John 10:36 - Nǫ̀htsı̨ Nı̨htł'è

³⁶ Setà edegha dǫ į̀hchìı eyıts'ǫ dıı nèk'e ts'ǫ̀ ayį̀į̀làa sìı, dànì yıızı ha dahwhǫ? Eyıt'à ‘Nǫ̀htsı̨ Weza aht'e,’ dehsı̨ nı̨dè dànìghǫ Nǫ̀htsı̨ k'èch'a gohde sèahdı?

John 10:36 ပူးပေါင်းရင်းမြစ်များ

Matthew 27:43

Nǫ̀htsı̨ ts'ǫ̀ wınì nàtso ne. ‘Nǫ̀htsı̨ Weza aht'e,’ edeghǫ hadı ı̨lè. Hot'eè Nǫ̀htsı̨ edaxàyıhtè,” gedı.

Matthew 27:54

Eghǫǫ-dǫǫ̀ gha k'àowo eyıts'ǫ eghǫǫ-dǫǫ̀ Zezì xogııhdı ı̨lèe sìı dèè nàgoèhdǫ eyıts'ǫ hazǫǫ̀ gıdaà hagòjà ekò, sıì geèhyeh, hagedı, “Ehkw'ı t'à Nǫ̀htsı̨ Weza hǫt'e!” gedı.

Luke 1:35

Yak'eet'ı̨į̀ yets'ǫ̀ hadı, “Yedàyeh Nezı̨ı̨ nek'e ade ha eyıts'ǫ Nǫ̀htsı̨ wenahk'e gǫ̀hłı̨-le sìı wets'ǫ t'asìı nàtsoo nek'e ade ha. Eyıt'à eyı chekoa degaı wegǫ̀hłı̨ ha sìı Nǫ̀htsı̨ Weza wìyeh ha.

John 10:35

Nǫ̀htsı̨ Nı̨htł'è dàdıı sìı wek'èch'a gots'ede ha dìì hǫt'e wek'èts'eezǫ. Dǫ Nǫ̀htsı̨ yatıì gıts'ǫ̀ ajàa sìı Nǫ̀htsı̨ ededı̨ ‘nǫ̀htsı̨,’ gòhdıì goızı nı̨dè,

John 17:18

Dıı nèk'e ts'ǫ̀ seneehɂà xèht'eè, ededı̨ sı dıı nèk'e dǫ ta ts'ǫ̀ gııhɂà hǫt'e.

John 17:21

Hanì-ı̨dè hazǫǫ̀ ı̨łè zǫ lagı̨ı̨t'e ha. Setà, nexè aht'ı̨ eyıts'ǫ nı̨ sexè anet'ı̨, ededı̨ sı goxèht'eè ı̨łè lagı̨ı̨t'e ha. Goxè ı̨łè lagııt'è, hanì-ı̨dè dıı nèk'e gots'ǫ dǫ jǫ ts'ǫ̀ seneehɂà, gıgha ehkw'ı-ahodı ha.

John 17:8

Yatı seghàneeɂǫǫ sìı gıghàehɂǫ xè gıgha ehkw'ı-ahodı. Nets'ǫ aht'ı̨ hotıì sek'ègeezǫ, eyıts'ǫ nı̨ seneehɂàa sìı gıgha ehkw'ı-ahodı.

John 19:7

Hanìkò Israel got'ı̨į̀ k'èdaà hagedı, “ ‘Nǫ̀htsı̨ weza aht'e,’ edèhdı t'à, gonàowoò k'èch'a xàyaı̨htı, eyıt'à ełaàwı ha hǫt'e,” gedı.

John 20:28

Thomas yets'ǫ̀ hadı, “Sets'ǫ̀ K'àowo eyıts'ǫ Senǫ̀htsı̨ anet'e!” yèhdı.

John 20:31

Hanìkò ayìı dek'eèhtł'èe sìı naxıgha adlà hǫt'e. Zezì, Nǫ̀htsı̨ Weza, Chrıst hǫt'ee sìı, eyı naxıgha ehkw'ı-ahodı gha dek'eèhtł'è hǫt'e. Naxıgha ehkw'ı-ahodı nı̨dè Zezì wets'ıhɂǫ̀ welǫ whìle ts'ǫ̀ aahda ha.

John 3:17

Nǫ̀htsı̨ dǫ xè hoìla hòèhtsı̨ gha, edeza dıı nèk'e ts'ǫ̀ ayı̨į̀là nıìle, hanìkò ededı̨ wet'à dǫ edaxàgole gha ayı̨į̀là.

John 3:34

Nǫ̀htsı̨ dǫ gots'ǫ̀ yı̨ı̨hɂàa sìı yeyatıì t'à gode hǫt'e, Nǫ̀htsı̨, Yedàyeh Nezı̨ı̨ deghàà wets'ǫ̀-èlı̨ ayį̀į̀là.

John 5:30

Sı̨ whatsǫǫ̀ t'asìı hahłe ha dìì. Ayìı eèhkw'ǫ ghàà zǫ dǫ sınìyaehtı hǫt'e. Sınì k'ę̀ę̀ eghàlaehda nıìle, amìı sı̨ı̨hɂàa sìı wınì k'ę̀ę̀ zǫ aht'ı̨. Hanì-ı̨dè sı̨ dǫ gısınìyahtı nı̨dè ehkw'ı zǫ xàyahtı hǫt'e.

John 6:27

Łèt'è tsį̀wı ha sìı gha eghàlaahda-le, hanìkò łèt'è wet'à welǫ whìle ts'ǫ̀ aahda ha sìı gha eghàlaahda. Dǫ-wet'àaɂàa-deè eyı łèt'è naxıghàɂà ha. Ededı̨ sìı Nǫ̀htsı̨-Gotà wınì k'ę̀ę̀ eghàlaeda wek'èedzǫǫ̀ ayı̨į̀là hǫt'e,” hadı.

John 6:38

Sınì k'ę̀ę̀ eghàlaehda ha yak'e gots'ǫ jǫ nèehtła nıìle, hanìkò amìı sı̨ı̨hɂàa sìı ededı̨ wınì k'ę̀ę̀ eghàlaehda ha ahjà.

John 6:57

Setà edaa elı̨ı̨ sìı jǫ ts'ǫ̀ sı̨ı̨hɂà hǫt'e, eyıts'ǫ Setà wets'ıhɂǫ̀ sı̨ ehda hǫt'e. Eyı xèht'eè amìı seghǫ shètı̨ı̨ sìı sets'ıhɂǫ̀ eda ha hǫt'e.

John 6:69

Nı̨ sìı Nǫ̀htsı̨ wets'ǫ Degaı anet'e wek'èts'eezǫ, eyı gogha ehkw'ı-ahodı,” yèhdı.

John 8:42

Zezì gots'ǫ̀ hadı, “Nǫ̀htsı̨ naxıtà elı̨ nı̨dè seghǫnıahtǫ ha ı̨lè. Nǫ̀htsı̨ gots'ǫ aht'ı̨ eyıts'ǫ dıì jǫ whıhda hǫt'e. Sı̨ sedahxà jǫ ts'ǫ̀ ahjà nıìle, Nǫ̀htsı̨ jǫ ts'ǫ̀ sı̨ı̨hɂà hǫt'e.

Rome 8:3

Moses wenàowoò gots'àdı ha dìì, goınìłı̨ı̨ ts'ıhɂǫ̀ gogha nàtso-le ajà t'à. Hanìkò Nǫ̀htsı̨ gots'àı̨dì hǫt'e. Xàè Edeza goxèht'eè hołı̨ı̨-hohtsı̨ı̨-dǫǫ̀ k'ę̀ę̀ wègaat'ı̨ı̨ sìı gohołı̨į̀ k'èxa ełaàwı ha gots'ǫ̀ ayį̀į̀là. Hanì hołı̨ı̨-hogehtsı̨ı̨-dǫǫ̀ gıhołı̨į̀ yesınìyaı̨htı hǫt'e.

Rome 9:5

Gıcho Abraham, Isaac, eyıts'ǫ Jacob gots'ǫ dǫ gı̨ı̨lı̨ı̨ hǫt'e. Dıı nèk'e sèot'ı̨ gıta gots'ǫ Zezì-Krı wecho gòı̨lè hǫt'e. Zezì ededı̨ t'asìı hazǫǫ̀ gha Nǫ̀htsı̨ elı̨ı̨ sìı welǫ whìle ts'ǫ̀ weghàsǫts'eedı welè! Amen.

Galatıa 4:4

Hanìkò Nǫ̀htsı̨ wegha deghàà nèhòkw'o ekò Edeza gots'ǫ̀ ayį̀į̀là, ts'èko ts'ǫ dǫ elı̨, eyıts'ǫ Moses wenàowoò tł'a wheda ı̨lè.