John 11:55 - Nǫ̀htsı̨ Nı̨htł'è

⁵⁵ Israel got'ı̨į̀ gıts'ǫ dzędeè Passover ts'ǫ̀ hawe ekò, hazǫǫ̀ gınèè gots'ǫ Israel got'ı̨į̀ łǫ dzędeè kwe Moses wenàowoò k'ę̀ę̀ edexè sıìgogele ha t'à kǫ̀ta Jerusalem ts'ǫ̀ agejà.

John 11:55 ပူးပေါင်းရင်းမြစ်များ

Dànì Kèhoį̀wo 35:2

Eyıt'à Jacob edèot'ı̨ eyıts'ǫ dǫ gıxè nàdèe sìı ts'ǫ̀ hadı, “Eładı̨ ts'ǫ nǫ̀htsı̨ą xàwhahshaa sìı ɂǫ̀ahdè gà edek'enaahtse eyıts'ǫ naxıgoht'ǫǫ̀ ładı̨į̀ aahłe.

Matthew 26:1

Zezì eyı hazǫǫ̀ hanı̨ı̨dì ghǫ nǫǫt'e tł'axǫǫ̀ edecheekeè ts'ǫ̀ hadı,

Matthew 26:2

“Dzędeè Passover agode ts'ǫ̀ nàke dzęę̀ whìle wek'èahsǫ hǫt'e. Ekìıyeè k'e nı̨dè Dǫ-wet'àaɂàa-deè k'aodèe tł'aàgıhtè ha eyıts'ǫ dechı̨et'aa k'e wedıìtsò ha,” gòhdı.

Mark 14:1

Dzędeè Passover gha nàsı̨ hołè ts'ǫ̀ nàke dzęę̀ whìle agòjà. Eyı dzędeè k'e łèt'èa dę łèt'è ghǫ shègezhe hǫt'e. Yahtıı-gha-k'aodèe eyıts'ǫ Nǫ̀htsı̨-yatıì-k'ègedìı-dǫǫ̀ Zezì ełaàgııhwhı ha gı̨ı̨wǫ t'à, dànì dǫ naàhtǫ dageechı ha sìı kak'egeet'į̀.

Luke 22:1

Dzędeè Passover gha nàsı̨ hołè ts'ǫ̀ whaà-le agòjà. Eyı dzędeè k'e łèt'èa dę łèt'è ghǫ shègezhe.

John 12:1

Dzędeè Passover wexèhoìwı kwe ek'ètaı dzęę̀ k'e Zezì kǫ̀ta Bethany nììtła. Ekǫ Lazarus nàdè, eyı dǫ Zezì naìdà ayį̀į̀là ı̨lè.

John 13:1

Dzędeè Passover wets'ǫ̀ hawe. Zezì, hòt'a whaà-le dıı nèk'e gots'ǫǫ̀ naetła ha eyıts'ǫ Edetà ts'ǫ̀ anade ha yek'èezǫ. Xàè wets'ǫ dǫ dıı nèk'e dǫta nàgedèe sìı goghǫneètǫ, dànì hòtł'ò goghǫneètǫǫ sìı gık'èezǫǫ̀ agole ha.

John 18:28

K'omǫǫ̀dǫǫ̀ et'ıì yahtıı-wet'àaɂàa-deè Caıaphas wekǫ̀ gots'ǫ xàgeèhchì, Zezì k'àowo Pılate wekǫ̀ gocho ts'ǫ̀ geèhchì. Israel got'ı̨į̀ sìı dǫ eładı̨ı̨ kǫ̀ goyageedè ha gıgha wets'àet'ǫ hǫt'e. Hagejà nı̨dè, gınàowoò k'ę̀ę̀ “degaı gı̨ı̨lı̨-le” agede ha gı̨ı̨wǫ, hanì-ı̨dè dzędeè Passover gha nàsı̨ ghǫ shègezhe ha dìì, eyıt'à k'àowo Pılate wekǫ̀ gocho goyageède-le.

John 2:13

Israel got'ı̨į̀ gıgha dzędeè Passover ts'ǫ̀ hawe ekò Zezì kǫ̀ta Jerusalem ts'ǫ̀ ajà.

John 2:6

Tı gha kwetǫ nechàa ek'ètaı eyı whela, wet'à Israel got'ı̨į̀ edenàowoò k'ę̀ę̀ edılà eyıts'ǫ edekè k'enagehtse. Kwetǫ ı̨łè naènǫ hanì-le-ı̨dè taènǫ lìgalǫ̀ haàtłǫ tı weyìı whetł'ı hǫt'e.

John 5:1

Eyı tł'axǫǫ̀ Israel got'ı̨į̀ gıgha nàsı̨deè hołè ha t'à, Zezì Jerusalem nàhtła.

John 6:4

Ekìıyeè k'e Israel got'ı̨į̀ gıts'ǫ dzędeè Passover ts'ǫ̀ hawe.

Zezì Wecheekeèdeè 21:24

Eyı dǫ dı̨ edexè agı̨ı̨le. Nǫ̀htsı̨ yatıì k'ę̀ę̀ sıìdegele gha, gıxè aąde. Gıt'à sıìdegele gha sǫǫ̀mba t'à gıts'àądı, hanì-ı̨dè edekwìghà hazǫǫ̀ xaget'à ha. Hanelà nı̨dè dǫ hazǫǫ̀ neghǫ godı gıìkw'oo sìı ehkw'ı-ahodı-le nǫǫ̀ gı̨ı̨wǫ ha, eyıts'ǫ Moses wenàowoò k'ę̀ę̀ ı̨da nǫǫ̀ negı̨ı̨hwhǫ ha.

Zezì Wecheekeèdeè 21:26

Ek'èdaedzęę̀ k'e Paul eyı dǫ dı̨ edexè agǫǫ̀là, goxè Moses wenàowoò k'ę̀ę̀ sıìdeɂı̨. Eyı tł'axǫǫ̀ Paul Nǫ̀htsı̨kǫ̀-gocho nàhtła. Dàtłǫ dzęę̀ ts'ǫ̀ sıìdegeɂı̨ ha eyıts'ǫ dǫ dı̨ sıìdegeɂı̨ı̨ sìı hazǫǫ̀ gıtaàt'eè gıgha Nǫ̀htsı̨ ts'ǫ̀ t'asìı k'eek'ǫ̀ ha sìı yahtıı ts'ǫ̀ hadı.

Zezì Wecheekeèdeè 24:18

Gonàowoò k'ę̀ę̀ sıìdehɂı̨ ghǫ naht'e ekò Israel got'ı̨į̀ Nǫ̀htsı̨kǫ̀-gocho gà segıaɂı̨ ı̨lè. Dǫ łǫ sexè aget'ı̨-le ı̨lè eyıts'ǫ dǫ gıxè nàdahoowo hòwhıhtsı̨-le ı̨lè.

1 Corınth 11:28

Amìı, łèt'è yeɂàa eyıts'ǫ lıbò gots'ǫ yedǫ kwe sìı hotıì edınì eyıts'ǫ ededzeè k'aehta welì.

James 4:8

Nǫ̀htsı̨ ts'ǫ̀ nıwà-le aahde, hanì-ı̨dè ededı̨ sı naxıts'ǫ̀ nıwà-le ade ha. Naxı̨ hołı̨ı̨-hoahtsı̨ı̨-dǫǫ̀ aaht'ee sìı naxıhołı̨į̀ wedę aahłe, eyıts'ǫ naxınì nàke laaht'ee sìı naxıdzeè degaı aahłe.