John 10:18 - Nǫ̀htsı̨ Nı̨htł'è

¹⁸ Dǫ wı̨ı̨zìı ełaehwhıì asele ha dìì, sı̨ sınì k'ę̀ę̀ ełaehwhı ha hǫt'e. Ełaehwhı ha eyıts'ǫ naìhdà ha sı̨ sets'ǫ̀ hoèlı̨ hǫt'e. Setà hanì seghàhòı̨ɂǫ hǫt'e,” Zezì gòhdı.

John 10:18 ပူးပေါင်းရင်းမြစ်များ

John 10:11

“Sı̨ sahzǫ̀ą-k'èdìı-dǫǫ̀ nezı̨ı̨ aht'e. Sahzǫ̀ą-k'èdìı-dǫǫ̀ nezı̨ı̨ sìı edesahzǫ̀ą gha ełaàwı hǫt'e.

John 10:15

Eyı xèht'eè Setà sek'èezǫ, eyıts'ǫ Setà wek'èehsǫ hǫt'e, eyıts'ǫ sesahzǫ̀ą gıgha ełaehwhı ha.

John 10:17

Sesahzǫ̀ą gıgha ełaehwhı ha t'à Setà seghǫneètǫ hǫt'e. Eyı tł'axǫǫ̀-ı̨dè naìhdà ha hǫt'e.

John 14:31

hanìkò Setà weghǫneehtǫ eyıts'ǫ hotıì weyatıì k'ę̀ę̀ eghàlaehdaa sìı dıı nèk'e dǫ hazǫǫ̀ gınıedì agede ha hǫt'e,” hadı tł'axǫǫ̀, “Hot'eè nats'ııdè,” edecheekeè gòhdı.

John 15:10

Seyatıì k'èaht'e nı̨dè sexè aaht'e ha eyıts'ǫ t'aats'ǫǫ̀ naxıghǫneehtǫ ha. Sı̨ sı Setà weyatıì k'èaıht'è eyıt'à t'aats'ǫǫ̀ seghǫneètǫ hǫt'e.

John 19:11

Zezì yets'ǫ̀ hadı, “Įdòo gots'ǫ neghàhòt'ǫ lenǫsıı nets'ǫ̀ hoèlı̨ nıìle. Eyıt'à dǫ netł'aàsegį̀ı̨htı̨ı̨ sìı nenahk'e hołı̨ı̨ hogèhtsı̨ hǫt'e,” yèhdı.

John 5:26

Gotà wet'à ts'eeda hǫt'e, eyı xèht'eè Weza sı t'à ts'eeda hǫt'e, hanì wetł'a hòɂǫ ayı̨į̀là.

John 5:30

Sı̨ whatsǫǫ̀ t'asìı hahłe ha dìì. Ayìı eèhkw'ǫ ghàà zǫ dǫ sınìyaehtı hǫt'e. Sınì k'ę̀ę̀ eghàlaehda nıìle, amìı sı̨ı̨hɂàa sìı wınì k'ę̀ę̀ zǫ aht'ı̨. Hanì-ı̨dè sı̨ dǫ gısınìyahtı nı̨dè ehkw'ı zǫ xàyahtı hǫt'e.

John 6:38

Sınì k'ę̀ę̀ eghàlaehda ha yak'e gots'ǫ jǫ nèehtła nıìle, hanìkò amìı sı̨ı̨hɂàa sìı ededı̨ wınì k'ę̀ę̀ eghàlaehda ha ahjà.

Zezì Wecheekeèdeè 2:24

Hanìkò Nǫ̀htsı̨ sìı naìdà ayį̀į̀là, łǫ̀ǫ̀ weweè t'à daı̨ɂà-le. Nǫ̀htsı̨ t'asìı wegha dìì-le t'à, łǫ̀ǫ̀ ełaı̨wo ayį̀į̀là-le.

Zezì Wecheekeèdeè 2:32

Nǫ̀htsı̨ sìı Zezì naìdà ayį̀į̀là. Goxı̨ hazǫǫ̀ godaà agòjà hǫt'e.

Zezì Wecheekeèdeè 3:15

Eyı dǫ wet'à ts'eedaa sìı ełaàwèahwho hǫt'e, hanìkò Nǫ̀htsı̨ naìdà ayį̀į̀là. Eyı hazǫǫ̀ hagòjàa sìı goxı̨ godaà agòjà hǫt'e.

Tıtus 2:14

Ededı̨ sìı gohołı̨į̀ k'èxa ełaı̨woò adììdlà, wet'à gonàowołı̨ı̨ hazǫǫ̀ ch'à edaxàgoazha hǫt'e. Edegha degaı gòèhtsı̨, xàè wegha ts'ı̨ı̨lı̨ ha agǫ̀ǫ̀là eyıts'ǫ ayìı nezı̨ı̨ sìı weghǫ hòtł'ò ats'ı̨ı̨wǫ ha agǫ̀ǫ̀là.

Hebrew 2:9

Nǫ̀htsı̨ sìı Zezì whaà-lea gots'ǫ̀ yak'eet'ı̨į̀ k'aɂį̀ elı̨į̀ ayį̀į̀là ı̨lè. Hanìkò daı̨ɂà xè ełaı̨wo t'à, dıì sìı Nǫ̀htsı̨ enıìyah deè elı̨į̀ ayį̀į̀là, eyıts'ǫ weghàsǫhoedıì ayį̀į̀là hǫt'e. Nǫ̀htsı̨ wesǫnıwǫ t'à dǫ hazǫǫ̀ gha ełaı̨wo hǫt'e.