John 10:20 - Nǫ̀htsı̨ Nı̨htł'è

²⁰ Dǫ łǫ hagedı, “Įnìłı̨ı̨ wets'ǫ̀-èlı̨ eyıts'ǫ ezhı̨ne whelı̨. Ayìıha wets'eèhkw'ǫ lì?” gedı.

John 10:20 ပူးပေါင်းရင်းမြစ်များ

Matthew 10:25

Dǫ hoghàweètǫǫ sìı hoghàyeehtǫǫ-dǫǫ̀ xèht'eè ade ha hǫt'e, eyıts'ǫ k'àowo wecheekeè edets'ǫ k'àowo xèht'eè ade ha hǫt'e. Edekǫ̀ gha k'àowo elı̨ı̨ sìı ‘wehłı̨ı̨’ gıìhdı nı̨dè wekǫ̀ dǫ nàdèe sìı denahk'e gık'adaedè ha hǫt'e!

Matthew 11:18

John-Baptıst nììtła ekò, edegǫ t'à shètı̨-le xè yedǫ-le, hanìkò dıı hagedı, ‘Įnìłı̨ı̨ wets'ǫ̀-èlı̨,’ gedı.

Matthew 9:34

Hanìkò Pharısee gı̨ı̨lı̨ı̨ sìı hagedı, “Įnìłı̨ı̨ gha k'àowo dahxà ı̨nìłı̨ı̨ xàdeezhıì at'ı̨,” gedı.

Mark 3:21

Wèot'ı̨ wegodıì ghǫ gıìkw'o ekò ekǫ ts'ǫ̀ geède. “Ezhı̨ne whelı̨,” gedı nageehchı ha hogeèhdzà.

John 7:20

Dǫdeè nı gots'ǫ dǫ mǫ̀hdaa hagıìhdı, “Įnìłı̨ı̨ nets'ǫ̀-èlı̨. Amìı ełaànìhwhı ha ghǫ aı̨dı,” gıìhdı.

John 8:52

Zezì hadı t'à k'aodèe dıı hagedıì yagìzeh, “Hòt'a ı̨nìłı̨ı̨ nets'ǫ̀-èlı̨ hotıì wek'èts'eezǫ ne! Abraham ełaı̨wo ı̨lè eyıts'ǫ nakwenàoɂǫǫ sı hazǫǫ̀ ełaàgı̨ı̨dè ne, hanìkò dǫ neyatıì k'èdì nı̨dè ełaàwı ha nıìle nı̨ı̨dı.

Zezì Wecheekeèdeè 26:24

Paul hadı t'à k'àowo Festus, Paul ts'ǫ̀ hòtł'ò hadı, “Paul gonezǫ-le adı̨ı̨de! Sıì hòtł'ò hoghàneètǫ t'à k'edaà gonezǫ-le adı̨ı̨de,” yèhdı.