxıgha ehkw'ı-ahodı welè.

John 14:20

Eyı dzęę̀ k'e nı̨dè sı̨ Setà wexè ı̨łè zǫ aht'e wek'èahsǫ ha; naxı̨ sexè ı̨łè zǫ aaht'e eyıts'ǫ sı̨ naxıxè ı̨łè zǫ aht'e wek'èahsǫ ha.

John 14:24

Dǫ seghǫneètǫ-le sìı seyatıì k'èı̨t'e ha nıìle. Dıı yatı aàhkw'ǫǫ sìı xàè seyatıì nıìle. Setà weyatıì hǫt'e, ededı̨ jǫ ts'ǫ̀ sı̨ı̨hɂà hǫt'e.

John 17:8

Yatı seghàneeɂǫǫ sìı gıghàehɂǫ xè gıgha ehkw'ı-ahodı. Nets'ǫ aht'ı̨ hotıì sek'ègeezǫ, eyıts'ǫ nı̨ seneehɂàa sìı gıgha ehkw'ı-ahodı.

John 5:17

“Nǫ̀htsı̨ Dzęę̀ k'e kò Setà t'aats'ǫǫ̀ edılaà ghàlaeda hǫt'e t'à, sı̨ sı t'aats'ǫǫ̀ eghàlaehda hǫt'e,” Zezì gòhdı.

John 5:19

Zezì gots'ǫ̀ hadı, “Ehkw'ı anaxèehsı̨, Weza sìı ededahxà t'asìı ghàlaeda nıìle. Wetà ayìı ghàlaedaa yeghàedaa sìı eyı zǫ yeghàlaeda hǫt'e. Wetà dànì eghàlaedaa sìı Weza yexèht'eè eghàlaeda hǫt'e.

John 7:16

Zezì gots'ǫ̀ hadı, “Sı̨ sedahxà dǫ hoghàehtǫ nıìle. Amìı sı̨ı̨hɂàa sìı wedahxà dǫ hoghàehtǫ hǫt'e.

John 8:28

Eyıt'à Zezì gots'ǫ̀ hadı, “Dǫ-wet'àaɂàa-deè ı̨dòo dexewıìtsò awèahłà nı̨dè, amìı aht'e naxèehsı̨ı̨ sìı k'ǫǫ̀t'a wek'èahsǫ ha. Sı̨ sedahxà t'asìı ghàlaehda nıìle, Setà ayìı hoghàseèhtǫǫ sìı eyı zǫ t'à gohde hǫt'e.

John 8:38

Setà wegà whıhda ekò ayìı ghàıhdàa sìı naxıts'ǫ̀ haehsı̨ hǫt'e, hanìkò naxı̨ naxıtà dànaxèhdıı sìı wek'ę̀ę̀ eghàlaahda hǫt'e,” Zezì gòhdı.

John 8:40

Hanìkò Nǫ̀htsı̨ dàsèhdıı sìı eyı naxıts'ǫ̀ ehkw'ı xàyaehtı t'à ełaàsèahwhı ha dahwhǫ. Abraham hanì eghàlaı̨dà whìle.

2 Corınth 5:19

Nǫ̀htsı̨ sìı Zezì-Krı wet'ǫ̀ǫ̀ dıı nèk'e dǫ edexè ts'èwhı̨į̀ geedaà agǫ̀ǫ̀là, eyıt'à gıhołı̨į̀ k'èxa gosınìyaehtı nıìle. Nǫ̀htsı̨ dànì dǫ edexè ts'èwhı̨į̀ geedaà agohɂı̨ı̨ sìı weghǫ dǫ ts'ǫ̀ hats'edı ha goghàhòı̨ɂǫ hǫt'e.

Colosse 1:19

Nǫ̀htsı̨-Gotà Edeza ghǫ sǫnıwǫ t'à, t'asìı hazǫǫ̀ t'à wehòhɂǫǫ sìı hazǫǫ̀ Edeza ghàyı̨ı̨la.

Colosse 2:9

Nǫ̀htsı̨-Gotà t'asìı hazǫǫ̀ t'à wehòhɂǫǫ sìı Zezì-Krı wezhį̀į̀ sı yìı wehòhɂǫǫ hǫt'e,

1 John 5:7

T'asìı taı xàyagehtı hǫt'e: