John 11:51 - Nǫ̀htsı̨ Nı̨htł'è

⁵¹ Hadıì xàyaı̨htıı sìı ededahxà adı nıìle, hanìkò eyı xo k'e yahtıı-wet'àaɂàa-deè elı̨ t'à Zezì ghǫ nadąą̀ goı̨de, Zezì Israel got'ı̨į̀ gha ełaàwı ha, hadıì xàyaı̨htı.

John 11:51 ပူးပေါင်းရင်းမြစ်များ

Matthew 20:28

Dǫ-wet'àaɂàa-deè ededı̨ kò dǫ yegha eghàlageeda gha jǫ nììtła nıìle, hanìkò dǫ ts'àdı xè dǫ gha ełaàwı gha jǫ nììtła hǫt'e. Dǫ łǫ gıhołı̨į̀ gıghǫ nahoezhe gha ełaàwı ha hǫt'e,” Zezì edecheekeè gòhdı.

John 10:15

Eyı xèht'eè Setà sek'èezǫ, eyıts'ǫ Setà wek'èehsǫ hǫt'e, eyıts'ǫ sesahzǫ̀ą gıgha ełaehwhı ha.

John 11:49

Dǫ ı̨łè Caıaphas wìyeh eyı xo k'e yahtıı-wet'àaɂàa-deè elı̨, dıı hadıì xàyaı̨htı, “T'asìı wı̨ı̨zìı k'èahsǫ nıìle!

John 18:13

gà yahtıı-gha-k'àowo Annas ts'ǫ̀ geèhchì. Eyı dǫ sìı Caıaphas weɂeh hǫt'e. Eyı xo k'e Caıaphas yahtıı-wet'àaɂàa-deè elı̨.

1 Corınth 13:2

Yedàyeh Nezı̨ı̨ dahxà xàyahtı ha seghàhòt'ǫ nı̨dè, t'asìı deɂı̨į̀ whelaa eyıts'ǫ t'asìı dezhìı hazǫǫ̀ wenıehdì nı̨dè, eyıts'ǫ sıì segha ehkw'ı-ahodı t'à shìh nechàa nàèhdǫ ahłe ha dìì-le, hanìkò dǫ ghǫneehtǫ-le nı̨dè t'asìı ehłı̨ nıìle.

2 Corınth 5:21

Zezì wehołı̨į̀ whìle sìı Nǫ̀htsı̨ gogha hołı̨ı̨ wek'e whelaà ayį̀į̀là, hanì-ı̨dè Zezì wet'ǫ̀ǫ̀ Nǫ̀htsı̨ ehkw'ı ts'eedaà agole ha.

Galatıa 3:13

Moses wenàowoò k'èts'edì ha dìì t'à gosınìyaetı ch'à Zezì-Krı edaxàgoı̨la hǫt'e. Zezì gotł'axǫǫ̀ Nǫ̀htsı̨ yesınìyaı̨htı hǫt'e, dıı hanì dek'eèhtł'è t'à, “Dǫ dechı̨ k'e ełaàwìgwoo sìı hoìla gha wesınìyaetı hǫt'e,” dek'eèhtł'è.

1 Peter 2:24

Ededı̨ sìı edezhį̀į̀ t'à dechı̨et'aa k'e ts'ǫ̀ gohołı̨į̀ edexè ayį̀į̀là hǫt'e. Hanì-ı̨dè hołı̨ı̨ ts'ǫ̀ ełaàts'ede ha, hanìkò ehkw'ı k'ehots'eɂa gha ts'eedaà ats'ede ha; eyıts'ǫ wekaà wek'e whela t'à k'aàt'ıì anaxììdlà hǫt'e.

1 Peter 3:18

Įłàà zǫ Zezì-Krı hołı̨ı̨ hazǫǫ̀ k'èxa ełaı̨wo hǫt'e eyıts'ǫ k'achı̨ hanade ha nıìle. Ededı̨ ehkw'ı elı̨ı̨ sìı naxı̨ ehkw'ı aaht'e-le gha ełaı̨wo, eyıt'à Nǫ̀htsı̨ ts'ǫ̀ anaxį̀į̀là. Wezhį̀į̀ ełaàgıìhwho, hanìkò Yedàyeh Nezı̨ı̨ t'à naìdà awììdlà hǫt'e,

1 John 2:2

Ededı̨ sìı gohołı̨į̀ k'èxa ełaàwı gha Nǫ̀htsı̨ ghàdìtı̨ hǫt'e. Goxı̨ zǫ gogha ajà nıìle, dıı nèk'e dǫ hazǫǫ̀ gıhołı̨į̀ gha ełaı̨wo.