John 13:9 - Nǫ̀htsı̨ Nı̨htł'è

⁹ Eyıt'à Sımon-Peter hadı, “Hanì-ı̨dè sekè zǫ anele-le, sılà eyıts'ǫ sekwì sı anele,” yèhdı.

John 13:9 ပူးပေါင်းရင်းမြစ်များ

Matthew 27:24

Dǫ hazǫǫ̀ hòtł'ò nàdahogehdè t'à k'àowo Pılate goghǫdaehnè ha dìì yek'èhoèhzà. Eyıt'à tı ìhchì gà dǫ hazǫǫ̀ gonadąą̀ edılà k'enaı̨htso, hadı, “Dıı dǫ wedoò nałaètł'ìı sìı sı̨ set'à nıìle. Naxı̨ naxıts'ǫ̀ hoèlı̨ hǫt'e!” gòhdı.

John 13:10

Zezì hadı, “Dǫ wek'enaatsoo sìı tsǫ̀ wı̨ı̨zìı wek'e wheɂǫ nıìle, edekè zǫ k'enaı̨htso nı̨dè hòt'a. Naxı̨ sìı naxık'enaatso hǫt'e, hanìkò dǫ ı̨łè naxıta whedaa sìı hanì-le,” Zezì gòhdı.

John 13:8

“Į̀le! Nı̨ sekè k'enaı̨htse ha nıìle,” Peter yèhdı. Zezì hayèhdı, “Nekè k'enaıhtse lenǫsıı sexè anet'ı̨ ha dìì,” yèhdı.

Hebrew 10:22

hotıì gogha ehkw'ı-ahodı eyıts'ǫ godzeè ehkw'ıı xè Nǫ̀htsı̨ ts'ǫ̀ ats'ııde. Wedoò godzeè k'e adlà t'à k'achı̨ hołı̨ı̨ edek'e nìdahots'eeɂà ha-le, eyıts'ǫ yak'e gots'ǫ tı t'à gok'enaatso hǫt'e.

1 Peter 3:21

Eyı tı sìı wet'à naxık'ètaìdzǫ lanì hǫt'e, wet'à edaxàwhahde ne t'à. Naxızhį̀į̀ k'e tsǫ̀ whìle adle gha naxık'ètaìdzǫ nıìle, hanìkò wet'à Nǫ̀htsı̨ ts'ǫ̀ sıì naxınì ehkw'ıì ade gha naxık'ètaìdzǫ hǫt'e. Zezì-Krı k'achı̨ naìdà eyıts'ǫ naxık'ètaìdzǫ t'à edaxàwhahde hǫt'e.