John 13:8 - Nǫ̀htsı̨ Nı̨htł'è

⁸ “Į̀le! Nı̨ sekè k'enaı̨htse ha nıìle,” Peter yèhdı. Zezì hayèhdı, “Nekè k'enaıhtse lenǫsıı sexè anet'ı̨ ha dìì,” yèhdı.

John 13:8 ပူးပေါင်းရင်းမြစ်များ

Dànì Kèhoį̀wo 42:38

Hanìkò Jacob hadı, “Seza nǫǫdea Egypt nèk'e ts'ǫ̀ naxıxè ade ha-le. Wı̨ı̨de ełaı̨wo ne xè ededı̨ zǫ sexè eda hǫt'e. Ekǫ naahdè t'à t'asajà nı̨dè sekwìghàagaà xè sekw'ǫǫ̀ nìtį̀ gots'ǫ̀ sedzeè nànııtì aseahłe ha hǫt'e,” yèhdı.

Matthew 16:22

Zezì hadıì goı̨de t'à, Peter whatsǫǫ̀ yets'ǫ̀ goı̨de, hayèhdı, “Į̀le, sets'ǫ̀ K'àowo, nexè hagode ha nıìle!” yèhdı.

Matthew 21:29

“Weza yets'ǫ̀ hadı, ‘Į̀le, hahłe ha-le,’ yèhdı. Eyı tł'axǫǫ̀ edek'eelı̨ xè wınì eładı̨į̀ ajà t'à eyı la ghàlaı̨dà.

Matthew 26:33

Peter yets'ǫ̀ hadı, “Dǫ hazǫǫ̀ nets'ǫǫ̀ nageèhde kò sı̨ nek'èè k'ehda ghǫ naht'è ha nıìle,” yèhdı.

Matthew 26:35

Hanìkò Peter yets'ǫ̀ hadı, “Nexè ełaehwhı ha nǫǫ̀ kò, nek'èehsǫ-le dehsı̨ ha nıìle,” yèhdı. Wecheekeè hazǫǫ̀, ededı̨ sı, hagedı.

John 13:6

Sımon-Peter gà nììtła là Sımon-Peter yets'ǫ̀ hadı, “Sets'ǫ̀ K'àowo ayìıha sekè k'enaı̨htse ha anet'ı̨?” yèhdı.

John 13:9

Eyıt'à Sımon-Peter hadı, “Hanì-ı̨dè sekè zǫ anele-le, sılà eyıts'ǫ sekwì sı anele,” yèhdı.

John 3:5

Zezì yets'ǫ̀ hadı, “Ehkw'ı anèehsı̨, dǫ tı t'à eyıts'ǫ Yedàyeh Nezı̨ı̨ t'à wegǫ̀hłı̨ lenǫsıı Nǫ̀htsı̨ Wenàowoò k'ę̀ę̀ hòɂǫǫ sìı goyaetła ha nıìle.

Zezì Wecheekeèdeè 22:16

Hot'eè ayìı k'enaąɂı̨, nıį̀tła! Gots'ǫ̀ K'àowo wıızì t'à nek'ètaìdzı̨ ha eyıts'ǫ nehołı̨į̀ neghǫ nahoezhe ha,’ sèhdı.

1 Corınth 6:11

Įnę̀ę naxı̨ mǫ̀hdaa hanıı dǫ yàahłı̨ ı̨lè. Hanìkò Zezì-Krı wedahxà eyıts'ǫ Nǫ̀htsı̨ wets'ǫ Įnì Degaı t'à naxıhołı̨į̀ k'enaatso, degaı anaxììdlà, eyıts'ǫ ehkw'ı anaxììdlà ı̨lè.

Ephesus 5:26

Hanì-ı̨dè edecheekeè degaı lanì Nǫ̀htsı̨ ghàgole ha nıwǫ. Wegodıì nezı̨ı̨ t'à degaı agole ha eyıts'ǫ tı t'à gok'enaehtse ha.

Colosse 2:18

Dǫ k'èeweèt'ı̨ edegeetsı̨ eyıts'ǫ yak'eet'ı̨į̀ ts'ǫ̀ yagehtıı sìı Nǫ̀htsı̨ t'asìı nezı̨ı̨ naxıghàɂà ch'à anaxegııle sǫ̀ǫ̀. Eyı dǫ hanıı sìı gınazhıı xègoèht'į̀ ghǫ naxıts'ǫ̀ gogede ghageewı, hanìkò Nǫ̀htsı̨ ts'ǫ̀ gınì nàtso-le t'à dǫ nahk'e ts'ı̨ı̨lı̨ gı̨ı̨wǫ xè xàdahogedì.

Colosse 2:23

Eyı nàowo sìı wet'àaɂà lanì xè wet'à gots'ı̨ı̨zǫ gògaat'ı̨. Wet'à dǫ gınàowoò k'ę̀ę̀ Nǫ̀htsı̨ gha ts'eedaa hoghàgoetǫ. Wet'à xàhots'edì-le gògaat'ı̨ eyıts'ǫ wet'à gozhį̀į̀ daı̨ɂaà adets'į̀į̀hwhǫ. Hanìkò eyı nàowo wet'à hołı̨ı̨ k'ę̀ę̀ eghàlats'eeda-le adets'ele ha dìì hǫt'e, eyıt'à wet'àaɂà-le hǫt'e.

Tıtus 3:5

edaxàgoı̨la. Ehkw'ı eghàlats'ı̨ı̨dà t'à agǫ̀ǫ̀là nıìle, hanìkò wedzeè eteèɂı̨ t'à agǫ̀ǫ̀là. Dıı hanì edaxàgoı̨la hǫt'e: Gohołı̨į̀ k'enaı̨htso xè dǫ eładı̨ı̨ ts'ı̨ı̨lı̨į̀ agǫ̀ǫ̀là eyıts'ǫ Yedàyeh Nezı̨ı̨ wet'ǫ̀ǫ̀ dǫ gòò gòèhtsı̨.

Hebrew 10:22

hotıì gogha ehkw'ı-ahodı eyıts'ǫ godzeè ehkw'ıı xè Nǫ̀htsı̨ ts'ǫ̀ ats'ııde. Wedoò godzeè k'e adlà t'à k'achı̨ hołı̨ı̨ edek'e nìdahots'eeɂà ha-le, eyıts'ǫ yak'e gots'ǫ tı t'à gok'enaatso hǫt'e.

John Wenazhıı 1:5

Eyıts'ǫ Zezì-Krı naxıxè sǫnıwǫ welè eyıts'ǫ naxıxè sìghà hòɂǫ welè. Ededı̨ sìı t'aats'ǫǫ̀ ehkw'ı gode hǫt'e. Ededı̨ t'akwełǫ̀ǫ̀ naìdàa elı̨ eyıts'ǫ dıı nèk'e k'àowocho hazǫǫ̀ gogha k'àowodeè elı̨ hǫt'e. Goghǫneètǫ ts'ıhɂǫ̀ wedoò xàı̨tł'ı t'à gohołı̨į̀ goghǫ nahoazhaà ayį̀į̀là hǫt'e.

John Wenazhıı 7:14

Eyıt'à wets'ǫ̀ haehsı̨, “K'àowo, nı̨ wek'èı̨zǫ hǫt'e.” Sets'ǫ̀ hadı, “Eyı agı̨ı̨t'ee sìı hòtł'ò dagı̨ı̨ɂà hǫt'e. Sahzǫ̀ą wedoò t'à edeɂeè k'enagı̨ı̨htso t'à gıɂeè degoò agį̀į̀là hǫt'e.