John 13:20 - Nǫ̀htsı̨ Nı̨htł'è

²⁰ Ehkw'ı anaxèehsı̨, amìı wehɂaa sìı dǫ yets'ǫ̀ nezı̨į̀ anıwǫ nı̨dè sı̨ sets'ǫ̀ nezı̨į̀ anıwǫ hǫt'e. Eyıts'ǫ dǫ sets'ǫ̀ nezı̨į̀ anıwǫ nı̨dè amìı sı̨ı̨hɂàa sìı ts'ǫ̀ nezı̨į̀ anıwǫ hǫt'e,” gòhdı.

John 13:20 ပူးပေါင်းရင်းမြစ်များ

Matthew 25:40

“K'àowocho hagòhdı ha, ‘Ehkw'ı anaxèehsı̨, sechı dek'aɂį̀ elı̨ı̨ sìı wegha ayìı dàahłàa sìı sı̨ segha haahłà hǫt'e,’ gòhdı ha.

Mark 9:37

“Amìı sıızì dahxà dıı chekoa nechà-lea lanıı ts'ǫ̀ nezı̨į̀ anıwǫǫ sìı sı̨ sets'ǫ̀ nezı̨į̀ anıwǫ hǫt'e. Eyıts'ǫ amìı sets'ǫ̀ nezı̨į̀ anıwǫǫ sìı sı̨ zǫ sets'ǫ̀ nezı̨į̀ anıwǫ nıìle, amìı jǫ ts'ǫ̀ sı̨ı̨hɂàa sìı eyı sı ts'ǫ̀ nezı̨į̀ anıwǫ hǫt'e,” gòhdı.

Luke 10:16

“Amìı naxeèhkw'oo sìı seèhkw'ǫ hǫt'e; amìı naxıdę nıwǫǫ sìı sedę asehɂı̨ hǫt'e, eyıts'ǫ amìı sedę nıwǫ nı̨dè t'aa sı̨ı̨hɂàa sìı wedę ayehɂı̨ hǫt'e,” Zezì hadı.

Luke 9:48

gots'ǫ̀ hadı, “Amìı sıızì dahxà dıı chekoa nechà-lea ts'ǫ̀ nezı̨į̀ anıwǫǫ sìı sı̨ sets'ǫ̀ nezı̨į̀ anıwǫ hǫt'e. Eyıts'ǫ amìı sets'ǫ̀ nezı̨į̀ anıwǫǫ sìı amìı jǫ sı̨ı̨hɂàa sìı eyı sı ts'ǫ̀ nezı̨į̀ anıwǫ hǫt'e. Naxını amìı dek'aɂį̀ elı̨ı̨ sìı denahk'e elı̨ hǫt'e,” gòhdı.

Galatıa 4:14

Eyaehłı̨ t'à naxıgha dìì ı̨lè hanìkò dǫ wet'àaɂà-le seahwhǫ-le ı̨lè, hojıı sets'ǫ̀ k'ehoahɂa-le ı̨lè. Į̀le, Nǫ̀htsı̨ weyak'eet'ı̨į̀ aht'e lanì sets'ǫ̀ naahɂa ı̨lè, Zezì-Krı ededı̨ at'ı̨ lanì sets'ǫ̀ nezı̨į̀ k'ehoahɂa ı̨lè.

Colosse 2:6

Eyıt'à, Zezì-Krı naxıts'ǫ̀ K'àowo elı̨ı̨ aahłà k'ę̀ę̀ t'aats'ǫǫ̀ wexè aahda.

1 Thessalonıca 4:8

Eyıt'à dıı yatı naxıghàts'ı̨ı̨ɂǫǫ sìı amìı wegha wedę sìı goxı̨ zǫ gok'èı̨t'e-le nıìle, hanìkò Nǫ̀htsı̨ k'èı̨t'e-le hǫt'e. Hanıı dǫ sìı Nǫ̀htsı̨ edets'ǫ Įnì Degaı goghàı̨ɂǫǫ sìı wegha wedę hǫt'e.