John 13:1 - Nǫ̀htsı̨ Nı̨htł'è

¹ Dzędeè Passover wets'ǫ̀ hawe. Zezì, hòt'a whaà-le dıı nèk'e gots'ǫǫ̀ naetła ha eyıts'ǫ Edetà ts'ǫ̀ anade ha yek'èezǫ. Xàè wets'ǫ dǫ dıı nèk'e dǫta nàgedèe sìı goghǫneètǫ, dànì hòtł'ò goghǫneètǫǫ sìı gık'èezǫǫ̀ agole ha.

John 13:1 ပူးပေါင်းရင်းမြစ်များ

Matthew 26:45

Eyı tł'axǫǫ̀ decheekeè gots'ǫ̀ naèhtła, hagòhdı, “Įłaà wheahte nì aaht'e? Hòt'a Dǫ-wet'àaɂàa-deè sìı hołı̨ı̨-hogehtsı̨ı̨-dǫǫ̀ tł'aàgıhtè ha nìhǫǫwo.

Matthew 28:20

Eyıts'ǫ yatı hazǫǫ̀ naxıghàıhɂǫǫ sìı gık'į̀ı̨t'e ha hoghàgıahtǫ. Nǫǫde dzęę̀ agode ts'ǫ̀ t'aats'ǫǫ̀ naxıxè aht'e ha hǫt'e,” gòhdı.

Luke 22:53

Dzę taàt'eè naxıxè Nǫ̀htsı̨kǫ̀-gocho gà whıhda ı̨lè kò sèahchì-le ı̨lè. Hanìkò dıì to agǫ̀ht'e t'à naxıgha hòɂǫǫ̀ agòjà,” Zezì gòhdı.

Luke 9:51

Yak'e ts'ǫ̀ nıwıìtè ts'ǫ̀ whaà-le agodaade ekò, Zezì Jerusalem ts'ǫ̀ etła ha edınì nàtsoò ayį̀į̀là.

John 11:55

Israel got'ı̨į̀ gıts'ǫ dzędeè Passover ts'ǫ̀ hawe ekò, hazǫǫ̀ gınèè gots'ǫ Israel got'ı̨į̀ łǫ dzędeè kwe Moses wenàowoò k'ę̀ę̀ edexè sıìgogele ha t'à kǫ̀ta Jerusalem ts'ǫ̀ agejà.

John 12:23

Zezì hagòhdı, “Hòt'a Dǫ-wet'àaɂàa-deè wexè enıìyah nàhòwo ha nìkw'o.

John 13:29

Zhıdàà sǫǫ̀mbawò-k'èdìı elı̨ ne t'à dǫ mǫ̀hdaa nàsı̨ gha t'asìı nàı̨hdì Zezì yèhdıì-adı gı̨ı̨wǫ, hanì-le-ı̨dè sǫǫ̀mba dǫ-teèt'ı̨ı̨ ghàı̨ɂà yèhdıì-adı gı̨ı̨wǫ.

John 13:3

Zezì, Wetà t'asìı hazǫǫ̀ ts'ǫ̀ k'àowo ayį̀į̀là, yek'èezǫ. Nǫ̀htsı̨ gots'ǫ at'ı̨ eyıts'ǫ Nǫ̀htsı̨ ts'ǫ̀ anade ha edek'èezǫ.

John 13:34

“Dıı nàowo gòò naxıghàehɂà: Ełeghǫnıahtǫ. Naxıghǫneehtǫ lanıı ełeghǫnıahtǫ.

John 14:28

“Dıı hanaxèehsı̨ ı̨lè, ‘Naxıts'ǫǫ̀ ahde ha hanìkò naxıts'ǫ̀ anahde ha,’ dehsı̨ ı̨lè. Seghǫnıahtǫ nı̨dè Setà ts'ǫ̀ anahde ghǫ naxınà ha hǫt'e, Setà senahk'e elı̨ t'à.

John 14:31

hanìkò Setà weghǫneehtǫ eyıts'ǫ hotıì weyatıì k'ę̀ę̀ eghàlaehdaa sìı dıı nèk'e dǫ hazǫǫ̀ gınıedì agede ha hǫt'e,” hadı tł'axǫǫ̀, “Hot'eè nats'ııdè,” edecheekeè gòhdı.

John 16:28

Setà gots'ǫ dıı nèk'e ts'ǫ̀ ahjà. Hòt'a dıı nèè gots'ǫǫ̀ anahde ha, Setà wets'ǫ̀ anahde ha,” Zezì gòhdı.

John 17:1

Zezì hadı tł'axǫǫ̀, ı̨dòo yak'e ts'ǫ̀ k'eet'į̀ xè yahtı, hadı, “Setà, hòt'a eyı nèhòı̨wo, Neza weghàsǫhoedıì anele, hanì-ı̨dè Neza neghàsǫhoedıì ayele ha.

John 17:16

Dıı nèk'e gots'ǫ aht'e-le, sexèht'eè ededı̨ sı dıı nèk'e gots'ǫ agı̨ı̨t'e-le.

John 17:26

Nek'ègeezǫ agèhłà, deɂǫ̀ǫ̀ nek'ègeezǫǫ̀ agehłe ha. Hanì-ı̨dè dànì seghǫneètǫǫ sìı ededı̨ sìı hanì ełeghǫnegeètǫǫ̀ agede ha, eyıts'ǫ sı̨ gıxè ı̨łè zǫ laht'e ha,” Zezì hadıì Edetà ts'ǫ̀ xàyahtı.

John 17:5

Setà, dıı nèè hòèlı̨ kwe nexè seghàsǫhoedı ı̨lè xèht'eè nexè seghàsǫhoedı ası̨ı̨le.

John 18:4

Zezì wexè dàgode ha sìı hazǫǫ̀ yek'èezǫ t'à gots'ǫ̀ èhtła, hagòhdı, “Amìı hak'eaht'į̀?” gòhdı dagoehke.

John 19:28

Sìghaı̨waà tł'axǫǫ̀ Zezì hadı, “Tı waehwhı.” Hòt'a t'asìı hazǫǫ̀ weghàlaedà, eyıts'ǫ Nǫ̀htsı̨ Nı̨htł'è k'ę̀ę̀ agode ha yek'èezǫ t'à, “Tı waehwhı,” hadı.

John 2:13

Israel got'ı̨į̀ gıgha dzędeè Passover ts'ǫ̀ hawe ekò Zezì kǫ̀ta Jerusalem ts'ǫ̀ ajà.

John 6:4

Ekìıyeè k'e Israel got'ı̨į̀ gıts'ǫ dzędeè Passover ts'ǫ̀ hawe.

John 7:30

Zezì hadı t'à Israel got'ı̨į̀ gha k'aodèe dageechı ha hogeèhdzà, hanìkò ı̨łaà wegha nèhòkw'ı-le t'à dǫ wı̨ı̨zìı t'asayį̀į̀là-le.

John 7:6

Eyıt'à Zezì gots'ǫ̀ hadı, “Sı̨ segha ı̨łaà whìle hǫt'e, hanìkò naxı̨ sìı t'alàa-sìı k'e naxıgha hòɂǫ hǫt'e.

John 8:20

Zezì hadıì gots'ǫ̀ goı̨de ekò Nǫ̀htsı̨kǫ̀-gocho gà dǫ hoghàgoehtǫ ı̨lè. Sǫǫ̀mba nègelee k'è gà nıwà-lea wheda ı̨lè, hanìkò ı̨łaà wegha nèhòkw'ı-le t'à dǫ wı̨ı̨zìı dayaachì-le.

Rome 8:37

Goxè hanì k'ehokw'o kò, Zezì goghǫneètǫǫ sìı wets'ıhɂǫ̀ goxı̨ hòt'a hots'eèhnǫ hǫt'e.

1 Corınth 1:8

Nǫǫde dzęę̀ ts'ǫ̀ naxınì nàtsoò anaxį̀į̀hwhǫ ha, hanì-ı̨dè gots'ǫ̀ K'àowo nììtłaa dzęę̀ k'e nı̨dè t'asìı wı̨ı̨zìı naxık'e nìdahoet'à ha-le.

Hebrew 3:14

T'akwełǫ̀ǫ̀ dànì hotıì gogha ehkw'ı-ahodıı sìı nǫǫde ts'ǫ̀ ts'ıtǫ̀ nı̨dè, Zezì-Krı wexè ı̨łè lats'ı̨ı̨t'e hǫt'e.

Hebrew 3:6

Hanìkò Zezì-Krı, Nǫ̀htsı̨ Weza elı̨ k'ę̀ę̀ Edetà k'èı̨t'e xè ededı̨ Nǫ̀htsı̨ wekǫ̀ gots'ǫ dǫ ts'ǫ̀ K'àowo hǫt'e. Nǫǫde ts'ǫ̀ goınì dejı̨-le xè gogha ehkw'ı-ahodı ts'edı nı̨dè Nǫ̀htsı̨ wekǫ̀ gots'ǫ dǫ ats'ı̨ı̨t'e.

Hebrew 6:11

Naxı̨ hazǫǫ̀ nǫǫde dzęę̀ ts'ǫ̀ hotıì k'èdaà hanì eghàlaahda naxıts'ı̨ı̨hwhǫ, hanì-ı̨dè ayìı wekanıahɂàa sìı wek'ę̀ę̀ agode ha.

1 Peter 1:13

Eyıt'à nezı̨į̀ k'ehoahɂa gha naxınì nàtsoò aahłe. Nàowołı̨ı̨ ch'à edek'èahdì. Zezì-Krı wègoèht'į̀ nı̨dè Nǫ̀htsı̨ naxıts'ǫ̀ sǫnıwǫǫ̀ ade ha eyı ghǫ hòtł'ò naxıgha ehkw'ı-ahodı welè.

1 John 4:19

Nǫ̀htsı̨ ededı̨ t'akwełǫ̀ǫ̀ goghǫneètǫ ts'ıhɂǫ̀ goxı̨ sı ełeghǫnets'eètǫ hǫt'e.

John Wenazhıı 1:5

Eyıts'ǫ Zezì-Krı naxıxè sǫnıwǫ welè eyıts'ǫ naxıxè sìghà hòɂǫ welè. Ededı̨ sìı t'aats'ǫǫ̀ ehkw'ı gode hǫt'e. Ededı̨ t'akwełǫ̀ǫ̀ naìdàa elı̨ eyıts'ǫ dıı nèk'e k'àowocho hazǫǫ̀ gogha k'àowodeè elı̨ hǫt'e. Goghǫneètǫ ts'ıhɂǫ̀ wedoò xàı̨tł'ı t'à gohołı̨į̀ goghǫ nahoazhaà ayį̀į̀là hǫt'e.