John 12:48 - Nǫ̀htsı̨ Nı̨htł'è

⁴⁸ Dǫ segı̨ı̨hwhǫ-le xè seyatıì gıgha ehkw'ı-ahodı-le sìı gıgha dǫ sınìyahtıı gǫ̀hłı̨ hǫt'e. Yatı nezı̨ı̨ t'à goıhdee sìı wedę agį̀į̀là t'à, nǫǫde dzęę̀ k'e nı̨dè hoìla agedle ha.

John 12:48 ပူးပေါင်းရင်းမြစ်များ

Matthew 10:15

Ehkw'ı anaxèehsı̨, gosınìyaetıı dzęę̀ k'e nı̨dè eyı kǫ̀ta gots'ǫ dǫ dagı̨ı̨ɂa ha. Kǫ̀ta Sodom eyıts'ǫ kǫ̀ta Gomorah dǫ nàı̨dè ı̨lèe sìı nahk'e dagı̨ı̨ɂa ha.

Matthew 21:42

Zezì gots'ǫ̀ hadı, “Nǫ̀htsı̨ Nı̨htł'è k'e dıı hanì dek'eèhtł'èe sìı wek'eyaahtı-le nì: ‘Kwekǫ̀-gogehtsı̨ı̨-dǫǫ̀ kwe ɂǫ̀geèhk'aa sìı eyı kwe denahk'e wet'àaɂà whelı̨. Gots'ǫ̀ K'àowo gogha hanì eghàlaı̨dà gogha enıìyah dìì,’ dek'eèhtł'è.

Matthew 25:31

Zezì hadı, “Dǫ-wet'àaɂàa-deè enıìyah t'à nàtso xè nììtła nı̨dè, wets'ǫ yak'eet'ı̨į̀ gıxè at'ı̨ ha, eyıts'ǫ yak'e gots'ǫ k'àowocho elı̨ xè ededaèhchı̨cho k'e wheda ha.

Mark 12:10

Nǫ̀htsı̨ Nı̨htł'è k'e dıı hanì dek'eèhtł'èe sìı wek'eyaahtı-le nì: ‘Kwekǫ̀-gogehtsı̨ı̨-dǫǫ̀ kwe ɂǫ̀geèhk'aa sìı eyı kwe denahk'e wet'àaɂàa whelı̨.

Mark 16:16

Amìı wegha ehkw'ı-ahodı xè wek'ètaìdzǫǫ sìı edaxàweetè ha, hanìkò amìı wegha ehkw'ı-ahodı-le sìı wegha hoìla ha.

Mark 8:31

Ekò gots'ǫ Zezì dıı hanì (edeghǫ) edecheekeè ts'ǫ̀ gode, “Dǫ-wet'àaɂàa-deè sìı hòtł'ò daı̨ɂa ha. Ǫhdah gı̨ı̨lı̨ı̨, yahtıı gha k'aodèe eyıts'ǫ Nǫ̀htsı̨-yatıì-k'ègedìı-dǫǫ̀ gıgha wedę ha hǫt'e. Ełaàgıìhwhı ha eyıts'ǫ taı dzęę̀ k'ehǫǫwo nı̨dè naìdà ha hǫt'e,” gòhdı.

Luke 10:16

“Amìı naxeèhkw'oo sìı seèhkw'ǫ hǫt'e; amìı naxıdę nıwǫǫ sìı sedę asehɂı̨ hǫt'e, eyıts'ǫ amìı sedę nıwǫ nı̨dè t'aa sı̨ı̨hɂàa sìı wedę ayehɂı̨ hǫt'e,” Zezì hadı.

Luke 17:25

Hanìkò eyı hagode kwe sìı Dǫ-wet'àaɂàa-deè hòtł'ò daı̨ɂa ha, eyıts'ǫ dıì dǫ geedaa sìı gıgha wedę ha.

Luke 20:17

Zezì hotıì goghàeda xè hadı, “Dıı hanì dek'eèhtł'è: ‘Kwekǫ̀-gogehtsı̨ı̨-dǫǫ̀ kwe ɂǫ̀geèhk'aa sìı eyı kwe denahk'e wet'àaɂà whelı̨,’ dek'eèhtł'è. Amìı eyı kwe k'e nàakw'oo sìı wedıhołè ha, eyıts'ǫ amìı eyı kwe wek'e nàakw'oo sìı t'asìı nadlı̨ ha-le. Eyı dek'eèhtł'èe sìı dàhodıì-ahodı dahwhǫ?” gòhdı.

Luke 7:30

Hanìkò Pharısee gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ gı̨ı̨lı̨ı̨ sìı Nǫ̀htsı̨ Wenàowoò k'ę̀ę̀ geeda ha sìı gıgha wedę, John-Baptıst gok'ètaìdzǫ nıìle t'à.)

Luke 9:22

Eyıts'ǫ (edeghǫ) gots'ǫ̀ hadı, “Dǫ-wet'àaɂàa-deè sìı hòtł'ò daı̨ɂa ha. Ǫhdah gı̨ı̨lı̨ı̨, yahtıı-gha-k'aodèe eyıts'ǫ Nǫ̀htsı̨-yatıì-k'ègedìı-dǫǫ̀ gıgha wedę ha hǫt'e. Ełaàgıìhwhı ha eyıts'ǫ taı dzęę̀ t'à naìdà ha hǫt'e,” gòhdı.

Luke 9:26

Amìı dǫ nadąą̀ seghǫ į̀į̀zhaelı̨ xè seyatıì sı ghǫ į̀į̀zhaelı̨ nı̨dè wexè hoìla ha. Dǫ-wet'àaɂàa-deè edets'ǫ eyıts'ǫ edetà wets'ǫ enıìyah deè t'à yak'eet'ı̨į̀ gìdaat'ı̨ı̨ goxè nììtła nı̨dè, yeghǫ į̀į̀zhaelı̨ ha hǫt'e.

John 11:24

Martha hadı, “Hęɂę, nǫǫde dzęę̀ k'e nı̨dè naìdà ha, wek'èehsǫ,” yèhdı.

John 5:45

“Hanìkò Setà wenadąą̀ naxık'e nìdahoehɂà ha dahwhǫ-le. Moses weyatıì k'èats'ı̨ı̨t'e dahwhǫ t'à ededı̨ naxık'e nìdahoeɂà ha.

John 6:39

Amìı sı̨ı̨hɂàa sìı dıı hanıwǫ: dǫ hazǫǫ̀ seghàı̨laa sìı ı̨łè kò seghǫ dıkǫetła ha-le, hanìkò nǫǫde dzęę̀ k'e nı̨dè hazǫǫ̀ nagìdà agehłe ha.

John 8:47

Amìı Nǫ̀htsı̨ wets'ǫ dǫ elı̨ı̨ sìı Nǫ̀htsı̨ dàdıı sìı yeèhkw'ǫ hǫt'e. Nǫ̀htsı̨ wets'ǫ dǫ aaht'e nıìle t'à weàhkw'ǫ nıìle,” Zezì gòhdı.

Zezì Wecheekeèdeè 17:31

Dǫ hazǫǫ̀ ehkw'ı gısınìyaetı gha dzę whehɂǫǫ̀ ayı̨į̀là hǫt'e, eyı gha dǫ ı̨łè yį̀į̀hchì hǫt'e. Eyı wììchıı sìı dǫ hazǫǫ̀ gıgha ehkw'ı-ahodı ha t'à Nǫ̀htsı̨ naìdà ayį̀į̀là,” Paul gòhdı.

Zezì Wecheekeèdeè 3:23

Amìı yeèhkw'ǫ-le sìı wèot'ı̨ ta gots'ǫ xàweeɂà ha,’ dek'eèhtł'è.

Rome 2:16

Eyıt'à Nǫ̀htsı̨ dǫ-sınìyaehtıı-dzęę̀ k'e nı̨dè dǫ ayìı nàgeehɂį̀ eyıts'ǫ ededzeè t'à dàgı̨ı̨wǫǫ sìı Nǫ̀htsı̨, Zezì-Krı wet'ǫ̀ǫ̀ gosınìyaehtı ha hǫt'e. Dıı godı nezı̨ı̨ t'à gohdee sìı hotıì wek'ę̀ę̀ agode ha hǫt'e.

2 Corınth 4:3

Gots'ǫ godı nezı̨ı̨ sìı dǫ mǫ̀hdaa deghàà gınıedì-le t'à gıgha ɂehtł'ı̨ ɂı̨į̀ wheɂǫ lanì, dǫ gıdıhołè ha ts'ǫ̀ gıadèe sìı gıgha hanì hǫt'e.

2 Thessalonıca 1:8

Ekò nı̨dè dǫ Nǫ̀htsı̨ k'ègeezǫ-le xè gots'ǫ̀ K'àowo Zezì wegodıì nezı̨ı̨ k'èagı̨ı̨t'e-le sìı dagı̨ı̨ɂaà agole ha.

Hebrew 10:25

Łą̀ą ełènats'eedè ghǫ nats'ııt'è-le. Dǫ mǫ̀hdaa haget'ı̨-le agejà. Hanìkò godzeè nàtsoò ałets'ehɂı̨ gha t'aats'ǫǫ̀ ełènats'ııdè; nǫǫde dzęę̀ ts'ǫ̀ nıwà-le t'à denahk'e t'aats'ǫǫ̀ hats'et'ı̨ welì.

Hebrew 12:25

Nǫ̀htsı̨ naxıts'ǫ̀ gode nı̨dè wets'ǫ̀ naxıdzıì goìle welè sǫ̀ǫ̀. Nǫ̀htsı̨ dıı nèk'e Israel got'ı̨į̀ gots'ǫ̀ goı̨de ekò egeèhkw'ǫ-le t'à nàgoı̨hkwa ı̨lè. Ekò goxı̨ sìı yak'e gots'ǫ Nǫ̀htsı̨ gots'ǫ̀ gode kò wets'eèhkw'ǫ-le nı̨dè denahk'e hòtł'ò nàgoehkwa ha hǫt'e.

Hebrew 2:3

Eyıt'à Nǫ̀htsı̨ enıìyah k'ę̀ę̀ edaxàgolee sìı wedę ats'ı̨ı̨là nı̨dè nàgoehkwa ch'à kwı̨ts'eehdè ha honàedı nıìle. Edaxàgole ha sìı gots'ǫ̀ K'àowo t'akwełǫ̀ǫ̀ yeghǫ goı̨de ı̨lè, eyıts'ǫ dǫ gı̨į̀hkw'ǫ̀ǫ sìı ededı̨ sı gots'ǫ̀ hagedı.

Hebrew 4:12

Nǫ̀htsı̨ weyatıì sìı eda xè wek'ę̀ę̀ k'ehokw'o hǫt'e. Weyatıì sìı behcho į̀ła-ts'ǫ̀ wek'à dènı nahk'e dènı hǫt'e. Gokwǫ̀ weɂǫ̀ǫ̀ ts'ǫ̀ tàgoehwhe hǫt'e, godą̀ązhį̀ı̨ eyıts'ǫ gots'ǫ ı̨nì į̀łak'aà ayehɂı̨, gokw'ǫǫ̀ eghagoèhzǫ eyıts'ǫ hazǫǫ̀ godzazıì į̀łak'aà ayehɂį̀ xè godzeè yìı dàts'ı̨ı̨wǫǫ sìı yesınìyaehtı.

1 Peter 1:5

Naxıgha ehkw'ı-ahodı t'à Gonǫ̀htsı̨ nàtsoo sìı deghàà edaxànaxelee dzęę̀ ts'ǫ̀ naxık'èdì ha hǫt'e. Nǫǫde dzęę̀ k'e nı̨dè dànì weghǫ enıìyah sìı wek'èts'eezǫ ha hǫt'e.

2 Peter 3:3

Nǫǫde dzęę̀ ts'ǫ̀ whaà-le nı̨dè, eghageedlòo-dǫǫ̀ edınìłı̨ı̨ k'ę̀ę̀ geedaa sìı naxıta agede ha, eyı sìı hotıì wenıahdì ha hǫt'e.

2 Peter 3:7

Nǫ̀htsı̨ weyatıì et'ıì t'à yak'e eyıts'ǫ dıı nèk'e gok'eek'ǫ̀ gha wek'èhodì hǫt'e. T'asìı hazǫǫ̀ wesınìyaetıı dzęę̀ k'e ts'ǫ̀ wek'èhodì, eyıts'ǫ ekìıyeè k'e nı̨dè dǫ hazǫǫ̀ Nǫ̀htsı̨ k'èch'a geedaa sìı gıdıhołè ha.