John 11:15 - Nǫ̀htsı̨ Nı̨htł'è

¹⁵ Naxıgha sınà wegà whıhda-le ı̨lè. Hanì-ı̨dè ehkw'ı adı seahwhǫ ha. Hòt'a wets'ǫ̀ ts'ııdè,” gòhdı.

John 11:15 ပူးပေါင်းရင်းမြစ်များ

Dànì Kèhoį̀wo 26:24

Eyı toò k'e gots'ǫ̀ K'àowo yets'ǫ̀ wègoèht'į̀, hayèhdı, “Netà Abraham Wenǫ̀htsı̨ aht'e. Nek'èhdì ne t'à nı̨ı̨jı̨-le. Nexè sìghà hòɂǫǫ̀ agohłe ha eyıts'ǫ nets'ıhɂǫ̀ǫ-dǫǫ̀ łǫǫ̀ agehłe ha. Secheekeè Abraham wets'ıhɂǫ̀ negha hagohłe ha,” yèhdı.

Dànì Kèhoį̀wo 39:5

Wekǫ̀ eyıts'ǫ t'asìı hazǫǫ̀ wets'ǫ sìı Joseph wetł'aà whelaà ayį̀į̀làa ekò gots'ǫ sìı Nǫ̀htsı̨ Potıfar wekǫ̀ xè sìghà hòɂǫǫ̀ ayį̀į̀là. Joseph wets'ıhɂǫ̀ Nǫ̀htsı̨ Potıfar wekǫ̀ goyìı, wedèè k'e eyıts'ǫ t'asìı hazǫǫ̀ wets'ǫ sìı xè sìghà hòɂǫǫ̀ ayį̀į̀là.

John 11:14

Eyıt'à Zezì ehkw'ı gots'ǫ̀ hadı, “Lazarus ełaı̨wo hǫt'e.

John 11:16

Thomas (Ełèchǫekèa wìyeh) Zezì wecheekeè ts'ǫ̀ hadı, “Zezì wexè ełaàts'ıde nǫǫ̀ t'à wek'èts'ııdè,” gòhdı.

John 11:4

Zezì yeghǫ ıìkw'o ekò hadı, “Eyı tàda t'à ełaàwı ha nıìle, hanìkò eyı ts'ıhɂǫ̀ Nǫ̀htsı̨ weghàsǫhoedı ha eyıts'ǫ Nǫ̀htsı̨ Weza sı weghàsǫhoedı ha hǫt'e,” gòhdı.

John 12:30

Zezì hadı, “Dıı hagodıı sìı sı̨ segha agodı nıìle, naxıgha agodı hǫt'e.

John 17:19

Gıgha neghàdìıhtı̨ hǫt'e, hanì-ı̨dè ededı̨ sı hotıì degaı gı̨ı̨lı̨ xè nets'ǫ gı̨ı̨lı̨ ha.

John 2:11

Zezì kǫ̀ta Cana wheda ekò eyı t'akwełǫ̀ǫ̀ enıìyah whehtsı̨ ı̨lè. Enıìyah deè elı̨ı̨ sìı dǫ gıaɂı̨į̀ agǫ̀ǫ̀là, eyıt'à wecheekeè weghǫ gınì nàtsoò agejà.

2 Corınth 4:15

Eyı hazǫǫ̀ sìı wet'àhoahwhı gha agòjà hǫt'e. Hanì-ı̨dè Nǫ̀htsı̨ wesǫnıwǫǫ sìı deɂǫ̀ǫ̀ dǫ łǫ ts'ǫ̀ ade ha, deɂǫ̀ǫ̀ dǫ łǫ Nǫ̀htsı̨ masì gı̨ı̨wǫ ha, eyıts'ǫ enıìyah xè deɂǫ̀ǫ̀ dǫ łǫ Nǫ̀htsı̨ ghàsǫgeedıì agede ha.

2 Tımothy 2:10

Eyıt'à Nǫ̀htsı̨ dǫ gòį̀hchìı sìı gıgha daıhɂa kò dehwhǫ. Hanì-ı̨dè ededı̨ sı Zezì-Krı edaxàgole welì, eyıts'ǫ welǫ whìle ts'ǫ̀ enıìyah k'ę̀ę̀ geeda welì.

1 John 5:13

Naxı̨, Nǫ̀htsı̨ Weza naxıgha ehkw'ı adıı sìı welǫ whìle ts'ǫ̀ aahda ha hotıì wek'èahsǫ ha dehwhǫ t'à naxıts'ǫ̀ eehtł'è aht'ı̨.