John 13:27 - Nǫ̀htsı̨ Nı̨htł'è

²⁷ Zhıdàà łèt'è nıìchì ts'ǫ̀et'ıì wehłı̨ı̨ yets'ǫ̀ ajà. Zezì hayèhdı, “Ayìı dàąle ha sìı ı̨whąą̀ haąle,” yèhdı.

John 13:27 ပူးပေါင်းရင်းမြစ်များ

Matthew 12:45

Eyıt'à k'achı̨ xàèhtła. Įnìłı̨ı̨ łǫ̀hdı̨ yenahk'e sıì gıjıı sìı edexè goyagoèwa gà, dǫ yìı nàgedè. Nǫǫde ts'ǫ̀ eyı dǫ t'akwe nahk'e deɂǫ̀ǫ̀ wexè gots'eèdıì agòjà. Dıı dǫ xàgeèɂaa sìı hanì gıxè hòɂǫ ha hǫt'e,” Zezì gòhdı.

Matthew 4:10

Zezì yets'ǫ̀ hadı, “Wehłı̨ı̨, sets'ǫǫ̀ naı̨tłe! Dıı hanì dek'eèhtł'è hǫt'e: ‘Nǫ̀htsı̨ naxıts'ǫ̀ K'àowo sìı ededı̨ zǫ wets'ǫ̀ nàgòahgè ha hǫt'e, eyıts'ǫ ededı̨ zǫ wek'èaht'e ha hǫt'e,’ dek'eèhtł'è,” yèhdı.

Mark 6:25

Ekòet'ıì t'eekoa k'àowocho Herod ts'ǫ̀ naèhtła gà yets'ǫ̀ hadı, “Dıì-t'ıì John-Baptıst wekwì kw'à k'e wheɂǫǫ seghàı̨hge,” yèhdı.

Luke 22:3

Ekò k'e wehłı̨ı̨ Zhıdàà ts'ǫ̀ ajà. (Zhıdàà, Iscarıyot sı wìyeh.) Ededı̨ sìı Zezì wecheekeè hoònǫ-daats'ǫ̀-nàke gı̨ı̨lı̨ı̨ ts'ǫ ı̨łè hǫt'e.

John 13:2

Xèhts'ǫ̀ shègezhe ha kw'à nègı̨ı̨la. Ekìıyeè k'e wehłı̨ı̨, Sımon weza Zhıdàà-Iscarıyot, Zezì k'èch'a nànıwoò ayį̀į̀là ı̨lè, eyıt'à Zezì, k'aodèe gotł'aàyehtè ha nıwǫ.

John 13:28

Hanìkò dǫ eyı shègezhee sìı dànìghǫ Zezì Zhıdàà ts'ǫ̀ hadıı sìı gınıedì-le.

John 6:70

Zezì edecheekeè ts'ǫ̀ hadı, “Naxı̨ hazǫǫ̀ hoònǫ-daats'ǫ̀-nàke aaht'ee sìı naxìhchì t'ıį̀t'e. Hanìkò naxıta ts'ǫ ı̨łè sìı wehłı̨ı̨ hǫt'e,” gòhdı.

Zezì Wecheekeèdeè 5:3

Eyıt'à Peter eyı dǫ ts'ǫ̀ hadı, “Ananıas, dànìghǫ wehłı̨ı̨ nedzeè nezı̨-le ayį̀į̀là t'à Yedàyeh Nezı̨ı̨ ghǫyanèɂǫ? Dànìghǫ dèè neghǫ nàèdìı sìı wesǫǫ̀mbaà mǫ̀hdaa edegha wek'èı̨dì?