John 12:7 - Nǫ̀htsı̨ Nı̨htł'è

⁷ Zezì yets'ǫ̀ hadı, “Whatsǫǫ̀ awet'į̀! Dıı yìk'eetł'òo sìı sekw'ǫǫ̀ nìtį̀ı̨ dzęę̀ gha yek'èdì hǫt'e. Hanì hòɂǫ ha t'à at'ı̨.

John 12:7 ပူးပေါင်းရင်းမြစ်များ

Matthew 26:10

Ayìı ghǫ gogedee sìı Zezì yek'èezǫ t'à gots'ǫ̀ hadı, “Ayìıha dıı ts'èko ts'ǫ̀ sǫahdı? Segha t'asìı nezı̨ı̨ hayį̀į̀là hǫt'e.

Matthew 26:12

Dıı yìk'eetł'òo sezhį̀į̀ k'e nałayeèhtł'ıı sìı sekw'ǫǫ̀ nìtį̀ı̨ dzęę̀ daà ayı̨į̀là hǫt'e.

Mark 14:6

Zezì gots'ǫ̀ hadı, “Whatsǫǫ̀ awet'į̀. Ayìıha dıı ts'èko ts'ǫ̀ sǫahdı? Segha t'asìı nezı̨ı̨ hayį̀į̀là hǫt'e.

Luke 23:50

Eyıts'ǫ dǫ ı̨łè Joseph wìyeh Israel got'ı̨į̀ gha k'aodèe goxè wheda elı̨. Dǫ nezı̨ı̨ xè ehkw'ı eda.