John 13:31 - Nǫ̀htsı̨ Nı̨htł'è

³¹ Zhıdàà xàèhtła tł'axǫǫ̀, Zezì hadı, “Dıì hòt'a Dǫ-wet'àaɂàa-deè weghàsǫhoedıì awedle ha, wets'ıhɂǫ̀ Nǫ̀htsı̨ sı weghàsǫhoedı ha.

John 13:31 ပူးပေါင်းရင်းမြစ်များ

Matthew 8:20

Zezì yets'ǫ̀ hadı, “Nǫgèe gıɂǫ gǫ̀hłı̨ eyıts'ǫ chı̨ą sı gıt'oh gǫ̀hłı̨, hanìkò Dǫ-wet'àaɂàa-deè edı̨į̀ kwìhɂǫ ha gǫ̀hłı̨-le,” yèhdı.

Luke 12:50

Hanìkò hoìla setehoewı ha hǫt'e. Eyı wetehoewı gots'ǫ̀ sıì segha dìì.

John 11:4

Zezì yeghǫ ıìkw'o ekò hadı, “Eyı tàda t'à ełaàwı ha nıìle, hanìkò eyı ts'ıhɂǫ̀ Nǫ̀htsı̨ weghàsǫhoedı ha eyıts'ǫ Nǫ̀htsı̨ Weza sı weghàsǫhoedı ha hǫt'e,” gòhdı.

John 12:23

Zezì hagòhdı, “Hòt'a Dǫ-wet'àaɂàa-deè wexè enıìyah nàhòwo ha nìkw'o.

John 12:28

Setà, nıızì weghàsǫhoedı anele!” Hadı tł'axǫǫ̀ yak'e gots'ǫ dıı hats'edıì hǫt'e, “Sıızì hòt'a weghàsǫhoedı ahłà, eyıts'ǫ k'achı̨ hanahłe ha,” wets'ǫ̀ hats'edıì hǫt'e.

John 14:13

Eyıts'ǫ sıızì t'à t'asìı seahkè nı̨dè naxıgha hahłe ha, hanì-ı̨dè Nǫ̀htsı̨ Weza Edetà ghàsǫhoedıì ayele ha.

John 16:14

Yedàyeh Nezı̨ı̨ ayìı sets'ǫ ne sìı yìhchı gà wek'èahsǫ anaxele ha. Eyı wet'à seghàsǫhoedıì ayele ha.

John 7:39

Zezì ayìı ghǫ godee sìı Yedàyeh Nezı̨ı̨ ghǫ godeè-adı. Dǫ hazǫǫ̀ ehkw'ı adı yı̨ı̨hwhǫǫ sìı nǫǫde-ı̨dè Yedàyeh Nezı̨ı̨ gık'e ade ha. Zezì ı̨łaà yak'e ts'ǫ̀ ajà-le t'à Yedàyeh Nezı̨ı̨ dǫ k'e ajà-le.

Zezì Wecheekeèdeè 2:36

“Eyıt'à Israel got'ı̨į̀ hazǫǫ̀ Nǫ̀htsı̨ dànì gogha eghàlaı̨dàa sìı hotıì gık'èezǫ ha: Eyı Zezì dechı̨et'aa k'e wedeàhtsòo sìı Nǫ̀htsı̨ gogha K'àowo yèhtsı̨ eyıts'ǫ Chrıst sı yèhtsı̨,” Peter hadıì dǫ ts'ǫ̀ goı̨de.

Zezì Wecheekeèdeè 3:13

Gocho Abraham, Isaac, Jacob eyıts'ǫ gocho hazǫǫ̀ Gınǫ̀htsı̨ sìı, edecheekeè Zezì weghàsǫhoedıì ayį̀į̀là. Ełaàwı ha dǫ tł'aàwèahtı̨ ı̨lè, eyıts'ǫ k'àowo Pılate naxıts'ǫ̀ xàetłaà ayele ha nıwǫ kò naxı̨ weahwhǫ-le ı̨lè.

2 Corınth 3:18

Goxı̨ sìı goınì k'e ɂehtł'ı̨ whehchìı nıìle, gots'ǫ̀ K'àowo dànì enıìyah elı̨ı̨ sìı gok'e saı̨dı̨ hǫt'e. Gots'ǫ̀ K'àowo, Įnì Degaı elı̨ı̨ sìı godzeè yìı eładı̨į̀ agohɂį̀, eyıt'à denahk'e wexèht'eè ats'et'į̀ agohɂı̨.

Ephesus 1:12

Hanì-ı̨dè goxı̨ t'akwełǫ̀ǫ̀ Zezì-Krı gogha ehkw'ı-ahodıı sìı enıìyah wexè hòɂǫ t'à weghàsǫts'eedı welì.

Ephesus 2:7

Hanì-ı̨dè ı̨daà hòɂǫ nı̨dè, Nǫ̀htsı̨ enıìyah t'à wesǫnıwǫǫ sìı gots'ǫ̀ wègaat'ı̨į̀ ayele ha. Zezì-Krı xè dànì eghàlaı̨dà, eyı weghàà gots'ǫ̀ wedzeè nezı̨ı̨ wek'èts'eezǫǫ̀ agǫ̀ǫ̀là.

Ephesus 3:10

Nǫ̀htsı̨ hanì eghàlaı̨dà hǫt'e. Dànì deɂǫ̀ǫ̀ gǫǫzǫǫ sìı yat'a ı̨nì k'aodèe hazǫǫ̀ gık'èezǫ ha nıwǫ t'à, edecheekeè got'à hanì eghàlaı̨dà hǫt'e.

Phılıppı 2:11

Eyıts'ǫ hazǫǫ̀ edewà t'à dıı hagedı ha, “Zezì-Krı gots'ǫ̀ K'àowo hǫt'e.” Hagedıì Nǫ̀htsı̨-Gotà ghàsǫgeedı ha.

1 Peter 1:21

Wets'ıhɂǫ̀ Nǫ̀htsı̨-Gotà naxıgha ehkw'ı-ahodı eyıts'ǫ edaxànaxeehtè gha naxınì nàtso. Nǫ̀htsı̨-Gotà ededı̨ sìı Zezì-Krı k'achı̨ naìdà ayį̀į̀là hǫt'e eyıts'ǫ wexè enıìyah hòɂǫǫ̀ ayį̀į̀là.

1 Peter 2:12

Dǫ Nǫ̀htsı̨ k'ègeezǫ-le sìı gıta t'aats'ǫǫ̀ ehkw'ı aahda. Hanì aahda nı̨dè ekǫ-le eghàlaahda naxık'e nìdahogeeɂà kò, t'asìı nezı̨ı̨ haahłàa sìı gıghàeda ha hǫt'e, hanì-ı̨dè Nǫ̀htsı̨ gots'ǫ̀ adee dzęę̀ k'e nı̨dè gıghàsǫedı ha hǫt'e.

1 Peter 4:11

Dǫ gode nı̨dè, xàè Nǫ̀htsı̨ weyatıì t'à gode ha hǫt'e. Amìı dǫ ts'àdıı sìı Nǫ̀htsı̨ ayìı t'à nàtsoò ayı̨į̀làa sìı t'à-at'ı̨ ha hǫt'e. Hanì-ı̨dè Zezì-Krı wets'ıhɂǫ̀ Nǫ̀htsı̨ weghàsǫhoedı ha. Enıìyah t'à welǫ whìle ts'ǫ̀ K'àowocho elı̨ welè. Amen.