John 10:12 - Nǫ̀htsı̨ Nı̨htł'è

¹² Sahzǫ̀ą-k'èdìı-dǫǫ̀ gha eghàlaedaa sìı sahzǫ̀ą-k'èdìı-dǫǫ̀ elı̨ nıìle, xàè wets'ǫ sahzǫ̀ą agı̨ı̨t'e-le t'à. Eyıt'à dìga gots'ǫ̀ etłe yeɂį̀ nı̨dè sahzǫ̀ą gots'ǫǫ̀ natı̨mǫeda. Dìga sahzǫ̀ą godzıìhɂà xè ehkègehɂà agohɂı̨.

John 10:12 ပူးပေါင်းရင်းမြစ်များ

Matthew 10:16

Sahzǫ̀ą dìga nı k'eɂa lanì dǫ ta ts'ǫ̀ naxeehɂà t'à edexoahdı. Eyıt'à dǫ gıta goahsǫ k'ehoahɂa xè ekǫ-le eghàlaahda-le.

Matthew 7:15

“Nakwenàoɂǫǫ ehkw'ı gogede-le sìı gıxoahdı. Sahzǫ̀ą nezı̨ı̨ degeetsı̨, hanìkò dìga wets'àhoejı̨ı̨ lagı̨ı̨t'e.

John 10:13

Dǫ weèhtł'èe sìı sǫǫ̀mba zǫ k'èxa at'ı̨, eyıts'ǫ sahzǫ̀ą goghǫneètǫ-le t'à sahzǫ̀ą ts'ǫǫ̀ natı̨mǫeda.

John 10:2

Dǫ enìı̨tǫ k'è goyaetłaa sìı ededı̨ sahzǫ̀ą-k'èdìı-dǫǫ̀ elı̨ hǫt'e.

John 10:3

Enìı̨tǫ-k'èdìı-dǫǫ̀ yets'ǫ̀ enìxàechı, eyıts'ǫ wesahzǫ̀ą gohaezeh ha egeèhkw'ǫ. Edesahzǫ̀ą gıızì t'à goızı, eyıts'ǫ mǫ̀ht'a xàgoèwa.

Zezì Wecheekeèdeè 20:29

Setł'axǫǫ̀ dàgode ha sìı wek'èehsǫ. Dìga ı̨ghǫǫ lanì naxıta agede ha, naxıts'ǫ sahzǫ̀ą hazǫǫ̀ dzıìgehɂà ha.

1 Tımothy 3:3

Yeèhdee-dǫǫ̀ elı̨ ha-le, wınì nàìtło ha-le, hanìkò dǫ ts'ǫ̀ wedzeè nezı̨ ha, dǫ ts'ǫ̀ nàyaehtı ha-le, eyıts'ǫ sǫǫ̀mba gha edì ha-le.

1 Tımothy 3:8

Eyı lanì k'aodèe ts'àgedıı gı̨ı̨lı̨ı̨ sìı ehkw'ı geeda ha hǫt'e, hanì-ı̨dè dǫ nezı̨į̀ gots'ǫ̀ nageɂa ha. Eyı dǫ hanıı sìı gıdzeè ehkw'ı ha hǫt'e, jìetì geedè ha-le, eyıts'ǫ t'asìı ghǫ egedì-le ha-le xè dǫ ghǫyageeɂà ha nıìle.

2 Tımothy 4:10

Demas dıı nèk'e t'asìı whelaa ghǫneètǫ t'à sets'ǫǫ̀ ajà xè kǫ̀ta Thessalonıca ts'ǫ̀ ajà. Crescens Galatıa nèk'e ts'ǫ̀ ajà, eyıts'ǫ Tıtus Dalmatıa nèk'e ts'ǫ̀ ajà.

Tıtus 1:7

K'àowo elı̨ı̨ sìı Nǫ̀htsı̨ wılaà weghǫ̀t'ǫ ne t'à, t'asìı wejıı wı̨ı̨zìı hohtsı̨ ha-le. Wekwì nàtso xè xàhodì ha-le, yeèhdee-dǫǫ̀ elı̨ ha-le, wınì nàìtło xè wenàhǫǫht'è ha-le, eyıts'ǫ hots'ì t'à t'asìı ghǫ edì ha-le.

1 Peter 5:2

Nǫ̀htsı̨ wesahzǫ̀ą nezı̨į̀ gık'èahdì. Eyı la naxıghǫ̀t'ǫ ne t'à, k'àowo nezı̨ı̨ aahłı̨. Hanì naxıgha hòɂǫ zǫ t'à gıxoahdı-le, hanìkò Nǫ̀htsı̨ wınì k'ę̀ę̀ naxıdzeè t'à gıxoahdı. Sǫǫ̀mba ghǫ hòtł'ò aahwhǫ-le, hanìkò dǫ ts'àahdı gha ts'atà dahkw'e.

2 Peter 2:3

Eyı dǫ hoghàgogeehtǫǫ sìı t'asìı gha egedì-le t'à ededı̨ godı gèhtsı̨ı̨ sìı t'à naxıxè gogedo. Whaà gots'ǫ nàgeekwa ha gıgha hòɂǫ hǫt'e, hanìkò amìı godıhohtsı̨ ha sìı whetı̨ nıìle.