John 11:48 - Nǫ̀htsı̨ Nı̨htł'è

⁴⁸ Nàwets'eɂǫ-le nı̨dè dǫ hazǫǫ̀ ehkw'ı adı gı̨ı̨wǫǫ̀ agede ha. Hanì-ı̨dè Rome dèe-ts'ǫ̀-k'aodèe gı̨ı̨lı̨ı̨ sìı kǫ̀ta Jerusalem eyıts'ǫ gonèè hazǫǫ̀ goghǫ gìhchı ha,” gedı.

John 11:48 ပူးပေါင်းရင်းမြစ်များ

Matthew 22:7

K'àowocho sıì ìch'è. Edets'ǫ eghǫǫ-dǫǫ̀ eyı dǫ yecheekeè ełaàgogį̀ı̨hdèe sìı ts'ǫ̀ agǫ̀ǫ̀là. Eyı dǫ negezı̨-le sìı godıhogèhtsı̨ eyıts'ǫ gıkǫ̀ta gok'egı̨ı̨hk'ǫ.

Matthew 22:9

Tı̨lı k'e ts'ǫ̀ aahde. Ekǫ dǫ gıahɂį̀ı̨ sìı goxè nàsı̨ ghǫ shègıızhe gìahdı,’ gòhdı.

Matthew 24:15

“Nakwenàoɂǫǫ Danıel t'asìıłı̨ı̨ ghǫ ı̨ı̨tł'è ı̨lèe sìı asį̀į̀ wenaahdì? (Amìı yek'eyahtıı sìı yenıedì welì.) Eyı t'asìıłı̨ı̨ sìı degaı k'è gòɂǫǫ goyìı nàı̨ɂa ha, eyı wets'ıhɂǫ̀ degaı k'è gòɂǫǫ sìı tsį̀gowı ha.

Matthew 27:25

Dǫ hazǫǫ̀ gıts'ǫ̀ hagedı, “Hęɂę. Eyı dǫ wedoò nałaètł'ı nı̨dè goza eyıts'ǫ goxı̨ gots'ǫ̀ hoèlı̨ hǫt'e!” gıìhdı.

Luke 11:52

“Naxı̨ Nǫ̀htsı̨-yatıì-k'èahdìı-dǫǫ̀ yàahłı̨ı̨ sìı naxıgha hoìla ha! Wet'à gots'ı̨ı̨zǫǫ sìı dǫ ghǫ ààhchı. Naxı̨ wet'à goahsǫǫ̀ aahjà-le eyıts'ǫ dǫ gıt'à gogı̨ı̨zǫǫ̀ agede ha gıahwhǫ-le,” Zezì gòhdı.

Luke 8:12

Wet'à t'asìı dehshee tı̨lı k'e nàı̨tł'ıı sìı dǫ Nǫ̀htsı̨ yatıì egıìkw'o lanì, hanìkò wehłı̨ı̨ sìı Nǫ̀htsı̨ yatıì gıdzeè yìı ajàa sìı goghǫ yìhchı. Eyıt'à ehkw'ı-ahodı gı̨ı̨wǫ-le xè edaxàgeedè ha-le.

John 1:7

Eyı dzęh nı̨ı̨dı̨ı̨ yeghǫ xàyahtı ha jǫ nììtła. Ededı̨ wet'ǫ̀ǫ̀ dǫ hazǫǫ̀ gıgha ehkw'ı-ahodı gha ajà.

Zezì Wecheekeèdeè 5:28

Yahtıı-wet'àaɂàa-deè gots'ǫ̀ hadı, “Yatı nàtsoo naxıghàts'ı̨ı̨ɂǫ ı̨lè; Zezì wıızì t'à dǫ hoghàgıahtǫ-le naxèts'edı ı̨lè. Hanìkò Jerusalem dǫ hazǫǫ̀ ayìı hoghàgıahtǫǫ sìı eyı ghǫ gogedeè agejà, eyıts'ǫ goxı̨ got'àat'à eyı dǫ ełaı̨wo dahdı ha, k'ehoahɂa,” gòhdı.