John 12:16 - Nǫ̀htsı̨ Nı̨htł'è

¹⁶ Wecheekeè t'akwe t'à eyı hazǫǫ̀ gınıedì-le. Zezì ı̨dòo newıìtı̨ tł'axǫǫ̀ eyı yatı hanì weghǫ dek'eèhtł'èe sìı k'ǫǫ̀t'a gık'èhoèhzà, eyıts'ǫ dıì dànì dǫ gıts'ǫ̀ k'ehoɂaa sìı eyı sı gık'èhoèhzà.

John 12:16 ပူးပေါင်းရင်းမြစ်များ

Mark 16:19

Gots'ǫ̀ K'àowo hanì gots'ǫ̀ goı̨de tł'axǫǫ̀ ı̨dòo yak'e ts'ǫ̀ nıwıìtı̨ eyıts'ǫ Nǫ̀htsı̨ gà nàgòts'ehnèe wheda.

Mark 9:32

Hanìkò wecheekeè ayìı ghǫ adıı sìı gınıedì-le, eyı ghǫ dageehke ha gı̨ı̨wǫ kò t'asagedı-le.

Luke 18:34

Hanìkò wecheekeè eyı hazǫǫ̀ yeghǫ goı̨dee sìı gınıedì-le, dàdıì-adıı sìı gıgha deɂı̨į̀ wheɂǫ t'à.

Luke 24:25

Zezì gots'ǫ̀ hadı, “Sıì t'asìı nıahdì-le xè naxınì nàtso-le. Nakwenàoɂǫǫ dàgı̨ı̨dìı sìı dànìghǫ naxıgha ehkw'ı-ahodı-le?

Luke 24:45

Nǫ̀htsı̨ Nı̨htł'è nıgeedì agǫ̀ǫ̀là.

Luke 9:45

Hanìkò wecheekeè gıgha deɂı̨į̀ wheɂǫ t'à ayìı ghǫ adıı sìı gınıedì-le. Eyı ghǫ dageehke ha gı̨ı̨wǫ kò t'asagedı-le.

John 12:23

Zezì hagòhdı, “Hòt'a Dǫ-wet'àaɂàa-deè wexè enıìyah nàhòwo ha nìkw'o.

John 14:26

Hanìkò Yedàyeh Nezı̨ı̨, naxıts'àdıı elı̨ı̨ sìı Setà sıızì dahxà naxıts'ǫ̀ ayele ha. Ededı̨ sìı t'asìı hazǫǫ̀ hoghànaxeehtǫ ha, eyıts'ǫ t'asìı hazǫǫ̀ naxıts'ǫ̀ haehsı̨ı̨ sìı wenaahdì anaxele ha.

John 16:4

Dıı naxıts'ǫ̀ haehsı̨ı̨ sìı eyı nèhòı̨wo nı̨dè dànì weghǫ naxıts'ǫ̀ gohdee sìı wenaahdì ha. T'akwełǫ̀ǫ̀ eyı naxıts'ǫ̀ haehsı̨-le ı̨lè, ı̨łaà naxıxè whıhda ı̨lè t'à.

John 17:5

Setà, dıı nèè hòèlı̨ kwe nexè seghàsǫhoedı ı̨lè xèht'eè nexè seghàsǫhoedı ası̨ı̨le.

John 2:22

Zezì naìdà tł'axǫǫ̀ wecheekeè eyı hadıı sìı gınadì. Eyıt'à Nǫ̀htsı̨ Nı̨htł'è k'e ayìı dek'eèhtł'èe eyıts'ǫ Zezì weyatıì gıgha ehkw'ı-ahodıì agejà.

John 7:39

Zezì ayìı ghǫ godee sìı Yedàyeh Nezı̨ı̨ ghǫ godeè-adı. Dǫ hazǫǫ̀ ehkw'ı adı yı̨ı̨hwhǫǫ sìı nǫǫde-ı̨dè Yedàyeh Nezı̨ı̨ gık'e ade ha. Zezì ı̨łaà yak'e ts'ǫ̀ ajà-le t'à Yedàyeh Nezı̨ı̨ dǫ k'e ajà-le.

Zezì Wecheekeèdeè 2:33

Įdòo Nǫ̀htsı̨ ts'ǫ̀ nıwıìtı̨ eyıts'ǫ yegà nàgòts'ehnèe wheda hǫt'e. Nǫ̀htsı̨-Gotà, Yedàyeh Nezı̨ı̨ ghǫ goı̨dee sìı Zezì ghàyı̨ı̨ɂǫ. Zezì eyı Yedàyeh Nezı̨ı̨ gots'ǫ̀ ayį̀į̀làa sìı dıì weghàahda xè weàhkw'ǫ hǫt'e.

Zezì Wecheekeèdeè 2:36

“Eyıt'à Israel got'ı̨į̀ hazǫǫ̀ Nǫ̀htsı̨ dànì gogha eghàlaı̨dàa sìı hotıì gık'èezǫ ha: Eyı Zezì dechı̨et'aa k'e wedeàhtsòo sìı Nǫ̀htsı̨ gogha K'àowo yèhtsı̨ eyıts'ǫ Chrıst sı yèhtsı̨,” Peter hadıì dǫ ts'ǫ̀ goı̨de.

Zezì Wecheekeèdeè 3:13

Gocho Abraham, Isaac, Jacob eyıts'ǫ gocho hazǫǫ̀ Gınǫ̀htsı̨ sìı, edecheekeè Zezì weghàsǫhoedıì ayį̀į̀là. Ełaàwı ha dǫ tł'aàwèahtı̨ ı̨lè, eyıts'ǫ k'àowo Pılate naxıts'ǫ̀ xàetłaà ayele ha nıwǫ kò naxı̨ weahwhǫ-le ı̨lè.

Hebrew 12:2

Zezì zǫ wedaànıts'ııdè, ededı̨ sìı Nǫ̀htsı̨ gogha ehkw'ı-ahodıı yexèhoį̀hwho hǫt'e, eyıts'ǫ ededı̨ nǫǫde ts'ǫ̀ deghàà gogha ehkw'ı-ahodıì agole ha hǫt'e. Ededı̨ ı̨daà nı̨dè wınà agode ha yek'èezǫ t'à dechı̨et'aa k'e dàı̨ɂàa sìı yeghǫ į̀į̀zhawhelı̨-le. Eyı tł'axǫǫ̀ Nǫ̀htsı̨ t'asìı hazǫǫ̀ gha K'àowocho elı̨ı̨ sìı yegà nàgòts'ehnèe wheda.

Hebrew 8:1

Ayìı awèts'edıı sìı dıı awèts'edı: Yahtıı-wet'àaɂàa-deè deghàà degaı elı̨ gots'ǫ hǫt'e, eyı sìı yak'e Nǫ̀htsı̨ wexè enıìyah hòɂǫǫ gà nàgòts'ehnèe wheda,