John 12:38 - Nǫ̀htsı̨ Nı̨htł'è

³⁸ Eyı sìı nakwenàoɂǫǫ Isaıah weyatıì k'ę̀ę̀ agode ha t'à agòjà, dıı hadı ı̨lè, “Sets'ǫ̀ K'àowo, amìı goyatıì wegha ehkw'ı-ahodı, eyıts'ǫ enıìyah whenehtsı̨ı̨ sìı amìı yenıedì awììdlà?” Isaıah hadı ı̨lè.

John 12:38 ပူးပေါင်းရင်းမြစ်များ

Matthew 15:7

Degaı daahtsı̨ kò wek'ę̀ę̀ aahda nıìle! Nakwenàoɂǫǫ Isaıah dànì naxıghǫ ı̨ı̨tł'èe sìı ehkw'ı adı ı̨lè. Dıı hadı, dek'eèhtł'è:

Matthew 16:17

Zezì yets'ǫ̀ hadı, “Jonah weza Sımon nexè sìghà hǫt'e. Dǫ dahxà eyı wek'èı̨zǫ nıìle, hanìkò Setà yak'e whedaa sìı wedahxà wek'èı̨zǫ hǫt'e.

Matthew 27:35

Zezì dechı̨et'aa k'e dexegı̨į̀htsò tł'axǫǫ̀ wegoht'ǫǫ̀ ełetaàgeelè gha eghǫǫ-dǫǫ̀ ekw'ǫą k'egehdè.

John 12:37

Zezì hanì enıìyah łǫ godaà eghàlaı̨dà kò, ı̨łaà gıgha ehkw'ı-ahodı-le.

John 12:39

Gıgha ehkw'ı-ahodı ha dìì. Isaıah edenı̨htł'è k'e dıı hanì enı̨ı̨tł'è:

John 15:25

Hanìkò eyı sìı Nǫ̀htsı̨ Nı̨htł'è k'e dànì dek'eèhtł'èe sìı wek'ę̀ę̀ agode ha t'à agòjà, ‘T'asìı k'èxa-le sedzagı̨ı̨hwhǫ,’ dek'eèhtł'è.

John 17:12

Įłaà gıxè aht'e ekò nıızì dahxà gık'èhdì ı̨lè. Įłè kò seghǫ wedıhòłı̨-le. Įłè wedıhołè ha weghàhòt'ǫǫ sìı eyı zǫ wedıhołè ha. Hanì-ı̨dè ayìı dek'eèhtł'èe sìı wek'ę̀ę̀ agode ha.

John 19:24

Eyıt'à eghǫǫ-dǫǫ̀ ełets'ǫ̀ hagedı, “Tàts'ııhdlà-le, amìı weghaelı̨ ha sìı eyı gha ekw'ǫą ts'ııhdè,” gedı. Dànì Nǫ̀htsı̨ Nı̨htł'è k'e dek'eèhtł'èe sìı k'ę̀ę̀ agode ha t'à hagòjà. Dıı hanì dek'eèhtł'è, “Segoht'ǫǫ̀ łats'ıgı̨ı̨wa eyıts'ǫ seɂeè gha ekw'ǫą k'egeehdè,” dek'eèhtł'è. Eyıt'à eghǫǫ-dǫǫ̀ gıxè hagòjà.

Rome 10:16

Hanìkò Israel got'ı̨į̀ hazǫǫ̀ godı nezı̨ı̨ gıgha ehkw'ı-ahodı nıìle. Nakwenàoɂǫǫ Isaıah dıı hadı ı̨lè, “Sets'ǫ̀ K'àowo, amìı goyatıì gıgha ehkw'ı-ahodı?” hadı, dek'eèhtł'è.

Rome 10:20

Eyıts'ǫ nakwenàoɂǫǫ Isaıah eyı ghǫ edèdaedı-le xè dıı hadıì xàyaı̨htı, “Dǫ sehagı̨ı̨wǫ-le sìı segogį̀į̀hɂǫǫ̀ agèhłà, eyıts'ǫ dǫ seghǫ dageehke-le sìı sek'ègeezǫǫ̀ agèhłà,” hadı, dek'eèhtł'è.

1 Corınth 1:24

Hanìkò Nǫ̀htsı̨ sìı Israel got'ı̨į̀ eyıts'ǫ Greece got'ı̨į̀ gòį̀hchìı sìı, Zezì-Krı wegodıì t'à Nǫ̀htsı̨ sıì nàtsoò wehòhɂǫ xè sıì gǫǫzǫ hǫt'e gık'èezǫǫ̀ agejà.