John 13:10 - Nǫ̀htsı̨ Nı̨htł'è

¹⁰ Zezì hadı, “Dǫ wek'enaatsoo sìı tsǫ̀ wı̨ı̨zìı wek'e wheɂǫ nıìle, edekè zǫ k'enaı̨htso nı̨dè hòt'a. Naxı̨ sìı naxık'enaatso hǫt'e, hanìkò dǫ ı̨łè naxıta whedaa sìı hanì-le,” Zezì gòhdı.

John 13:10 ပူးပေါင်းရင်းမြစ်များ

Matthew 6:12

Dǫ gok'èch'a nàhogehdèe sìı gıhołı̨į̀ gıghǫ nahots'eele, eyı xèht'eè gohołı̨į̀ goghǫ nahoı̨le.

John 13:18

Zezì hadı, “Amìı wììhchìı sìı gık'èehsǫ hǫt'e, hanìkò hazǫǫ̀ anaxèehsı̨ nıìle. Dıı hanì dek'eèhtł'èe sìı wek'ę̀ę̀ agode ha: ‘Dǫ sexè shètı̨ı̨ sìı sek'èch'a eghàlaeda ha nìkw'o,’ dek'eèhtł'è.

John 13:9

Eyıt'à Sımon-Peter hadı, “Hanì-ı̨dè sekè zǫ anele-le, sılà eyıts'ǫ sekwì sı anele,” yèhdı.

John 15:3

Yatı naxıghàehɂǫ t'à hòt'a degaı anaxììdlà.

2 Corınth 5:17

Eyıt'à dǫ Zezì-Krı xè edaa sìı dǫgòò ìhłè hǫt'e. Wenàowoò zǫą sìı wedę adlà, wenàowogòò wetł'axǫǫ̀ ajà.

2 Corınth 5:21

Zezì wehołı̨į̀ whìle sìı Nǫ̀htsı̨ gogha hołı̨ı̨ wek'e whelaà ayį̀į̀là, hanì-ı̨dè Zezì wet'ǫ̀ǫ̀ Nǫ̀htsı̨ ehkw'ı ts'eedaà agole ha.

2 Corınth 7:1

Seàgı̨ą, Nǫ̀htsı̨ hanì goxè yatı whehtsı̨ t'à, t'asìı hazǫǫ̀ hołı̨ı̨ ne sìı wedę ats'ııle. Gozhį̀į̀ eyıts'ǫ goınì t'à hołı̨ı̨ hots'ehtsı̨ı̨ sìı k'alats'ııdè-le. Nǫ̀htsı̨ gots'ǫ̀ wek'èch'a sǫ̀ǫ̀ ts'ı̨ı̨wǫ t'à hotıì degaı k'ę̀ę̀ ts'ııdà.

1 Thessalonıca 5:23

Nǫ̀htsı̨ ts'èwhı̨į̀ wehòhɂǫǫ sìı deghàà degaı k'ę̀ę̀ anaxııle. Gots'ǫ̀ K'àowo Zezì-Krı nììtła gots'ǫ̀ naxıts'ǫ ı̨nì hazǫǫ̀, naxıdą̀ązhį̀ı̨ hazǫǫ̀, eyıts'ǫ naxızhį̀į̀ hazǫǫ̀ hołı̨ı̨ ch'à wek'èhodì ha welì.

Hebrew 9:10

Eyı nàowo t'à gıat'į̀ı̨ sìı t'asìı weghǫ shèts'ezhee, t'asìı ts'edǫ eyıts'ǫ edenàowoò k'ę̀ę̀ edek'enagehtse hanıı zǫ t'à agıat'į̀ ı̨lè. Nǫ̀htsı̨ nàowogòò goxè whehtsı̨ gots'ǫ̀ edezhį̀į̀ gha eyıts'ǫ edılà t'à hanì zǫ eghàlageeda ha dìì-le ı̨lè.

James 3:2

Goxı̨ dǫ ts'ı̨ı̨lı̨ı̨ sìı ekǫ-le eghàlats'eeda hǫt'e. Dǫ edewà t'à ekǫ-le xàyahtı-le sìı deghàà dǫ nezı̨ı̨ elı̨ hǫt'e, eyıts'ǫ ekǫ-le eghàlaeda ch'à edezhį̀į̀ hazǫǫ̀ k'èdì ha dìì-le.