John 11:47 - Nǫ̀htsı̨ Nı̨htł'è

⁴⁷ Eyıt'à yahtıı-gha-k'aodèe eyıts'ǫ Pharısee gı̨ı̨lı̨ı̨ sìı ełegeèhdì gha Israel got'ı̨į̀ gha k'aodèe hazǫǫ̀ gokayagı̨ı̨htı, hagedı, “Eyı dǫ enıìyah łǫ hohtsı̨, eyıt'à ayìı dàwets'ele ha?

John 11:47 ပူးပေါင်းရင်းမြစ်များ

Matthew 26:3

Ekìıyeè k'e yahtıı-gha-k'aodèe eyıts'ǫ ǫhdah gı̨ı̨lı̨ı̨ sìı yahtıı-wet'àaɂàa-deè, Caıaphas wìyeh, wekǫ̀ gocho ełègı̨ı̨de.

Matthew 5:22

Hanìkò sı̨ dıı hanaxèehsı̨: Dǫ edèot'ı̨ ts'ǫ̀ ìch'ee sìı wesınìyaetı ha. Eyıts'ǫ dǫ edèot'ı̨ ts'ǫ̀ ìch'è t'à ‘Gonezǫ-le,’ hadıı sìı k'aodèe gısınìyahtı ha. Eyıts'ǫ amìı edèot'ı̨ ts'ǫ̀ ‘Ezhı̨ne anet'e,’ hadıı sìı wehłı̨kǫ̀ daı̨ɂaà awedle ha sǫnı.

Mark 14:1

Dzędeè Passover gha nàsı̨ hołè ts'ǫ̀ nàke dzęę̀ whìle agòjà. Eyı dzędeè k'e łèt'èa dę łèt'è ghǫ shègezhe hǫt'e. Yahtıı-gha-k'aodèe eyıts'ǫ Nǫ̀htsı̨-yatıì-k'ègedìı-dǫǫ̀ Zezì ełaàgııhwhı ha gı̨ı̨wǫ t'à, dànì dǫ naàhtǫ dageechı ha sìı kak'egeet'į̀.

Luke 22:2

Yahtıı-gha-k'aodèe eyıts'ǫ Nǫ̀htsı̨-yatıì-k'ègedìı-dǫǫ̀ Zezì ełaàgehwhı ha gı̨ı̨wǫ t'à dànì agele ha sìı hagı̨ı̨wǫ, hanìkò dǫ gots'àgeejı̨ t'à gonaàhtǫ aget'ı̨.

John 11:57

Hanìkò yahtıı-gha-k'aodèe eyıts'ǫ Pharısee gı̨ı̨lı̨ı̨ sìı dǫ ts'ǫ̀ dıı hagedı ı̨lè, “Zezì edı̨į̀ wheda dǫ gık'èezǫ nı̨dè k'aodèe ts'ǫ̀ hagedı ha,” gedı. Zezì dageechı ha gı̨ı̨wǫ t'à, agedı.

John 12:19

Eyıt'à Pharısee gı̨ı̨lı̨ı̨ sìı ełets'ǫ̀ hagedı, “Weghàahda, dǫ hazǫǫ̀ gıts'ǫ̀ łeèhza! Hagot'ı̨ nı̨dè goxè nezı̨į̀ agode ha agot'ı̨ nıìle,” gedı.

John 2:11

Zezì kǫ̀ta Cana wheda ekò eyı t'akwełǫ̀ǫ̀ enıìyah whehtsı̨ ı̨lè. Enıìyah deè elı̨ı̨ sìı dǫ gıaɂı̨į̀ agǫ̀ǫ̀là, eyıt'à wecheekeè weghǫ gınì nàtsoò agejà.

John 6:2

Zezì dǫ-eyaelı̨ı̨ gha enıìyah ghàlaı̨dà gıaɂı̨ t'à dǫ łǫ gık'èè goòhwho.

John 7:32

Pharısee gı̨ı̨lı̨ı̨ sìı dǫ hagedıì ełets'ǫ̀ gogede gogıìkw'o. Eyıt'à yahtıı-gha-k'aodèe eyıts'ǫ Pharısee gı̨ı̨lı̨ı̨ sìı Zezì dageechı ha Nǫ̀htsı̨kǫ̀-xogııhdıı-dǫǫ̀ kayagı̨ı̨htı.

John 7:45

Nǫǫdea, Nǫ̀htsı̨kǫ̀-xogııhdıı-dǫǫ̀ nageèhde, yahtıı-gha-k'aodèe eyıts'ǫ Pharısee gı̨ı̨lı̨ ts'ǫ̀ anagejà. Eyı nègı̨ı̨de ekò k'aodèe dagogeehke, “Dànìghǫ jǫ nèweahtı̨-le?” gògedı.

Zezì Wecheekeèdeè 5:21

K'omǫǫ̀dǫǫ̀ et'ıì Nǫ̀htsı̨kǫ̀-gocho gà nègı̨ı̨de, eyıts'ǫ dǫ hoghàgogeehtǫ. Yahtıı-wet'àaɂàa-deè eyıts'ǫ wexè k'aodèe gı̨ı̨lı̨ı̨ sìı eyı nègı̨ı̨de ekò Israel got'ı̨į̀ gha k'aodèe hazǫǫ̀ ełegeèhdì gha gokàgehɂà, eyıts'ǫ Zezì wecheekeèdeè dǫ-danìı̨laa-kǫ̀ nègogį̀ı̨waa sìı gıkàgòhdì.

Zezì Wecheekeèdeè 5:24

Nǫ̀htsı̨kǫ̀-xogııhdıı-dǫǫ̀ gha k'àowo eyıts'ǫ yahtıı-gha-k'aodèe eyı godı gıìkw'o ekò gıgha enıìyah lanì. Dànıt'à hagòjà sǫnı gı̨ı̨wǫ.