John 12:1 - Nǫ̀htsı̨ Nı̨htł'è

¹ Dzędeè Passover wexèhoìwı kwe ek'ètaı dzęę̀ k'e Zezì kǫ̀ta Bethany nììtła. Ekǫ Lazarus nàdè, eyı dǫ Zezì naìdà ayį̀į̀là ı̨lè.

John 12:1 ပူးပေါင်းရင်းမြစ်များ

Matthew 21:17

Eyı hagòjà tł'axǫǫ̀ gots'ǫǫ̀ naèhtła, kǫ̀ta Bethany ts'ǫ̀ ajà. Eyı toò ekǫ ı̨tè.

Mark 11:11

Zezì Jerusalem nììtła ekò Nǫ̀htsı̨kǫ̀-gocho ts'ǫ̀ ajà. Ekǫ t'asìı hazǫǫ̀ ghàı̨dà, hanìkò xèhts'ǫ̀ agodaade t'à edecheekeè hoònǫ-daats'ǫ̀-nàke xè kǫ̀ta Bethany ts'ǫ̀ naèhtła.

Luke 24:50

Eyı tł'axǫǫ̀ Zezì edecheekeè xè kǫ̀ta Jerusalem ts'ǫǫ̀ nageèhde, kǫ̀ta Bethany ts'ǫ̀ gǫǫwà-lea nègı̨ı̨de. Ekǫ edılà ı̨dòo ayį̀į̀là gà gok'eèyaı̨htı.

Luke 7:37

Eyı kǫ̀ta gots'ǫ ts'èko ı̨łè wesıìdlaa sìı Zezì ekǫ shètı̨ ha yeghǫ ıìkw'o ekò, kwetǫą yìı yìk'eetł'òo dètìı k'ehtı̨ xè goyaèhtła.

John 11:1

Dǫ ı̨łè Lazarus wìyeh kǫ̀ta Bethany nàdè. Eyı dǫ sıì eyaelı̨. Weba nàke eyı kǫ̀ta nàgedè. Įłè Mary wìyeh eyıts'ǫ ı̨łè Martha wìyeh.

John 11:43

Zezì hadı tł'axǫǫ̀ hòtł'ò whezeh, “Lazarus, xàı̨tłe!” hadı.

John 11:44

Lazarus kwe yìı wekw'ǫǫ̀ whetǫǫ gots'ǫ xàèhtła. Wılà eyıts'ǫ wekè ehtł'ı̨ t'à wexèhchı eyıts'ǫ wekwì sı ehtł'ı̨ wemoèhdo. Zezì dǫ ts'ǫ̀ hadı, “Ehtł'ı̨ wek'e nàahwha gà yeyìı xàetła aweahłe,” gòhdı.

John 11:55

Israel got'ı̨į̀ gıts'ǫ dzędeè Passover ts'ǫ̀ hawe ekò, hazǫǫ̀ gınèè gots'ǫ Israel got'ı̨į̀ łǫ dzędeè kwe Moses wenàowoò k'ę̀ę̀ edexè sıìgogele ha t'à kǫ̀ta Jerusalem ts'ǫ̀ agejà.

John 12:12

Ek'èdaedzęę̀ k'e dǫ łǫ gıxè dzędeè hołè gha Jerusalem nègı̨ı̨de. Zezì ekǫ ts'ǫ̀ etłe ghǫ gıìkw'o.

John 12:20

Ekìıyeè k'e Greece got'ı̨į̀ dzędeè k'e Nǫ̀htsı̨ ts'ǫ̀ yagehtı ha, dǫ hazǫǫ̀ xè Jerusalem nègı̨ı̨de ı̨lè.

John 12:9

Ekìıyeè k'e Zezì eyı wheda ghǫ egıìkw'o t'à, Israel got'ı̨į̀ łǫ eyı nègı̨ı̨de. Zezì geɂį̀ zǫ gha aget'ı̨ nıìle, hanìkò Lazarus naìdà ayį̀į̀làa sı geɂį̀ gha aget'ı̨.