John 13:23 - Nǫ̀htsı̨ Nı̨htł'è

²³ Wecheekeè ı̨łè, Zezì yeghǫneètǫǫ sìı yegà ladà k'e shètı̨.

John 13:23 ပူးပေါင်းရင်းမြစ်များ

Luke 16:22

“Įłè dzęę̀ eyı dǫ eteèt'ı̨ı̨ ełaı̨wo, yak'eet'ı̨į̀ nıgı̨į̀htı̨ gà Abraham ts'ǫ̀ nègı̨ı̨htı̨. Dǫ ahxee ededı̨ sı ełaı̨wo t'à wekw'ǫǫ̀ nègı̨į̀tǫ.

John 1:18

Dǫ wı̨ı̨zìı Nǫ̀htsı̨ aɂı̨ whìle. Nǫ̀htsı̨ ededı̨ ı̨łàet'ee zǫ Nǫ̀htsı̨-Gotà gà whedaa sìı, Nǫ̀htsı̨ k'èts'eezǫǫ̀ agǫ̀ǫ̀là.

John 11:3

Eyıt'à weba Zezì danatıgı̨ı̨ɂǫ, “K'àowo, neàgı̨ą weghǫneę̀tǫǫ sìı eyaelı̨,” gıìhdı.

John 11:36

Eyıt'à dǫ hagedı, “Sıì yeghǫneètǫ ı̨lè nǫǫ̀,” gedı.

John 11:5

Zezì Martha, Mary eyıts'ǫ Lazarus goghǫneètǫ hǫt'e.

John 13:24

Sımon-Peter eyı wecheekeè ts'ǫ̀ nàɂeetsį̀, hayèhdı, “Amìı ayèhdıı sìı dawı̨ı̨hke,” yèhdı.

John 13:25

Eyı wecheekeè sìı Zezì gà nìdaı̨hgè, “Sets'ǫ̀ K'àowo, amìı awį̀ı̨dı?” yèhdı.

John 19:26

Zezì edemǫ ghàı̨dà eyıts'ǫ wecheekeè ı̨łè yeghǫneètǫǫ sìı eyı sı ghàı̨dà ekò, Zezì edemǫ ts'ǫ̀ hadı, “Ts'èko, dıı neza welè,” yèhdı.

John 20:2

Eyıt'à Sımon-Peter eyıts'ǫ Zezì wecheekeè ı̨łè yeghǫneètǫǫ sìı ts'ǫ̀ natı̨mǫèhza, hagòhdı, “Gots'ǫ̀ K'àowo dǫkw'ǫǫ̀ k'è gots'ǫ xàgı̨ı̨htı̨. Edı̨į̀ nègı̨ı̨htı̨ı̨ sìı wek'èts'eezǫ-le,” gòhdı.

John 21:20

Peter ets'aèhtła ekò k'eet'į̀, wecheekeè ı̨łè Zezì yeghǫneètǫǫ sìı gok'èè naetłe yaɂı̨. (Eyı wecheekeè sìı nǫǫde ełexè shègıazhe ekò Zezì k'e dètsǫhtı̨ı̨ sìı hayèhdı ı̨lè, “K'àowo, amìı k'aodèe tł'aànehtè ha?” yèhdı ı̨lè.)

John 21:24

Eyı wecheekeè sìı eyı hazǫǫ̀ hagòjàa sìı yeghǫ goı̨de hǫt'e, eyıts'ǫ dek'enèyı̨ı̨tł'è hǫt'e. Yeghǫ ehkw'ı goı̨de wek'èts'eezǫ hǫt'e.

John 21:7

Wecheekeè ı̨łè Zezì yeghǫneètǫǫ sìı Peter ts'ǫ̀ hadı, “Gots'ǫ̀ K'àowo at'ı̨,” yèhdı. Peter ıìkw'o ts'ǫ̀et'ıì edeɂeè nedèe yìı naetła (yeyìı xàetła t'à) eyıts'ǫ Zezì ts'ǫ̀ tèèhko.