42 Eyı nèk'e dǫ łǫ Zezì ehkw'ı adı gı̨ı̨wǫǫ̀ agejà.
Dǫ łǫ Mary gà geèhkw'ee sìı Zezì ayìı dàyį̀į̀là gıaɂı̨ t'à, gıgha ehkw'ı-ahodıì agejà.
Israel got'ı̨į̀ gha k'aodèe gıgha ehkw'ı-ahodı-le, hanìkò dǫ łǫ goxè aget'ı̨ı̨ sìı ehkw'ı adı gı̨ı̨hwhǫ. Hanìkò Pharısee gı̨ı̨lı̨ı̨ sìı gots'àgeejı̨. Ełègehdèe-kǫ̀ gots'ǫ xàgogehɂà ha sǫnı gı̨ı̨wǫ t'à Zezì gıgha ehkw'ı adıı sìı t'à dǫ xè gogedo-le.
Zezì, dzędeè Passover gha kǫ̀ta Jerusalem wheda ekò, dǫ łǫ Zezì enıìyah łǫ eghàlaı̨dà gıaɂı̨, eyıt'à ehkw'ı adı gı̨ı̨wǫǫ̀ agejà.
Eyı kǫ̀ta gots'ǫ Samarıa got'ı̨į̀ łǫ Zezì ehkw'ı adı gı̨ı̨wǫǫ̀ agejà. Eyı ts'èko yeghǫ dıı hadı t'à, “T'asìı hazǫǫ̀ hahłàa sìı sets'ǫ̀ hadı.”
Zezì weyatıì ts'ıhɂǫ̀ denahk'e dǫ łǫ gıgha ehkw'ı-ahodıì agejà.
Eyı hagot'ı̨, hanìkò dǫ łǫ ehkw'ı adı gı̨ı̨hwhǫǫ̀ agejà t'à hagedı, “Chrıst nììtła nı̨dè dıı dǫ nahk'e enıìyah łǫ hohtsı̨ ha nì? Į̀le sǫnı,” gedı.
Zezì hadıì gode t'à dǫ łǫ ehkw'ı adı gı̨ı̨hwhǫǫ̀ agejà.
