John 10:40 - Nǫ̀htsı̨ Nı̨htł'è

⁴⁰ Eyı tł'axǫǫ̀ Zezì ek'èt'à Jordan deh nıɂàa ts'ǫ̀ anajà. John-Baptıst edı̨į̀ dǫ k'ètaìdzǫ ı̨lèe sìı ts'ǫ̀ ajà. Zezì ekǫ wheda ekò

John 10:40 ပူးပေါင်းရင်းမြစ်များ

John 1:28

Jordan deh nıɂàa gà kǫ̀ta Bethany ekǫ eyı hazǫǫ̀ hagòjà. Ekǫ John-Baptıst dǫ k'ètaìdzı̨ ı̨lè.

John 11:54

Eyı ts'ıhɂǫ̀ Zezì Israel got'ı̨į̀ gonı k'etło-le ajà, hanìkò ekìı-ka nèk'e gà nıwà-lea kǫ̀ta Efrayım gòyeh ts'ǫ̀ ajà. Ekǫ whatsǫǫ̀ edecheekeè xè aı̨t'è.

John 11:7

Eyı tł'axǫǫ̀ edecheekeè ts'ǫ̀ hadı, “Judea nèk'e ts'ǫ̀ anats'ııde,” gòhdı.

John 3:26

Eyıt'à John-Baptıst ts'ǫ̀ geède, hagedı, “K'àowo, dǫ ı̨łè, Jordan deh te nexè at'ı̨ weghǫ goneedè là, dǫ k'ètaìdzı̨ t'à dǫ hazǫǫ̀ wets'ǫ̀ aget'ı̨,” gıìhdı.

John 7:1

Eyı hagòjà tł'axǫǫ̀ Zezì Galılee nèk'e hazǫǫ̀ nàhtła. Israel got'ı̨į̀ gha k'aodèe weweè hagı̨ı̨wǫ t'à, Judea nèk'e ts'ǫ̀ ade ha nıwǫ-le.