John 11:44 - Nǫ̀htsı̨ Nı̨htł'è

⁴⁴ Lazarus kwe yìı wekw'ǫǫ̀ whetǫǫ gots'ǫ xàèhtła. Wılà eyıts'ǫ wekè ehtł'ı̨ t'à wexèhchı eyıts'ǫ wekwì sı ehtł'ı̨ wemoèhdo. Zezì dǫ ts'ǫ̀ hadı, “Ehtł'ı̨ wek'e nàahwha gà yeyìı xàetła aweahłe,” gòhdı.

John 11:44 ပူးပေါင်းရင်းမြစ်များ

Dànì Kèhoį̀wo 1:3

Nǫ̀htsı̨ “Dzęh agoıde,” hadı, eyıt'à dzęh agòjà.

Mark 5:43

Hanìkò Zezì, “Eyı ghǫ dǫ wı̨ı̨zìı ts'ǫ̀ haahdı-le,” gòhdı tł'axǫǫ̀ hadı, “Yeghǫ shètı̨ weghàahdı,” gòhdı.

Luke 19:20

“Eyıts'ǫ wecheekeè k'achı̨ ı̨łè eyı nììtła, hadı, ‘K'àowo, jǫ nesǫǫ̀mbaà whela. Sǫǫ̀mba t'asahłà-le, ɂehtł'ı̨ yìı tsı̨ehshà gà deɂı̨į̀ nèehchì ı̨lè,’ yèhdı.

Luke 7:15

Dǫ ełaı̨woo sìı hǫtsaa wheda xè godeè ajà. Zezì ts'èko weza yeghǫyı̨į̀htı̨.

John 10:30

Sı̨ eyıts'ǫ Setà sı ı̨łè zǫ lawììt'e,” Zezì gòhdı.

John 11:39

Zezì dǫ ts'ǫ̀ hadı, “Kwe ı̨ɂǫ̀ǫ̀ aahłe,” gòhdı. Martha, Lazarus weba, yets'ǫ̀ hadı, “K'àowo, wekw'ǫǫ̀ nìtǫ ts'ǫ dı̨ dzęę̀ agòjà t'à goyìı goma ha sǫnı,” yèhdı.

John 11:43

Zezì hadı tł'axǫǫ̀ hòtł'ò whezeh, “Lazarus, xàı̨tłe!” hadı.

John 19:40

Eyı dǫ nàke Zezì wekw'ǫǫ̀ nagıìchì tł'axǫǫ̀ dǫkw'ǫǫ̀ gha yìk'eetł'òo eyıts'ǫ ɂehtł'ı̨ neghoa nezı̨į̀ wekw'ǫǫ̀ mǫèhdoò agı̨į̀là. Israel got'ı̨į̀ dànì dǫkw'ǫǫ̀ nègeetį̀ı̨ sìı k'ę̀ę̀ agı̨į̀là.

John 20:5

Goyadaèhgè ekò dǫkw'ǫǫ̀ ts'ǫ ɂehtł'ı̨ neghoa eyı whelaa yaɂı̨, hanìkò goyaèhtła-le.

John 20:7

eyıts'ǫ ɂehtł'ı̨ Zezì wekwì k'e whehchìı sìı eyı sı yaɂı̨. Eyı ɂehtł'ı̨ whatsǫǫ̀ ełewhehchì, ɂehtł'ı̨ neghoa ta whehchì-le.

John 5:21

Gotà dǫ ełaı̨dèe sìı naìdà xè geedaà agohɂı̨. Eyı xèht'eè Weza wegha sìghà k'ę̀ę̀ dǫ eda ha nıwǫǫ sìı hagohɂı̨ hǫt'e.

John 5:25

Ehkw'ı anaxèehsı̨, whaà-le-t'ıì, hòt'a jǫ nèhòı̨wo hǫt'e, dǫ ełaàgı̨ı̨dè lagı̨ı̨t'ee sìı Nǫ̀htsı̨ Weza gode gıìkw'o ha. Dǫ egıìkw'oo sìı geeda ha.

Phılıppı 3:21

Ededı̨ t'asìı wegha dìì-le t'à t'asìı hazǫǫ̀ yek'èı̨t'e agohɂı̨. Gozhį̀į̀ nàtso-lea sìı wezhį̀į̀ xèht'eè enıìyah t'à wèdaat'ı̨į̀ ayele ha.

John Wenazhıı 1:18

Sı̨ sìı ehda hǫt'e. Ełaıhwho ı̨lè hanìkò dıì welǫ whìle ts'ǫ̀ ehda hǫt'e. Dǫ ełaı̨dèe nèk'e gha ladlì k'èhdì.