John 11:28 - Nǫ̀htsı̨ Nı̨htł'è

²⁸ Hadı tł'axǫǫ̀ ek'èt'à naèhtła gà ededè ts'ǫ̀ gode. Whatsǫą yets'ǫ̀ hadı, “Gots'ǫ̀ K'àowo nììtła, nets'ǫ̀ gode ha nıwǫ,” ededè èhdı.

John 11:28 ပူးပေါင်းရင်းမြစ်များ

Matthew 26:18

Zezì gots'ǫ̀ hadı, “Jerusalem ts'ǫ̀ aahdè, ekǫ dǫ ı̨łè ts'àahdè, wets'ǫ̀ haahdı, ‘Gots'ǫ̀ K'àowo dıı hadı: Segha nèhòkw'ı ts'ǫ̀ whaà-le agòjà. Nekǫ̀ secheekeè gıxè Passover gha nàsı̨ ehtsı̨ ha, hadı,’ hawèahdı,” gòhdı.

Mark 10:49

Zezì nììtła, dǫ gots'ǫ̀ hadı, “Sets'ǫ̀ ııtła wèahdı,” gòhdı. Eyıt'à dǫ wedaà goìlee ts'ǫ̀ gogede, hagedı, “Nınà welè! Nàąwo! Wets'ǫ̀-ı̨tła ha nı̨ı̨hwhǫ,” gıìhdı.

Mark 14:14

Kǫ̀ goyaèhtła nı̨dè dǫ wekǫ̀ agǫ̀ht'ee sìı wets'ǫ̀ dıı haahdı, ‘Gots'ǫ̀ K'àowo nets'ǫ̀ hadı: Edı̨į̀ shèts'ezhe gha gòɂǫ? Secheekeè gıxè nàsı̨ Passover ghǫ shètı̨ ha dehwhǫ,’ wèahdı.

Luke 22:11

Dǫ wekǫ̀ agǫ̀ht'ee sìı wets'ǫ̀ dıı haahdı, ‘Gots'ǫ̀ K'àowo nets'ǫ̀ dıı hadı: Edı̨į̀ shèts'ezhe gha gòɂǫ? Secheekeè gıxè nàsı̨ Passover ghǫ shètı̨ ha dehwhǫ,’ wèahdı.

John 1:41

Ekòet'ıì Andrew edı̨ı̨de Sımon ts'ǫ̀ èhtła, hayèhdı, “Messıah wegots'į̀hɂǫ” yèhdı. (“Messıah” gedı nı̨dè “Chrıst” gedıì-agedı.)

John 1:45

Phılıp, dǫ ı̨łè Nathanael wìyeh ts'ǫ̀ èhtła, hayèhdı, “Moses, dǫ ı̨łè ghǫ ı̨ı̨tł'è ı̨lèe sìı wegots'į̀hɂǫ. Nakwenàoɂǫǫ sı weghǫ gı̨ı̨tł'è ı̨lè. Joseph weza Zezì wìyeh kǫ̀ta Nazareth gots'ǫ dǫ,” yèhdı.

John 10:3

Enìı̨tǫ-k'èdìı-dǫǫ̀ yets'ǫ̀ enìxàechı, eyıts'ǫ wesahzǫ̀ą gohaezeh ha egeèhkw'ǫ. Edesahzǫ̀ą gıızì t'à goızı, eyıts'ǫ mǫ̀ht'a xàgoèwa.

John 11:20

Martha Zezì naetłe yeghǫ ıìkw'o ekò yenìhdǫǫ̀ èhtła. Hanìkò Mary edekǫ̀ wheda.

John 11:29

Hadı t'à ekòet'ıì Mary nıìtła gà ı̨whąą̀ Zezì ts'ǫ̀ èhtła.

John 11:30

Zezì ı̨łaà eyı kǫ̀ta ts'ǫ̀ nììtła-le; edı̨į̀ Martha yenìhdǫǫ̀ èhtłaa sìı ı̨łaà eyı wheda.

John 13:13

“ ‘K'àowo’ sèahdıı sìı ehkw'ı aahdı hǫt'e, naxıts'ǫ̀ K'àowo aht'e ne t'à.

John 20:16

Zezì yets'ǫ̀ hadı, “Mary,” yèhdıì yıızı. Mary yets'ǫ̀ ets'aèhtła, Aramaıc yatıì k'ę̀ę̀, hǫtsaa whezeh, hadı, “Rabbonı!” hadı. (“Rabbonı” gedı nı̨dè “hoghàehtǫǫ-dǫǫ̀,” gedıì-agedı.)

John 21:7

Wecheekeè ı̨łè Zezì yeghǫneètǫǫ sìı Peter ts'ǫ̀ hadı, “Gots'ǫ̀ K'àowo at'ı̨,” yèhdı. Peter ıìkw'o ts'ǫ̀et'ıì edeɂeè nedèe yìı naetła (yeyìı xàetła t'à) eyıts'ǫ Zezì ts'ǫ̀ tèèhko.

1 Thessalonıca 5:11

Eyıt'à nezı̨į̀ ełets'ǫ̀ goahde xè ełınì nàtsoò aahłe, hòt'a haaht'ı̨ lanì.

Hebrew 12:12

Eyıt'à naxınì nàtso-le sìı k'achı̨ nàtsoò aahłe.